JUHAN 7:18 - OTSAO BAIBEL (BSI)

¹⁸ Owae ma mongtex ma zangwün puix, chixe ma münchong lomle; ikoxle ma tsanle ajokya mix bama münchang owae lompuix, chix otsingtsing ilaxle chix ma thaikya müntüi.

JUHAN 7:18 ပူးပေါင်းရင်းမြစ်များ

JUHAN 5:41

“Kue khünak angkya münchong lomkya chichang,

1 THESALONIKA 2:6

Kwome owa angkyachu kwom to achuak achenkya chilom, hünzom angkyachu chilom chichangba mamabu angkyachu wüi chilom.

JUHAN 12:28

Apa, nang mün hato fuazang apüi ang tomhüi!” Ifüima ding tokya ozing tuita laile akax: “Kue ija fuazang apüidaoa, üntoxle anaolechu wüi fuazang ang tomüi.”

1 PITAR 4:11

Hwon-nwot mixbue Zang Kaxho anwot-ano kox; thothakyabu ma ang Zange fakya zong füi thakox, ikoxletix pangnuli to Jisu Khrista makhange Zang achuak achenkya naxtüi, chemthüikoxle fuazang hia tsakzong jento chix kux changle. Amen.

MATHI 6:9

Idaile hünzome Zang ile joplax: ‘Zangkangting to ngokya Apa; Nang otsao mün naxachuak;

WANWÜNKAX 25:27

Naxti angangle saxkya nang zongto chemle oma ang changpuix, ija ningle achuak-achenkya lomkya chuwüi oma changpu.

HUAKE LAIPEX 11:29

Mosa-e lan: “Kue luakya to nang mix aban pia? Jowanpae chix chasa khünaknu mok ang koxle chang koxle pangnusa wüi ajebu lailaile akhong ang tomle müihuse thüikoxchu!”

JUHAN 11:4

Otue Jisu-e ija atatpuix, chixe thüi: “Ija kak a Lazar zongto zik kak münchang, ikoxle Zang fuazang angkya hanpakma; ija makhange Zang Hosa fuazang ang kop angkya hanpakma changpu.”

JUHAN 8:54

Jisu-e hwom kax to lan: “Kue alüile ku achuakle jangchang, ija ku achuakkya chemchu münchang; ikoxle hünzome hünzom Zang changpu le thüikya Ku Apae ku fuazang ang tompu.

JUHAN 12:43

Hwome Zange sule le thüikya füi khünake sule le thüikya wüi lom.

1 JUHAN 2:29

Khrista a otsao changpu le hünzome tsingpu; idaile chem supuix Ija mokkyabu a Zang susabu changpu le hünzome awan angkya changle.