KOLOSI 2:4 - OTSAO BAIBEL (BSI)

⁴ Idaile kue thüipu, hwom tüta tukux wüi müile ngün ang thüilax, owaechu kaxthai zangwün tokhange nang dyen ngan ang taxtom.

KOLOSI 2:4 ပူးပေါင်းရင်းမြစ်များ

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

EFISIA 4:14

Ifüima kem, mae zingle alaikya tsingtsang othai hato mix zunle ngokyabu odyen khünakbu hwon-nwot tichape laxlax tox angkya ilaxle zangwin to lexlexchex le jeple paongo angkya athax kem a naosom münchang.

MATHI 24:4

Jisu-e hwom ang thüi: “Khünzai le ngolax, owaechu hünzom angat ang taxtom.

2 JUHAN 1:7

Jisu Khrista khünak ang achangle nguikya to chiongkya, mixdyen angkyabu zangfang pangnu khato paodaoa. Iningkya khünak a mix-dyen-mix tamchu Khrista zanpa changpu.

MARK 13:22

Chemthüikoxle othai khristabu tamchu othai ajebu tüle lwonüi; ilaxle jangtsuakba otsao khünakbu ngaxchu dyen tsuak angkya kuxma hwome münwan hia ohünotünbu tüle ahoüi.

MIKNGÜN-OHÜN 20:8

ilaxle chix a chaxwannu handün hia hannop, shuakux hia shuathong pangnu khato chiakle tüikya jat-li, ija Gog hia Megog, dyen ang laile paoüi. Haxshixe shuakax angkya fix ningle tüikya khünaknu azan ang nyakle asoxüi.

2 TIMOTHI 3:13

üntoxle chisu chimüikya khünakbu tamchu othai hwon anokyabu zia süma sümale maüi; ile hwome mixdyen-mixnganle tamchu ma alüile dyenle changüi.

2 TIMOTHI 2:16

Ongat hia adix-adakya zangwünbu füi atsaile ngolax, chemthüikoxle ijae khünaknu Zang ha angkya atsaile jwonle apaole.

EFISIA 5:6

Ongat zangwünbu makhange owaechu nang dyen ang taxkox; ija khokhoma chix kax ma chilaxkyabu hato Zang mongtsik nguiüi.

WANGSHEMBU MWOT 20:30

Hwom füito mongong mixbu chichangkya lom to chüile apao ang hünzom khama züizüie atse le zangwün angkya hanpak tuita hüi angkya changle.

MIKNGÜN-OHÜN 20:3

Zangpua hajat tuita ma ashuk tanto chaxwannu dyen angkya chemchu chitüi angkya hanpakma kaxtaimixe chix othong chitüikya tswom khato sho; ija oka hak üntoxle tsüile thom. Ifüima chix onox ma tam dan angkya changle.

MIKNGÜN-OHÜN 13:8

Langkya Chun Hosa kux ang tüikya khüzün laipex ma ding hi hax zingüi thoto wüi mün zale tüikyabu chi-e homtoxle chaxwannu ma ngokya khünak noke ija to shwom angkya changle.

MIKNGÜN-OHÜN 12:9

Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

1 JUHAN 2:26

Hünzom dyen ang azongle ngokyabu bama kue hünzom hato ija laiza zangopu.

1 JUHAN 2:18

Kusu kusahom, oshuk a nguile hüile! Khrista zongto zan hüi angkya bama hünzom hama wündaopu; üntoxle athax Khrista zongto zanbu obiobi laihuüna, idaile oshuk nguile hüile le keme awan ang kople.

KOLOSI 2:18

Othai to puinai le ahokya üntoxle kaxtaimixbu to shwomkyabu opange ataxkya mikngün ohün tüidaoa le akhokya changpu le thüilaxpuix, iningkya mix owa angchu nang thajao ang taxtom. Chemthüikoxle iningkya mix a tüta khoma lüchu chichangle chix müi-hi-aji mongjang makhange mongngam ahole,

KOLOSI 2:8

Khrista makhange chichang homtoxle khünake wünle hüikya tamchu zangfang apünkya chasabu hwon-nwot jaono tokhange nang owaechu üntoxle chemlechu chilaxle khünak owaechu nang da tuita ang chikop angkya bama khünli lax.

GALATIA 2:4

Mongong mix-mix wüihexle atsing üntoxle, Khrista füikya notom ma kwome kopkya khangkho zangngai bama opak otua tikle laxsele khwalop mix ibu kwom othom khato zuile ngui.

2 KORIN 11:3

Ef to changkya ningle hünzom tochu nakchang ünkoxle ku zamaxle. Pu huanuma atsing ilaxle chixe Ef ochax to adüt. Ilailaile hünzom tutex zia ama ang tsuak, ilaxle hünzom Khrista zongto haxtsao-zangthakya chitüile changüi.

1 KORIN 2:4

ilaxle ku hwon-nwot hia kaxho a tsainox-kaxnua tole hia khünake je-hwon makhange fakya chichang, ikoxle changpu le laxtsuak angkya hia Zang Chasa makhange fapu.

MATHI 24:24

Chemthüikoxle othai Messaiah hia ajebu lwon angkya changle; jangtsuak thüiningle Zange zünle kopdaokyabu ngaxchu dyen angkya hanpakma hwome münwan chongkya hia ohünotün mwotbu mok angkya changle.

EFISIA 4:17

Jowanpa mün ma kue hünzom zünpu: Tutex ma laxli chitüi ilaxle küntex mongjang ma zangnak to ngokya songsaribu ningle hünzom taxngo.