LIWI 1:4 - OTSAO BAIBEL (BSI)

⁴ Zokle koxkya tö khangkho ma chixe ma chak danüi, ija a chix ochax hanpak ang chix khülüix ma pongle laxüi.

LIWI 1:4 ပူးပေါင်းရင်းမြစ်များ

LIWI 4:26

Notom-tusüi hanpak ang koxkya tö müizao chemle zokle ashunpuix ilailaile chixe tö-tsap dingma ija müizao zokle ashunüi. Ile nguapae lompa tuita ochax hanpakma tö koxüi, ilaxle chix ang ija ochax thailakkya tüiüi.

LIWI 4:20

Ochax tö kox angkya maihupong to chemle changpuix ilailaile chixe ija müi to chuwüi changüi. Ile chixe khünaknu hanpak ang tö koxüi ilaxle khünaknu ang thailakkya tüiüi.

LIWI 3:8

nange ija müi okhang ma nang chak danüi ilaxle Nyihom fülom ma ija langüi. Nguapabue ija aji a tö-tsap akhople saküi

LIWI 3:2

Ija müi khangkho ma nange chak danüi ilaxle ija a Jowanpa Ngwotnui Nyihom fülom ma langüi. Nguapa Arun sasün hwome ija aji tö-tsap akhople saküi.

LAIPAO 29:15

“Ifüima nange chun ola tuita laxüi, ilaxle Arun hia chix sasün hwome ija okhang ma hwom chak danüi,

LAIPAO 29:10

“Maihupong tuita ku Ngwotnui Nyihom to apüilax ilaxle Arun hia chix sasün hwom ang ija maihu khang ma hwom khang dan ang tomkox.

1 JUHAN 2:2

Kem ochaxbu thailak atak angkya olom Khrista tata wüi, kem ochaxbu tata le münchang, ikoxle zangfang nok ochax hanpakchu changle.

ROM NOK HATO ZAKYA POL LAIZA 12:1

Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

LIWI 4:31

Ifüima chixe ija angkya müizao komkaile alaiüi, Ija a notom-tusüi to hanpak ang langkya müizaobu alaikya ningle changüi, ilaxle chixe ija Jowanpa zongto ongan müikya tö tuita ang tö-tsap ding ma zokle ashunüi. Ile nguapae khünak tuita hanpakma tö koxüi ilaxle ija khünak ang chix ochax thailak tüiüi.

LAIPAO 29:19

“Nange chatle chu mama chun ola tülaxüi, ilaxle Arun hia chix sasün hwome ija chun ola khangkho ma hwom chak danüi.

FILIPI 4:18

Ipongkhae ku ma kue alomlom komle tüile: ingaxchu onüi tüile! Epafrodita nguikya zuma hünzome ku ang koxkya hinghobu kopkya tokhange ku okhonguile tüile. Ibu a Zang zongma müikya ongan müile ngankya tö tuita ang achangle.

ISAIA 56:7

“Kue hünzom a ku otsao haxnu, Zaion to apüiüi ilaxle ku zangjop hom ma hünzom ang mongsom koxüi, ilaxle ku tötsap ma hünzome koxkya töbu kue pongle kopüi. Ku Zangshwom-Hom a chaxwannu nok hanpakma zangjop homle nyaküi.”

HUAKE LAIPEX 15:25

Nguapae noknu hanpakma zanglom ma tüikya zomzingle atsao koxle hwom khongai ang tomüi, ifüima hwom ang thailak tüiüi, chemthüikoxle thaikya a chaktung chichang ilaxle hwome ochax tö hia süt tö Jowanpa hato apüile koxdaoa.

LIWI 16:24

Chixe otsao nui to ti-ajoüi ilaxle chixe zangjang nyiwun laxüi. Ifüima paolaxle hwome ma ochax hia khünaknu ochax hanpak ang zokle ashunkya tö koxüi.

LIWI 16:21

Chixe chix pangnyi chak ija zwon khangkho ma danüi ilaxle ochax lili pangwüi tamchu Israel khünaknu alünle ajongle thaikya pangwüi ngaiüi ilaxle ibu ochax pangwüi zwon ma ataile koxüi. Ifüima kamle thomkya mixsüne ija zwon a faokha to jwonle apaoüi.

LIWI 9:7

Ifüima Mosa-e Arun ang thüi: “Jowanpae kaxtom fakya ningle tö-tsap zuito hüilax ilaxle ikhama, khünaknu thaidaokya alak angkya hanpakma nange ochax tö laxkox, tamchu zokle ashunkya tö chuwüi laxkox. Ma hanpak angchu tamchu khünaknu hanpak ang chuwüi, ochax paole khongai angkya hanpak ija tö laxkox.”

LIWI 8:22

Ifüima chixe ata chun ola apüi; ija a nguapabu atsao angkya hanpakma fünthole koxkya chunla tuita. Ija chun khangkho ma Arun hia chix sasün hwome hwom chak dan.

LIWI 8:14

Chixe ochax tö hanpak ang maihupong apüi. Chixe ija maihupong khangkho ma Arun hia chix sasün hwom chak dan ang tom.

LIWI 4:35

Ilaxle chixe, notom-tusüi tö hanpak ang langkya müi ozao alaile awütkya ningle ija müi ozao pangwüi alaiüi, Chixe ija Jowanpa ang koxkya süt tö füi tomle tö-tsap dingma zokle ashunüi. Ile nguapae hünzom ochax hanpakma tö koxüi, ilaxle hünzome ochax thailak ataküi.

LIWI 4:29

Nange ija müi okhang ma nang chak danüi ilaxle tö-tsap zongma shuakuxchi ma ija langüi. Ija a zokle ashunle kox angkya tö müibu langkya kha ma changüi.

LIWI 4:24

Chixe ija müi khangkho ma chix chak danüi ilaxle tö-tsap zongma shuakux chikao ma ija langüi, ija a zokle ashunkya tö kox angkya müibu langkya khama changüi. Ija a ochax hünle pao angkya hanpakma koxkya tö changle.

LIWI 4:15

Israel khünaknu tüichong-mixmüibue Jowanpa pomtho ma ija müi okhang ma hwom chakbu danüi. Ija müi a chix tunthoma langüi.

LIWI 4:4

Chixe ija maihupongsa khünaknu Nyihom fülom ma Jowanpa hato apüile kox angkya changle. Chixe ija müi khangkho ma chix chak dan ilaxle Jowanpa tunthoma ija lang angkya changle.

LIWI 3:13

nange ija müi okhang ma nang chak danüi ilaxle ija Nyihom tunthoma langüi. Nguapabue ija aji tö-tsap akhople saküi,

IBRI 10:4

Chemthüikoxle maihupong hia zwon ajibu füi ochaxbu pao ang müntho.

ROM NOK HATO ZAKYA POL LAIZA 5:11

Chatlechu ibu to bole; kem Zang füi zuikhui ang achangkya Jowanpa Jisu Khrista ma Zange kem ang mong amüile.

ROM NOK HATO ZAKYA POL LAIZA 3:25

Chix to ongkya hwom mongong makhange, chix zikyae khünaknu ang ochax thailak atak angkya olom ang naxchangle Zange chix komkaile kox. Chix otsao aho angkya hanpakma Zange ija ile mok. Ledaokya wan ma a chix adule ngo üntoxle khünaknu ochax bama zax chihunle hulanle hu;

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

HUAKE LAIPEX 25:13

Chix tamchu chixsu chixsabu a othuithuima zompu-zangpabu ang zingle thomüi, chemthüikoxle chixe ku zan to kakya adu ang chitho ilaxle khünaknu ang ochax thailak atak ang tom.”

HUAKE LAIPEX 15:28

Tötsap ma nguapae ija khünak chix ochax tokya atsao ang, zanglom ma tüikya khongai zomzingle koxüi, ifüima chix ang thailak tüiüi.

HUAKE LAIPEX 8:12

Ifüima Liwi hwome hwom chak maihupongpa anyi khangkho ma danüi; tuita a ochax tö ang koxüi ilaxle atat a zokle ashunkya tö ang kox angkya changle, ija a zanglom ma Liwi hwom atsao angkya hanpak ang mok angkya changle.

LIWI 22:21

Chemtue owawae Jowanpa ang notom-tusüi tö koxle changüihex, ija a kaxtsao tüidaokya mwot tsuak ang wüi changlax chichangba mongtex tö wüi changlax, ija pongle naxkop jangthüiba, müi a ofwot chemchu chitüikya müi chang angkya oli.

LIWI 6:7

Nguapae ija nang hanpak ang tö koxüi ilaxle nang ochax thailak tüiüi.

LIWI 5:6

ilaxle ija nang ochax tsangthomle tö kox ang, nange Jowanpa hato chun chichangba zwon zwonnu tuita apüile kox angkya oli changpu.

LAIPAO 28:38

Ija a Arun khangpong ma laxüi, ile chang koxle, ija tö koxpongma khünaknu thaile changdao koxlechu, Jowanpa, kue ibu tö pangwüi pongle kopüi.

LAIPAO 29:33

Hwom atsaole tamchu süile chang angkya hanpakma hwom khülüix tsangthom ang koxkya süt hwome saxüi, ikoxlechu mama mix owaechu ikha angkya chisaxüi. Ibu a otsao mwot-kat changle.

LIWI 4:33

Nange ija müi khangkho ma nang chak danüi ilaxle zokle ashun angkya tö langkya nui ma, tö-tsap zongma shuakuxchi ma langüi.

HUAKE LAIPEX 8:10

Israel khünaknue hwom chak Liwi hwom khangkho ma dan angkya;

LIWI 8:18

Ilaxle zokle ashunkya tö hanpakma chun ola tuita apüi; ija chun khangkho ma Arun hia chix sasün hwome chak dan.