KOLOSI 3:3 - OTSAO BAIBEL (BSI)

³ Chemthüikoxle hünzom a zidaoa, ilaxle hünzom khüzün tsün a Khrista füi tomle Zang ma akhün thomle.

KOLOSI 3:3 ပူးပေါင်းရင်းမြစ်များ

GALATIA 2:20

Ikhoma athax ku ozün ma ngokya a ku münchang, ikoxle kuma khüzün tüikya a Khrista changle. Ija tsün ku ozün ma ngokya a, owae ku to mongkün ilaxle ku bama chix tsün koxlaxpuix, ija Zang Hosa tokya mongonge ku ozün ma ngopu.

ROM NOK HATO ZAKYA POL LAIZA 6:2

Ile otuechu münchangüi! Kem ochax ma zidaoa: ikoxle ija ma wüi kem chemle ngole hüiüi?

KOLOSI 2:20

Hünzom a Khrista füi tomle zidaokya ilaxle ija zangfang apünkya chasabu chak tokya dandaoa. Jangchangba, hünzom büthüikya to ija chaxwannu kux ningle ngo angkya?

JUHAN 5:24

“Otsingtsingma kue hünzom ang thüipu, Owae ku kax atat laxpuix, ilaxle ku tomle ajokya mix to onglaxpuix, chix ma oshuk chitüikya khüzün tüile. Chix bama kaxfün angkya müntüi, zik kaile toxlaxle azang angkya ha alopüna.

ROM NOK HATO ZAKYA POL LAIZA 8:2

Chemthüikoxle Chasa wanlom ojae Khrista ma kem hato khüzün apüipuix, ijae ochax hia zikmüt-mangkho chak tokya ku dandaoa.

ROM NOK HATO ZAKYA POL LAIZA 5:10

Kem a Zang zongto zanbu changkya, ikoxle Hosa zikya makhange kem chix zuikhui ang zingpu. Athax a kem Zang füi zuikhui changle, ilaxle Khrista ozün ma ngokoxle chixe kem khosün angkya atsingsho!

2 KORIN 5:14

Kwom a Khrista mongküne apün-awang laxle tüile, chemthüikoxle pangnu hanpak ang khünak tuita zidaoa, ikhoma pangnu wüi ija zik ma womüna le kwome laxle.

JUHAN 5:21

Chemthüikoxle chemle Hopae zidaokyabu chatle zo ang tom le hwom ang khüzün hoxpuix, ija ningle chix mongtsukyabu ang Hosaechu khüzün koxtsuak angkya changle.

JUHAN 3:16

Zange chaxwannu to tüle mongkün laxle chix to ongkya mix chimax le oshuk chitüikya khüzün tsün atak angkya hanpakma chix ang Hosa tuita wüi tüikya chaxwannu ang kox;

JUHAN 14:19

Noxta ngokya füima, chaxwannue ku münngünüi, ikoxlechu hünzome a ku ngün ang kopüi; tamchu ku ozün ma tüikoxle hünzom chuwüi ozün ma ngo angkya changle.

1 PITAR 3:4

ikoxle mong othongdua to, künsom mongdang hia dangjajakya chasa, omüt osam chitüikya zapua ang achanglax; ija chasa a Zang miksho ma thalix changle.

MATHI 11:25

Iponge Jisu-e akax: “O Apa! Nang a zangkangting hia chaxwannu Jowanpa, kue nang ang münchong fapu! Chemthüikoxle nange hwontüi jelangkyabu tamchu man-ngünkyabu hato chiaho le pyenle thomkya ija naosombu thüntho ma nange kotok to ngai ang tomdaoa!

KOLOSI 3:4

Hünzom khüzün tsün otsingtsing a Khrista changle ilaxle otue chix ngaiüihex, izuma hünzom chuwüi chix füi tomle ngaiüi ilaxle chix fuazangkya süntswon ma womüi.

IBRI 7:25

Idaile, athaxchu üntoxle jento, chix makhange Zang hato hüikyabu sün ang chixe tsuakle tüile, chemthüikoxle hwom hanpakma ju ang chix jento Zang füi tomle ngopu.

KOLOSI 2:3

Khomle thomkya tuina oja Zang hwon-je üntoxle tsingwankya hex, ibu pangnu ka dap angkya kapatja a chix changle.

JUHAN 5:40

Ikoxlechu hünzom a khüzün kop ang ku hato hüise le chitsu.

JUHAN 4:14

Ikoxle opange kue fakya ti linglaxüi hex, ibu ang ti tamchatle münlanüi; ikoxle kue chix ang fakya ti a, chix ma otuechu chizople fuakle lai ngokya timik ang achangüi.”

MIKNGÜN-OHÜN 2:17

“Na zaikyabue, müimüithombu füi chasae chem akaxpuix, ija apalax! “Zan lütkyabu ang kue khomle thomkya mana koxüi. Chatlechu kue hwom ang long tsetsekya koxüi. Ija ma mün hozün zale tüile, Ija a pongle kopkya mix boma owaechu awan ang müntho.

1 JUHAN 3:2

Ku mongkün tüinaohom, athax kem a Zangsu Zangsabu changle, ikoxlechu kem chem ang achangüihex ija pak müntik. Ikoxlechu Khrista nguikya zuma, kem chix lailaile achangüi, chemthüikoxle chix chemle tüipuix ija tsaotha le keme ngün ang kopüi, ija keme awanpu.

FILIPI 4:7

Üntoxle Zang mongkün oja khünake tsingwankya zia kaile tüipuix, ija Khrista Jisu füikya notom ma nang mongtsang hia tutex sünle thomüi.

1 KORIN 15:45

Chemthüikoxle Otsao Lai-e thüile: “Pongwang angkya Adam a ozün ma ngokya tuita ang zingle alai; ikoxle oshuk angkya Adam a khüzün koxkya chasa tsün tuita ang changle”.

1 KORIN 2:14

Chasa chitüikya khünake Zang Chasa hingho münkop, ibu chix zongma ongat changle, ilaxle chixe ibu tsingle lax ang müntho, chemthüikoxle ibu a Zang Chasa otsao chikao makhange tix azut ajangle lax angkya changle.

ROM NOK HATO ZAKYA POL LAIZA 5:21

Ile tix, ochaxe zikya füi chemle apünpuix, ilailaile Jisu Khrista makhange kem oshuk chitüikya tsün khüzün lom ma zunlaxle Zang chingchae otsao füi apün angkya changle.

KOLOSI 1:5

Otue hünzome Kaxho Müikya bama otsingtsing kaxho pongwang ma atat laxpuix, hünzome ijae fakya monghombu bama atatpu. Idaile hünzom hanpakmale oja monghom zangkangting to sünle thomlaxpuix, ija hünzom monghom a hünzom mongong ilaxle mongkün chifün changle.

2 KORIN 5:7

Chemthüikoxle kem tsün a mikngün füi chichangle mongong füi ngopu.

ROM NOK HATO ZAKYA POL LAIZA 6:11

Ija lailaile Khrista füi notom laxle hünzomechu ma hanpakma alüile, zikya a ochax kuxma ikoxle azangle ngokya a Zang kuxmale ajang angkya changle.

EFISIA 3:9

ilaxle Zange chix huxsa mwottho chemle changle mokle ahoüihex, khünaknu pangnu hama ija aho ang tom. Zang, owa pangnu zingkya hopupa hex, chixe ma huxsa mwottho thochi tsüntsün ma pyenle thom;

1 PITAR 4:2

Athax makhange atale tüikya hünzom chaxwannu tsün khünak küntsu monglua ma chichangle Zang mongtex ma akumathum le ngo angkya changle.