JUHAN 8:52 - OTSAO BAIBEL (BSI)

⁵² Hwome chix ang thüi: “Athax kwome nang ma bao tüile le awanle laxdaoa! Abraham zipu ilaxle ajebuchu wüi zipu; ikoxle nange thüt tüi, nang hwon nwot kax ma laxkya mix a otuechu münzi.

JUHAN 8:52 ပူးပေါင်းရင်းမြစ်များ

IBRI 2:9

Ikoxlechu Jisu, owa noxtakya hanpak bama, Zange kaxtaimixbu süfang le zingkya keme ngünpuix, ija a Zang chingcha makhange chix nok hanpakma zi angkya hanpakmale changle. Chixe zikya sikngün apongle hüidaokya khoma athax a keme chix fuazang hia achuak achenkya khohom sün laxle ngün ang kople.

JUHAN 9:24

Ikhoma anaolechu wüi, mik aduakle ngokya müikya mixsün se ilaxle chix ma atüi: “Zang pomtho ma otsingtsing akaxüi le nange tsaodao! Nang mik amüile koxkya khünak a ochax khünak changpu le kwome awandaoa.”

JUHAN 8:48

Chix kax to lanle Jehudi khünakbue thüi: “Nang a Samaria khünak, nang ma bao tüile le kwome ami wüi mathüi dai hia?”

IBRI 11:13

Ibu khünak pangwüi mongong ma zi, Zang kaxtsaobu hwome chikop tox, ikoxlechu ochu tokhange hwome ibu ngünle lax üntoxle pongle kop, üntoxle ngaitho le chaxwannu ma hwom püntüi tamchu mixnokbu changpu le hwome lax.

JUHAN 8:51

Otsingtsingma kue hünzom ang thüipu, ku kax ma laxle tüikya mix otuechu münzi toxüi.”

MATHI 11:18

Otue Juhan nguipuix, chixe ju-sax lingle chichang tamchu atsao alangle zangjopkya hanpak lax; ikoxle pangnue wüi chix ma bao tüile le akax.

JUHAN 1:19

Jerusalem angkya Jehudi pünpa-chongwangbue chix ma “Nang Owa?”, le atüi ang nguapabu hia Liwibu tsanle apao.

JUHAN 7:20

Khünaknu othome lan: “Nang ma bao tüile! Nang lang ang owae lomkya?”

JUHAN 8:22

Ikhoma Jehudi nok pünpa-chongwangbue thüi: “Chix paokya khato kem ngui ang münthoüile thüikya, chix alüile zi max angkya kax changdaisi?”

JUHAN 8:55

Ikoxle hünzome chix otuechu chiawan, kue a chix awan ngopu; kue chix münawan le jangthüi: ku chuwüi hünzom ningle thaikya ang achangpu; ikoxlechu kue chix awanpu ilaxle chix kax ma laxle tüipu.

JUHAN 14:23

Jisu-e lanle chix ang thüi: “Owawae ku to mongkünkya jangtüi thüiningle, chixe ku kax ma laxle tüiüi. Apae chix to mongkünüi; Apa kukhi chix hato nguiüi ilaxle chix füi ngoüi.

JUHAN 15:20

‘Ma hopunu füi da wüi achongkya münchang’ le kue hünzom füi akaxkya ku kax texle ataklax. Hwome ku ang sikngün fadaokya jangchangba, hünzom sikchu wüi angün angkya changle. Hwome ku hwon-nwot kax ma laxkoxle, hünzom kax machu lax angkya changle.

JUHAN 17:6

“Chaxwannu angkya khünak nange ku ang opang koxdao laxpuix, hwom hama kue nang tsing ang koxdaoa. Hwom a nang kux changkya, ikoxle nange ku ang koxpu; hwome nang Kax pongle kopdaoa.