Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




LIWI 1:3 - OTSAO BAIBEL (BSI)

3 Tö a müizyem kha angkya zokle kox angkya tö hanpak jangchang thüiningle, chixe ofwot chitüikya müi ola kox angkya changle. Jowanpa tunthoma ija ma khülüix ma pongle kop angkya hanpakma, chixe ija Jowanpa Ngwotnui Nyihom pomtho to apüiüi.

အခန်းကိုကြည့်ပါ။ ကော်ပီ




LIWI 1:3
79 ပူးပေါင်းရင်းမြစ်များ  

Ikoxle ibu müi to chemchemle jangchang, ibu faishokle, omik aduakle, chichangba chisu-chimüikya tütali janman tüile jangchang thüiningle, hünzome ibu a Jowanpa hünzom Zang ang tö kox ang taxlax.


Khrista aji makhange tomning ija mwot otukux tsuakle hüipuix! Oshuk chitüikya chasa makhange chixe alüile ma nguiwangkya Zang ang tö kox. Ile keme ozün Zang thotha angkya kuxmale, chixe aji mwot to chihüikya zomchax tokya kem khangkho angaile faüi.


Hünzome chun hia zwon nyi tütapu lang ang tsuak, ikoxlechu ija a zanglao tuita nguilankya tamchu ofwot chemchu chitüikya chang angkya oli.


Ikoxletix müimüithom tuita chixe ma ang ija sünmüimüi ma komle, tsaotha le ilaxle thaikya ojao chitüi le, ofwot chichangba münwan chemchu chitüi chichangba münasu le thüi angkya chingui-chiwangkya chemchu chitüi le koxtsuaküi.


“Hünzome Jowanpa hünzom Zang ang hünzom osu-maihu hia chunbu, makman füikya tö koxle taxchang; Jowanpa a ija ningkya thua anule.


Ikhoma Jisu a kem laxli pangwüi anguile fa angkya Nguakho changle. Chix a otsao; chix ma thaikya chichangba ochax chemchu müntüi, chix a ochaxbu füi atsaile süi thomkya tamchu zangkho thak to nwonle thomkya changle.


Jehudi nok hia mixnokbu kem pangwüi Chasa tuita ma Hopa Zang ngwotnui to ngui ang thokya a Khrista makhange tix changpu.


Abraham-e lan: “Zang chix jaoe tuita kox angkya changle.” Ilaxle hokhi pangnyi tomtomle ahamle ka.


Chixe Jisu ahamle hüiüi ngünlaxle thüi: “Hulax! Chuja Zang Chun Hosa a!”


Mong to kakngale chichangba mok angkya othui tuita ningle chichang homle, pangnusae wüi, mae mongto thütkya ningle kox angkya changle; chemthüikoxle mongmüi to koxkya mix to Zange chingchale.


Chixe ku ang koxüihex-ole tsaokya amüikya müi tüingale, ku dyenlale chilaxli müi apüilaxle tö koxkya mix a othuak-ozom ang naxchang! Chemthüikoxle ku a wanghom achongkya changle, ilaxle pangnu jat-li tokya khünaknue ku-thua zapu.”


Haxtok chukhato, ku otsao haxnukho ma, Israel ma atsuakya haxnukho ma, Israel khünak hünzom pangnusae ku to shwom angkya changle. Ku ang hünzom füi mongmüiüi, ilaxle hünzome ku hato sümüikya töbu, hünzom töbu amüikya hia hünzom otsao hinghobu apüile kox angkya changle le mongongkya tüiüi.


Nange nang zanpabu füi azankya nyix, nang khünakbu a ma mongtsu to laiüi. Anopningkya nyenti ningle nang naosünbu nang hato otsao haxnukho to nguiüi.


Ku Zang, kue nang mongtex mok ang chemtukux mongkünpuix! Nang hwon-nwot kue ku mongkha ma thomle.”


Ija pangpwon owang lükya nyix Jowanpa zongto ongan müile ngankya süt tö ang ibibile laxkox: maihupongpong bün azom, chun ola anyi, zanglao pong nguidaokya chun hosa olala bünba ali, pangwüi ofwot chitüitüi laxkox.


Notom-tusüi tö hanpak ang hünzom owawae tö koxle jangchang, ija a maihupong chichangba hunu chang angkya oli.


Ifüima chixe naosünbu züizüi tsanle apao, ilaxle hwome Jowanpa ang koxle tö zokle ashun ilaxle müi tuita-anyi tumüi tö ang kox.


Abraham-e akhople hukoxle zu khato ozong awünlaxle chunla tuita ngünle lax. Chixe ija kople apüi ilaxle sasün lüima ija zokle ashunkya tö ang langle kox.


Ku a kafülom changpu; owa ku makhange hommong to nopüihex, chix khosünüi; chix a dongpue laipue le ahamüi ilaxle fum tsüt angkya nui ataküi.


Kaxtaimixe lan: “Otsao Chasa nang ma nguiüi, ilaxle Zang tsakzong e nang to oüi. Ikhoma ija otsao nao ang Zang Hosa le nyaküi.


Chixe thüi: “Hünzome ku ang koxle hüikya töbu kue lomle le hünzome ajangpuix nyi? Hünzome ku ang tö koxle zokle ashun ngokya chunbu hia müizaobu füi süluile ku ma tüipu. Ku a maihupong, chun hia zwon ibu aji füi aole shuüna.


Ngainop ningle swomsae hwome zokle ashunle tö kox angkya müi züita anaolechu notom tusüi tö kox angkya hanpakma müi züita apüi. Khünaknu fongsax ang thung, ikoxle ija fongsüt a jutok le tamchu kokokale chinunchakkaile ashuk.


Füichima ojento ija zokle ashunkya tö ku Ngwotnui Nyihom zünkai ma ku ang kox angkya changle.


Ija chun ola komkaile tö-tsap ma wünkhut ang achangüi; ija a Jowanpa ang zokle ashunle koxkya tö changpu. Ija a ongan müikya füi wün makhange Jowanpa to tö koxkya changpu.


Zang-e thüi: “Nang sasün tuita wüi tüikya, owa to nange tüle mongkünpuix, ija Isak koplax ilaxle Moriah chaxwan to paolax. Ikhato haxnukho oja kue ahoüihex, ikhama ku ang chix tö koxhüi.”


Ifüima Noa-e Jowanpa ang tötsap tuita tan ilaxle zanglom zom ma tsaokya müi hia o-juxbu kha angkya kop ilaxle ibu tötsap ding ma zokle ashunle tö kox.


Jowanpa Khüthak Zang-e thüile: “Changlo, zolax ilaxle chunnyetpa to singkox Chix a ku mwot mokkya mix changle! Chix lang kox, ikoxtix chunbu afale paoüi. Kue ku khünaknu to singüi


Ifüima Balam-e Balak ang thüi: “Nang ija zokle ashunkya nang tö zui ma ajongle ngothün; ku a Jowanpa apong ang cha ang paohax. Chixe ku hama chempang ahopuix ibu kue nang hama wünüi.” Ile chix haxnukho to chix tata dong,


Nange otukux tsuakpuix itukux mongtsu laxle jangmok thüiba, nang hingho füi Zang mongzom müikya tüiüi. Nang ma ngax chitüi khato koxüi changtüi angpu le Zange otuechu münthüt.


Ija khoma chatlechu Jisu-e hwom ang thüi: “Otsingtsingma kue hünzom ang thüipu, chunbu hanpakma fülom ang a ku changpu.


Zang a khünak lailaile atsekya mix münchang, Chix a khünak tuita ningle monglüile ngokya mix münchang. Chixe chem tsaopuix, ijatix mokpu. Chixe chem akaxpuix, ija a tsuakpu.


Nyihom fülom ma chichang homtoxle, Jowanpa ang mama khato tö koxle jangchangba, chix a Zang khünak tuita ang ema laxle chithomüi.


chix ang ija ochax apuale fakya füi tomle, chixe chix tö hanpak ang ofwot chitüikya zwonpong tuita apüiüi.


Jowanpa hanpakma tö laxkox. Ile mokse tsukya pangnusae ibibi mwotkat apüile tö kox angkya changle: hun, khop, wi,


“Zangshwom ang asoxkya Nyihom thoto Arun hia chix sasün hwom apüilax, ilaxle hwom ang zomti ajole laxkox.


Ifüima chixe ija zwon tom-anyi a Jowanpa ngwotnui Nyihom fülom to paoüi.


Ilaxle zokle ashunkya tö hanpakma chun ola tuita apüi; ija chun khangkho ma Arun hia chix sasün hwome chak dan.


Ikoxlechu chixe tsaotsüt tö koxle changpongma chichangba mongtex tö koxkya tuita jangchangba, chixe tö koxkya nyix ija saxüi, ikoxle ota-otua ofüinyix chuwüi saxüi.


Tö zokle ashun angkya hanpakma chixe akasia pün makhange tö-tsap tuita zing. Ija a olwot hia okhao ma tomwüi, fakta sokta pong, ochuak ma sok azom.


Otsao Nyihom zing angkya hanpakma Israel khünaknue apüile koxkya tö pangwüi hwome Mosa chak angkya pongle kop. Anaole chuwüi Israel khünaknue nopfole töbu apüile koxkya chizak.


Jowanpae Mosa ang koxle thomkya kaxtom mwot ma lax ang, koxse atsutsu hingho Israel khünaknu noke Jowanpa hato tö apüi.


ilaxle ilailaile mokse tsukya pangnusae wüi, Zang Ngwotnui Nyihom zing ma kox angkya tö apüi. Zangshwom pongma laxli tamchu nguapabu nyi-za zing ma lax angkya oli pangwüi hwome apüi.


Chix füi akaxkya ningle Balak-e mok, ilaxle tö-tsap ibu ma tiale maihupong hia chunla tompong-tompong tö kox.


Jowanpa tö-tsap ikhama komkaile zokle ashunkya töbu laxkox. Ilaxle hünzome omüi saxkya töbu chuwüi laxkox ilaxle ibu aji tö-tsap ma thokkox.


Balak-e thüi: “Oman, ku füito, kue nang mama khato paofang. Owatsing, ku hanpakma, etokhange ibu Israel khünakbu to thuakzomle chang angkya Zang mongchu tsu ang tsuak.”


Hünzome chun chichangba zwon, ibu tö koxkya jangchang, müi a ofwot chizaikya ola chang angkya oli.


Israel khünaknu tüichong-mixmüibue Jowanpa pomtho ma ija müi okhang ma hwom chakbu danüi. Ija müi a chix tunthoma langüi.


Israel khünak wüi changlax mixnok wüi changlax, onok khato ngole hüikya khünak owae, zokle ashunkya tö wüi changlax chichangba mama tö wüi changlax,


Maihupong tuita, chun ola tuita, chun tuita chichangba zwon tuita le Jowanpa ang zokle ashunkya tö chichangba tsaosaxdaokya thathom ang koxkya tö chichangba küntsu-monglua to koxkya tö chichangba hanpak-hanpak to koxle hüikya zanglom pangpwon tö ningle apüile kox ang tsuak. Ibu süt tö koxkya ozing-olong a Jowanpa zongto ongan tüle müikya changle.


Chemtue maihupong tuita Jowanpa ang zokle ashunkya tö chichangba tsaosaxdaokya tsangthom tö chichangba notom-tusüi tö koxpuix,


Namnopkya nui ma anyi-nyi pong atale tsap ali tüikya. Tö ang kox angkya müibu, otom ma lanle zokle ashunle kox angkya tö wüi changlax, ochax tö hia tsangthom tö wüi changlax, ibu pangwüi hwome tö-tsap ibu ding ma lang.


Nguakhoe ochax lyenlaxle khünaknu hato thaikya sikngün apüikya jangchang, chixe ofwot chizaikya maihupongsa tuita, ochax tö hanpak ang Jowanpa ang kox angkya changle.


Nange ochax tö hanpak ang chun tuita apüile jangchang thüiningle, ija a ofwot chitüikya honu tuita chang angkya oli.


Hünzom kha angkya owawae chitex-chile le Jowanpa tsyen kox angkya otsao süntom chikoxle ochax lyenkya mix jangtüi, nange ija tsangthom hanpak ang Jowanpa hato ofwot chitüikya chun chichangba zwon ola tuita apüile kox angkya changpu. Ija thathüt a tyale thomdaokya onok thathüt ma thütle changüi.


Nange ija tsangthom hanpak ang nguapa hato ofwot chitüikya chun chichangba zwon ola tuita apüile kox angkya changpu. Ija otha a onok ziathop ma thütle chang angkya oli. Nange chitex-chile le thaidaokya ochax tsangthom ang nguapae ija tö koxüi, ilaxle nang ochax thailak tüiüi.


Hünzom kha angkya owawae Jowanpa zongto, ma füikya Israel khünak tuitae athünle thom ang toxkya münachatpule angamkya chichangba chix angkya tütali ahuxle laxkya chichangba chix dyenlale changkya


Chixe Arun ang thüi: “Nange ochax tö hanpak ang maihupongsa tuita koplax, anaolechu wün to zokle ashunkya tö hanpak ang ofwot chitüikya chunla tuita; ibu a Jowanpa ang tö koxpongma koxkox.


Nyix achyet lükya to chixe zanglao nguidaokya ofwot chizaikya chunla anyi, chuncha tuita, olip münga füi awon an tuak azom ilaxle olip münga pe tuita le apüiüi.


Hünzome saxziak tö koxkya nyix wüi, zanglao tuita tsongdaokya, ofwot chizaikya chun ola tuita zokle ashunkya tö hanpak ang laxkox.


Ija ankhao füi tomle noknue zanglao nguile tsongdaokya chun ola anüt, maihupong tuita, ilaxle chun hosa anyi, ile ofwot chitüikya müibu apüile koxüi. Ibu a saxziak hia grep-ti füi tomle, zokle ashunkya tö tuita ang Jowanpa hato apüile koxüi. Ibu tö ongan a Jowanpa zongto tüle müikya ongan changle.


Israel khünaknu a ibibi wanlom kox angkya kaxtom kox: Ofwot chitüikya tamchu mwot to mahüikya hukhinu tuita Mosa hia Arun nyi hato apüile laxkox.


Lyetkua foto lyetwangwang ma Jowanpa ang zokle ashunkya tö kox angkya changle; ija tö ang maihupongsa anyi, chun ola tuita, zanglao nguidaokya chunlasa anüt, ojao ofwot chitüile müikyabu kox angkya changle.


Süt tö hanpak ang zokle ashunle tö ibibile laxkox: tö koxkya ma maihupongsa anyi, chun ola tuita, ilaxle zanglao nguidaokya chunlasa anüt, ibu ofwot chemchu chitüikyabu zünlaxle laxkox.


Ija tö tamchu grepti-ju tö a nyixfokya to koxkya zokle ashunkya tö tamchu saxziak tö obo ang laxkox.


Jowanpa zongto ongan müile ngankya, zokle ashunkya tö ang iningle laxkox: maihupongsa tuita, chun ola tuita, zanglao pong nguidaokya chun hosa olala anüt, ibu pangwüi fwot chemchu chitüitüi apüile laxkox.


Hwome maihupong 70, chun 100, chun hosa 200, ibibi apüilaxle Jowanpa ang zokle ashunle tö kox.


Ilaxle Mosa Wanlom ma zale tüikya ningle hwome tö ibu koxle tsuak angkya hanpakma, zokle ashunkya tö kox angkya müibu, kako-kako ma süile khünaknu othom-othom ma ahan.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ