JUHAN 4:41 - OTSAO BAIBEL (BSI)

⁴¹ Üntoxle chix kax khoma hexle khünaknue tamtaile ong.

JUHAN 4:41 ပူးပေါင်းရင်းမြစ်များ

WANGSHEMBU MWOT 1:8

Ikoxlechu wüi Otsao Chasa otue hünzom ma nguiüihex, hünzome tsakzong kopüi, üntoxle hünzom a Jerusalem ma, Jehudi hia Samaria pangnu khato, üntoxle chaxwannu okhui apongle ku bama kaxkhi fa angkyabu ang achangüi”.

WANGSHEMBU MWOT 8:12

Ikoxle otue hwome Zang Wangting hia Jisu Khrista mün bama Kaxho Müikya Filip makhange atatle laxpuix, hwom sheko lüka pangwüi tima bapti.

WANGSHEMBU MWOT 8:25

Jisu Khrista bama tsingwankya khünakbu hama kaxkhi koxle wünle Jowanpa kaxho apuk-apuale chang füima Pitar hia Juhan nyi Jerusalem to chat. Okhi chatüi lom ma Samaria tingkhuabu to Kaxho Müikya apuk.

JUHAN 6:63

Khüzün koxkya a Zang Chasa changpu, khünak tsakzong a chem angchu münchang ikoxle kax oja kue hünzom füi akaxpuix, ijabue hünzom hato ozün ma tüikya Zang Chasa apüile fapu.

IBRI 4:13

Zang pomtho ma pyenle thomtho angkya chemchu müntüi; zingkya oli pangwüi chix miksho ma alaile hia ngaitho le tüile. Üntoxle kem pange wüi ma bama akiak-azyakkya chix ang kox angkya changpu.

WANGSHEMBU MWOT 15:3

Ile müimüithom khünaknue ibu tomle apao, üntoxle hwome Foinesia hia Samaria akaile leüi lom to hwome mixnokbu khristan ang achangle hüikya kaxwün wang; ilaxle ija kaxhoe mongong mixbu ang huanuma mong amüi.

JUHAN 7:46

Süpahibue lan: “Khünaknake ija mixsün ningle zangwünkya mix matüi!”

KAXHO MÜIKYA LUK 4:32

Hwom pangnu wüi chix hwon-nwot khoma abüt, chemthüikoxle chixe otsak ozong füi apua ano.

PONGWANG LAIPEX 49:10

Judah chak ma chongwang kiathox twonüi, ilaxle chix sixli hwome jento apün-adale ngoüi. Jat-libue chix hato süidünüi, ilaxle chix kax ma laxle akhuxüi.

JUHAN 4:40

Ija khoma Samaria khünakbu chix hato ngui ilaxle chix ang hwom füito ngohax le atwon; ilaxle chix ikhato hanpak nyi anyi nuile tox.

JUHAN 4:42

Ilaxle hwome ija mixcha ang thüi: “Athax kwomechu ongpu, nang kax khomale chichangle kwom tomtatae chix zangwün atat ang kopkya khoma, athaxpi chix a otsingtsing chaxwannu khosünpa changpu le kwome awan ang kople.”