LIWI 1:5 - OTSAO BAIBEL (BSI)

⁵ Ija maihupong a Jowanpa tunthoma lang angkya changle; ilaxle nguapa Arun sasün hwome Jowanpa ang koxüi ilaxle Chix Ngwotnui Nyihom fülom hama tüikya tö-tsap akhople ija aji saküi.

LIWI 1:5 ပူးပေါင်းရင်းမြစ်များ

LIWI 3:8

nange ija müi okhang ma nang chak danüi ilaxle Nyihom fülom ma ija langüi. Nguapabue ija aji a tö-tsap akhople saküi

LIWI 1:11

Hünzome ija tö-tsap zongma shuakuxchi kao ma langüi, ilaxle nguapabue ija aji tö-tsap akhople sak angkya changle.

LIWI 3:2

Ija müi khangkho ma nange chak danüi ilaxle ija a Jowanpa Ngwotnui Nyihom fülom ma langüi. Nguapa Arun sasün hwome ija aji tö-tsap akhople saküi.

1 PITAR 1:2

Jisu Khrista kax ma laxle tamchu chix aji makhange atsaole ngo angkya hanpakma Hopa Zang mongtex makhange zünle kopkya tamchu chix Chasa makhange otsao khünakbu ang zingle tüikya a hünzom changle. Chingcha hia mongsom okhongui le hünzom kux ang naxchang.

IBRI 12:24

Tsaotsüt achongkya Jisu, tamchu Abel aji füi ngaxchu sümüikya tsaosüt aji sakkya hato hünzom ngui.

2 PUKAX-PANGAO 35:11

Chun sasün hia zwonsabu langle changkya füima, Liwi hwome ibu okhwon khuak, ilaxle zompu-zangpabue tö-tsap ding to ajibu sak.

LIWI 3:13

nange ija müi okhang ma nang chak danüi ilaxle ija Nyihom tunthoma langüi. Nguapabue ija aji tö-tsap akhople saküi,

LAIPAO 29:16

ilaxle nange ija chun ola langüi, ilaxle ija aji lax üntoxle tö-tsap akhople saküi.

IBRI 10:11

Jehudi nok nguapa noke wüi thothakya ma mwot nyixfo to mok üntoxle tö oli tuitata wüi obi thomthom ma hexle kox; ikoxlechu otuechu ibu tö koxkyabue ochaxbu pao ang chitho.

MIKA 6:6

Chix tongshwom ang nguipongma kue zangkangting Jowanpa hato chem apüiüi? Chix hato kue tö tuita ningle zokle ashun angkya hanpakma maihusa tuita apüiüi hia?

EZEKEL 36:25

Kue hünzom to titsao füi saküi ilaxle kue hünzom pangwüi, chapabu mwot hia mama-mama hünzom chitsaokya ang achangle thomkya mwot pangwüi tokya atsaole danüi.

ISAIA 52:15

Ikoxlechu athax a chaxwannu nokbu chix ma abütüi, ilaxle wanghombu a khosamkyae zangwün chitüile changüi. Hwome ngünüi ilaxle tsingle laxüi amiba hwome matsingkya oli a.”

HUAKE LAIPEX 18:17

Ikoxlechu pongwang ma puxkya maihu, chun, zwon, ibu a shakle chat angkya oli münchang; ibu a komkaile ku kux jao, idaile ibu a ku ang tö koxpongma kox angkya oli changpu. Ibu aji a tö-tsap to sakle awütüi ilaxle ozao a süt tö kox angkya ang zokle ashunüi, ija ongan a ku zongto tüle müikya ongan changpu.

LIWI 16:15

Ifüima chixe khünaknu ochax hanpakma ochax tö kox ang zwon langüi, ija aji a Ataxkya Otsao Nui to dünüi ilaxle ija füi Chingcha Ngwotnui to saküi üntoxle chu Tsaotsüt Suak tunthoma, chixe maihupong aji füi mokdaokya ningle moküi.

LIWI 1:15

Nguapae ija tö-tsap hato apüilaxle ongom afünle langüi ilaxle ija okhang a tö-tsap dingma wün to zokle ashunüi; ija ajibu a tö-tsap akhople saküi.

LAIPAO 29:11

Ku Ngwotnui Otsao Nyihom fülom ma ija müi lang kox.

LIWI 4:29

Nange ija müi okhang ma nang chak danüi ilaxle tö-tsap zongma shuakuxchi ma ija langüi. Ija a zokle ashunle kox angkya tö müibu langkya kha ma changüi.

LIWI 4:33

Nange ija müi khangkho ma nang chak danüi ilaxle zokle ashun angkya tö langkya nui ma, tö-tsap zongma shuakuxchi ma langüi.

LIWI 17:11

Zünmok pangnu ang wüi khüzün a aji ma tüipu; idaile aji pangwüi khünaknu ochax pao angkya kuxma tö-tsap chitong ma thokkoxle thüipu.

1 SAMUEL 1:25

Hwome ija maihupong langle changkya füima hwome ija nao Eli hato apüi.

EZEKEL 43:18

Jowanpa Khüthak Zang-e ku ang thüi: “Ziün angkya khünak, kue nang füi akaxkya ku kax to apalax. Chemtue ija tö-tsap zaile alaiüihex, ija ding ma töbu zokle ashunle tamchu tö ang koxkya müi ajibu füi ija to sakle, nang ija atsaole dan angkya changpu.

LAIPAO 40:6

Nyihom homtho ma zokle ashunle kox angkya tö-tsap dankox.

LIWI 4:7

Ilaxle Nyihom ma tüikya, ongan müikya so zokkya tö-tsapbu oja Jowanpa pomtho ma tüipuix, nguapae ibu to aji füi lyetüi; ifüima aji pangwüi, Nyihom fülom ma tüikya, zokle ashunle tö koxkya tö-tsap chitong ma ija thoküi.