JUHAN 6:7 - OTSAO BAIBEL (BSI)

⁷ Filip-e chix kax to lan: “Mixhuak noke muapong-muapong wüi saxkox lechu, anguile an shak ang, ngun huak khix ho-anyi onüi jao lax angkya changle.”

JUHAN 6:7 ပူးပေါင်းရင်းမြစ်များ

MARK 6:37

Chixe hwom kax to lanle thüi: “Hünzome hwom ang sax angkya tütali thüichu tülaxkox.” Hwome chix ang thüi: “Kwom paolaxtoxle jan ngunkhix ho-anyi tha an shakle apüilaxle hwom ang asütkox lehia?”

JUHAN 12:5

“Münga hünzome ngun ho-azom ang hang laxle. Ija chitüi chinangkyabu ang wüi chikoxle büthüipu?”

MATHI 18:28

“Ija mixsün laile paokya ma, tomwüi da ang ngokya, chix ma thashe hidaole laxle thomkya mix apong. Ija mixsüne chix ang ngunkhix hota kox angkya tüikya. Chixe ija mixsün chak ma kop tamchu thuile dingkux ma fyet ilaxle chix ang kox ang tüikya thashe athaxthax wüi laxhüi le atsang.

2 WANGHOMBU 4:43

Ikoxle chixe lan: “Khünak 100 hanpakma isasa nguiüile nange thütpia?” Elisha-e lan: “Ija hwome sax ang laxkox, chemthüikoxle hwome wokfwot müile saxle chang füima ngaxchu ota-otua toxle chang angkya Jowanpae akaxdaoa.”

JUHAN 1:43

Ofüi nyix Galili to paosele tsu. Ikhato chixe Filip atak. Jisu-e chix ang thüi: “Ku füito oman.”

JUHAN 1:44

Filip chuwüi Pitar hia Andriw hokhi ngokya Bethsaida nok angkya changkya.

JUHAN 1:45

Filip-e Nathanel atak ilaxle chix ang thüi: “Mosa-e wanlom laipex ma tamchu ajebue hwom laipexbu ma owa bama zale tüipuix, kwome chix ngündaoa. Chix a Nazareth angkya Jusep sasün Jisu changle.”

JUHAN 1:46

Nathanel-e chix ang thüi: “Nazareth angkya tuita müikya oli laitsuak angchami?” Filip-e chix ang thüi: “Hüilax ilaxle hulax.”

JUHAN 1:48

Nathanel-e chix ang thüi: “Nange ku chemle awanpu?” Jisu-e chix kax to lanle thüi: “Filip-e nang nyaküi thoto wüi, fupsa pün fangma ngopong ma wüi kue nang ngünpu.”