LIWI 1:13 - OTSAO BAIBEL (BSI)

¹³ Hünzome ija oche-okhax hia chisok-chaksokbu ti füi müile so angkya changpu, ilaxle nguapae ibu tö-tsap angkya wünkha to wünkhut ang ajangle zokle ashunle tö koxüi. Ija zokle tö koxkya ongan a Jowanpa zongto zinglongle müikya changle.

LIWI 1:13 ပူးပေါင်းရင်းမြစ်များ

LIWI 1:9

Hünzome müi oche-oshin hia ocha-ochakbu müile so angkya changle, ilaxle ima mok ang atsyenle tüikya nguapae ibu tö pangwüi tö-tsap dingma danüi. Ija süt tö koxkya ongan-ozang a Jowanpa zongto amüikya changle.

LIWI 2:11

Hünzome Jowanpa ang koxkya saxziak tö chemchu twonkhax füi chiawonüi; Jowanpa a hünzome saxziak to koxle changpongma twonkhax hia nax-ti chemtuechu chiawonüi.

LIWI 4:31

Ifüima chixe ija angkya müizao komkaile alaiüi, Ija a notom-tusüi to hanpak ang langkya müizaobu alaikya ningle changüi, ilaxle chixe ija Jowanpa zongto ongan müikya tö tuita ang tö-tsap ding ma zokle ashunüi. Ile nguapae khünak tuita hanpakma tö koxüi ilaxle ija khünak ang chix ochax thailak tüiüi.

HUAKE LAIPEX 15:4

Owapange zokle ashunkya tö hanpak ang Jowanpa hato chun tuita chichangba zwon tuita le apüile koxüihex, chixe müi tuipong füi tomle olip münga laihwon tuita füi awon ankhix tuak tuipong saxziak tö hanpak ang apüiüi, ifüi tomle grepti-ju chuwüi laihwon tuipong apüiüi.

HUAKE LAIPEX 28:11

Lyetkua foto lyetwangwang ma Jowanpa ang zokle ashunkya tö kox angkya changle; ija tö ang maihupongsa anyi, chun ola tuita, zanglao nguidaokya chunlasa anüt, ojao ofwot chitüile müikyabu kox angkya changle.

TSAITONG-KAXTONG 12:27

Jowanpa tö-tsap ikhama komkaile zokle ashunkya töbu laxkox. Ilaxle hünzome omüi saxkya töbu chuwüi laxkox ilaxle ibu aji tö-tsap ma thokkox.

PONGWANG LAIPEX 8:21

Chemtue Jowanpae ija ongan müikya atumle laxpuix, chixe chix mongto thüi: “Khünak khoma hexle kue tamchatle haxtok to thuakzomle münchangüi; chemthüikoxle khünak mongjang a chix naosün ma tüitan tokhange wüi ochax changle. Kue hwondaokya ningle tamchatle ozün ma tüikya zünmok max ang müntomüi.

LIWI 2:2

Nguapabu, Arun sasün hwom hato ija apüiüi. Ikha angkya chakpuix tuita an hia olip münga tamchu ima tüikya otex-tsyapi pangwüi laxle chang füima, nguapae ija chakpuix an tö-tsap ma wünkhut ang achangle zokle ashunüi. Ija a Jowanpa zongto zinglongle ongan müikya to tuita changle.

LIWI 3:5

Ija pangwüi nguapae zokle ashunkya tö füi tomle tö-tsap ma zokle ashunüi.

LIWI 6:14

Ibu a saxziak tö hanpakma wanlombu changle. Arun sixli nguapae tö-tsap tunthoma Jowanpa ang ija saxziak tö kox angkya changpu.

HUAKE LAIPEX 15:3

Maihupong tuita, chun ola tuita, chun tuita chichangba zwon tuita le Jowanpa ang zokle ashunkya tö chichangba tsaosaxdaokya thathom ang koxkya tö chichangba küntsu-monglua to koxkya tö chichangba hanpak-hanpak to koxle hüikya zanglom pangpwon tö ningle apüile kox ang tsuak. Ibu süt tö koxkya ozing-olong a Jowanpa zongto ongan tüle müikya changle.

HUAKE LAIPEX 28:8

Anopningkya tö lailaile hansongechu tuita tüikya chun hosa tö kox; ija füi tomle grepti-ju tö chuwüi kox. Ija chuwüi Jowanpa zongto ongan müikya süt tö changle.

2 PUKAX-PANGAO 4:6

Hwome Zangshwom-Hom ma dan ang khuatsum chuwüi bün zing, aga a shuathongchi ma dan ilaxle aga a shuakuxchi ma dan. Hwome ibu a zokle ashunkya tö ang kox angkya müibu, olom-olom titsao füi sole chang angkya hanpakma twon Tibom angkya ti a nguapabue so-zing ang lax-twon angkya hanpakma thom.

EZEKEL 40:38

Fülom angkya thongnu zui ma kahak namtüile nuilua tuita tüikya. Ikhama hwome zokle ashunle koxkya tö so.