LIWI 10:1 - OTSAO BAIBEL (BSI)

¹ Arun sasün Nadap hia Abihu nyie jing-so zokkya khua makuxkux lax üntoxle ija ma wündix dan ilaxle ima ongan müikya so danlaxle Jowanpa mik-hu ma chitsaokya wün tö hokhie kox. Ija ningle mok angkya kaxtom chixe chifa.

LIWI 10:1 ပူးပေါင်းရင်းမြစ်များ

HUAKE LAIPEX 26:61

Nadap hia Abihu nyi a hwome Jowanpa ang otsao wün tö koxpongma zile pao.

LIWI 16:12

tö-tsap angkya chixe chuale ngokya wündix füi awangle tüikya wünhok-khua tamchu chak ma awangle ongan müile ngankya jing, ibu pangwüi Ataxkya Otsao Nui to apüiüi.

TSAITONG-KAXTONG 12:32

“Kue hünzom ang kaxtom fapupu pangwüi moklax; ija to janbo taxtüi chichangba ijakha angkya oli tuita chu awütle taxchang.

HUAKE LAIPEX 16:46

ilaxle Mosa-e Arun ang thüi: “Nang wündix hok-khua koplax, ikhama tö-tsap angkya wün füikya wünhandix danlax, ilaxle ija wünhan dingma ongan müikya so hidaole danlax. Ija koplaxle khünaknu hato nonokhaile hüikox ilaxle hwom otsao ang achangle zomzingkox, momlax! Jowanpa ang athukle mongtsiküna ilaxle okak-olak pwonle le chang angkya owang wangüna.”

LAIPAO 24:1

Ifüima Jowanpae Mosa ang thüi: “Nang boma, Arun, Nadap, Abihu üntoxle Israel nok lompabu 70 ku hato nguihüi; ilaxle hünzome tsailo tokhange ku shwomlax.

LAIPAO 6:23

Arun-e Elishebah lax. She a Nahshon nanao Aminadab sasün changkya. She-e chix ang Nadap, Abihu, Eliazar hia Ethamar hwom bibi puxle kox.

MÜNCHUAK-TSAI 141:2

Ku zangjop a ongan Müikya zo ningle pongle kop-hüi, nwonle thomkya ku chak a tö tuita ningle pongle kop-hüi.

LIWI 22:9

“Kue koxkya wanlombu nguapabu noke wüi thom angkya oli changpu. Ile chichang thüiningle, hwom thaiüi ilaxle ziüi, chemthüikoxle ija ahwom otsao wanlombu chitwonkya changle. Ku a Jowanpa ilaxle kue hwom otsao ang zingpu.

LAIPAO 28:1

“Hüntüi Arun hia chix sasün Nadap, Abihu, Eliazar, tamchu Ithamar hwom selax üntoxle zom-mwot mok angkya hanpakma Israel khünaknu kha angkya süile hwom nguapabu ang kamlax.

LAIPAO 24:9

Mosa, Arun, Nadap, Abihu üntoxle Israel nok lompa hwom 70 haxnukho to dong,

LIWI 16:1

Jowanpa ang chitsaokya wün tö koxkya zuma Arun sasün anyi langkya füima Jowanpae Mosa füi akax.

LIWI 9:24

Jowanpae allele wün alai, ilaxle zokle ashunkya tö üntoxle tö-tsap angkya müizao zokle ashun. Ibu ngünkya zuma khünaknu akhong ilaxle akhuxle thün khom.

LAIPAO 27:3

Nange ikha angkya wündix hun angkya pakhe, haxhun kho, khuatsum, jankuix, wünhan hoklak, ibu zinglax. Ibu oling-olak pangwüi wi füi zinglax.

IBRI 9:4

Ikhama ongan müikya so zok ang hun tsap tüikya manna füi hun suk, osong chui füikya Arun kaithox üntoxle Tsaotsüt zale tüikya hun füi zingkya Tsaotsüt suak tüikya.

JEREMIA 44:15

Ma kakonubue mama baozangbu ang töbu koxle changkya awan ang kopkya lüka mixpabu pangwüi, ilaxle ikhama ajongle tüikya sheko mixnubu pangwüi, shuathongchi Ijip nok ma ngole tüikya Israel khünakbu chu womle: khünaknu huanuma athütlaxle: hwome ku ang thüi:

JEREMIA 44:8

Hünzom ngo ang nguikya Ijip haxtok, ikhato hünzome chapabu to shwom ilaxle mama baozangbu ang töbu koxkya füi ku ang mong büthüikoxle atsikpu? Zangfang angkya khünaknue hünzom chanyi-wanjaile tamchu hünzom mün othuak-ozom lom to lünle changkya füi hünzom alüile olithule naxmax ang ile mok pia?

JEREMIA 32:35

Hwom baozang Molek ang hwomsu-hwomsabu tö ang kox angkya hanpakma Hinnom Haxsha ma hwome Bal ang tö-tsapbu zingle kox. Ija mok angkya kue hwom ang kaxtom chifa, ilaxle hwom ija ningkya mwot mokle Judah khünaknu ang ochax lyen ang tom angkya ku mongkho ma jao chidong.”

JEREMIA 19:5

ilaxle hwom naosombu wün ma zokle tö ang kox angkya hanpakma hwome Bal ang tö-tsapbu zingle koxle. Ijaningle mok angkya otuechu kue hwom ang kaxtom chifa; ijaningkya bama ku mongkho ma ngaxchu chidong.

JEREMIA 7:31

Hwome wünkha to zokle hwom sasün hia sacha hwom tö ang koxtsuak angkya kuxmale hwome Hinnom Haxsha ma Tofeth-e tö-tsap tuita zingle. Kue ija ile mok angkya hwom ang kaxtom chikox: ija ile chang angkya ku mongkho jaojao ma chidong.

TSAITONG-KAXTONG 17:3

mama baozangbu to shwom tamchu ibu thotha chichangba lyetnu-zanghan hia lyettsibu to shwomle, Jowanpa kaxtom füi opüima ochax lyenkya hünzome atatle.

TSAITONG-KAXTONG 4:2

Kue hünzom ang fakya kaxtom boma janbo taxtüi ilaxle ikha angkya tütalichu awütle taxchang. Kue hünzom ang fadaokya Jowanpa hünzom Zang kaxtombu kax ma laxle tüilax.

LAIPAO 40:27

Jowanpae kaxtom koxkya lailaile ija ma ongan müikya so zokle tö kox.

LAIPAO 38:3

Chixe tö-tsap ma lax angkya mwot-kat ibibi komle zing: khuakhaobu, hok-khuabu, khuatsumbu, jankuixbu, ilaxle wüntak khuakhao ibu pangwüi. Ibu tuina pangwüi wi füi zing.

LAIPAO 37:29

Chixe atsao ang li angkya otsao münga chuwüi zing ilaxle ongan müikya münga ningle awutlaxle ongan müikya so chuwüi chixe zing.

LAIPAO 31:11

pale atsao angkya münga, ilaxle Otsao Nui hanpakma ongan müikya so. Ibibi mwot zingpongma hwome, kue nang ang kaxtom koxle changdaokya lailaile zing angkya oli changle.”

1 WANGHOMBU 18:38

Jowanpae wün adüt, ijae tö pangwüi zokle ashun. Ha hia longbu ashunlaxle hax to apüile zokle ashun ilaxle thap angkya ti bakle azop.

LAIPAO 8:27

Idaile, chix kaxtom tüikya ningle, Jowanpa kwom Zang ang tö kox angkya hanpakma kwom faokhato nyix azom lom to ka angkya changle.”

HUAKE LAIPEX 4:18

“Ibu ataxkya otsao tuina hato namle hüikyae,