JUHAN 8:2 - OTSAO BAIBEL (BSI)

² Ofüinop chix anaole Zangshwom-Hom to chat. Khünaknu pangnu wüi chix hato ngui; ilaxle chix thung üntoxle hwom hama hwon-ano ang süt.

JUHAN 8:2 ပူးပေါင်းရင်းမြစ်များ

MATHI 26:55

Ilaxle Jisu-e othom füi akax: “Ku noktu kha tokya alaile awüt thomkya mix tukux, pünthom hia paxbu koplaxle hünzom ku kop ang nguipia? Nyixfo le ku Zangshwom-Hom ma hwon-ano le ngopu, ipongma hünzome ku chikop.

KAXHO MÜIKYA LUK 21:37

Nyixfole chixe Zangshwom-Hom ma hwon-anole han ahom üntoxle jafole chix Olip le nyak kya haxhua to zang angai.

KAXHO MÜIKYA LUK 4:20

Ifüima chixe laitün ashyep laxle tuzing mix ang kox ilaxle thung, üntoxle Sinagok ma tüikya pangnue wüi chix to mikzaple hu.

KAXHO MÜIKYA LUK 5:3

Chix khua tuita, oja Simon kux changkya hex, ija ma ngalaxle, khua shuakax angkya hidaole jimong to ajenkox le chix füi akax. Üntoxle thung laxle khua makhange chixe khünaknu othom hama hwon-ano.

JUHAN 8:20

Jisu-e ibu zangwün Zangshwom-Hom ma hwon-ano pongma, ngun athünkya nui to akax; ikoxle khünak owaechu chix chikop; chemthüikoxle chix ang tiale toxkya chix hanpak mahüi.

JUHAN 4:34

Jisu-e lanle hwom ang thüi: “Owae ku tsanle apaopuix, chix mongtex mwot mok angkya tamchu chix mwot ashuk angkya a ku süt changpu.

JEREMIA 44:4

Kue chizakle hwom hato ku dapa ajebu ahüile ngopu; ilaxle hwome hünzom hama kue anukya iningle khomtsikya mwot chimok angkya akaxpu.

JEREMIA 25:3

“Zanglao tsaba azom hanpakma, Amon sasün Josiah Judah ma wanghom ang achangkya zanglao bünba azom tokhange anyix kople, Jowanpae ku füi zangwünpu, ilaxle kue chix zangwün hünzom hama tai angkya tamchu chithai. Ikoxle hünzom na ojao chithapu.

HWON-NWOT-JAONO 9:10

Nange chem mokpuix ikhama mwot a zongbakle mokkox, chemthüikoxle amalum to mok angkya, ajang angkya, jen-hwon ibu chemchu müntüiüi—ilaxle nang a ikhato paole ngopu.

JEREMIA 32:33

Hwome ku hato tok aho; ilaxle kue chizakle hwom hama anwot-anole changkoxchu, hwome ku kax to chiapa ilaxle awanle kop ang chithüi.

KAXHO MÜIKYA LUK 21:38

Üntoxle nyixfole Zangshwom-Hom to chix kax apa ang khünaknu swomsasae ngui.

JUHAN 8:3

Wanlom nwotmixbu hia farisibue, chinunchakkai ma kopkya mixcha tuita laxlaxle nguile hwom osung wama dan.

WANGSHEMBU MWOT 5:21

Wangshem nyie ija kax ma lax, ilaxle swomsae wüi Zangshwom-Hom to donglaxle anwot-ano ang süt. Nguakho hia chix füikyabue Jehudi nok mixpa tüichong pangnu nguawang katzua lax nyakle asox; ilaxle hwome wangshem nyi hwom hato apüi angkya hanpakma kople thomkya kun nyetmixbu hato kaxkox.