JUHAN 4:34 - OTSAO BAIBEL (BSI)

³⁴ Jisu-e lanle hwom ang thüi: “Owae ku tsanle apaopuix, chix mongtex mwot mok angkya tamchu chix mwot ashuk angkya a ku süt changpu.

JUHAN 4:34 ပူးပေါင်းရင်းမြစ်များ

JUHAN 6:38

chemthüikoxle ku a zangkangting tokya, ku mongtex ma mok ang chichangle, ku tsanle ajokya mix mongtex ma mok ang nguipu.

JUHAN 5:30

“Ku mongtex ma kue chemchu mok ang müntho, kue chemle Zange ku füi akax puix, ija ningle kaxfün fapu; ikhoma ku kaxfün a sukya changpu; chemthüikoxle kue ku mongtex münlom. Kue ku tsanle ajokya mix mongtex lompu.

JOB LAIPEX 23:12

Kue othuithuima Zang kaxtom ma laxle mokpu; Kue chix mongtex topu, kue tsu-luakya ma chilaxpu.

JUHAN 17:4

Kue chaxwannu hato nang fuazang ahodaoa; nange ku ang koxkya mwot kue tsuakdaoa.

JUHAN 19:30

Ikoxle ija jusik lingkya füima Jisu-e thüi: “Ija tsuakpu.” Ija füima chixe ngom angoxle akhuxlaxle chasa laile pao ang tom.

MATHI 26:39

Chix si-achale pao, hax to chix thün akhuple tswonle awüt, ilaxle zangjop: “Ku Apa! Tsuak angkya oli jangchangba, ku angkya ija sikngün wansa shongpao fa! Ikoxlechu ku mongtex ma chichangle nang mongtex ma wüi naxchang.”

JUHAN 5:36

“Ikoxle ku ma tüikya kaxkhi a Juhan-e fakya kaxkhi füi ngaxchu süchongkya changle, chemthüikoxle oja mwot moktsuak angkya zong Apae ku ang koxpuix, ija a, kua a Apae tsanle ajokya changpu lekya kaxkhi changpu.

JUHAN 4:32

Jisu-e hwom ang thüi: “Ku ang süt hünzome chiawankya tüile.”

KAXHO MÜIKYA LUK 19:10

Khünak Hosa a maxdaokyabu lom ang hia sün ang nguipu.”

MÜNCHUAK-TSAI 40:8

Ku Zang, kue nang mongtex mok ang chemtukux mongkünpuix! Nang hwon-nwot kue ku mongkha ma thomle.”

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

KAXHO MÜIKYA LUK 15:10

Kue hünzom ang thüipu, ilailaile ochax khünak tuita mong chatkya ma zangkang kaxtaimixbu mong huanuma müiüi.”

WANGSHEMBU MWOT 20:35

‘Kopkya mix füi koxkya mix mongmüi wüi achongkya’ le Jowanpa Jisu-e akaxkya kax mong ma koplaxle, kue mokkya ningle azongle mwot moklaxle keme chitsuak chiman mix to fong angkya changle le pangnu li-lom ma kue hünzom hama apuadaoa.”

JUHAN 6:33

Chemthüikoxle Zange fakya süt a zangkangting tokhange hüi ilaxle chaxwannu ang tsün fakya mix a chix changpu.”

MATHI 3:15

Ikoxlechu Jisu-e chix kax to lanle thüi: “Athaxkya bama ile naxchang dao; chemthüikoxle keme iletix Zange lomkya pangnuli mok angkya changle.” Ikhoma Juhan-e chix ang bapti le kox.

KAXHO MÜIKYA LUK 2:49

Chixe hokhi ang thüi: “Hünkhie ku chemto lom ngokya? Ku Apa hom ma ngo angkya changle le hünkhie münawan hia?”

JUHAN 8:29

Tamchu ku tsanle ajokya mix ku füi tüile; otuechu chixe ku kutata danle müntox, chemthüikoxle kue chix mong amüi angkyakya mokpu, le hünzome awan ang kopüi.”

JUHAN 19:28

Ifüima Jisu-e mwot pangnu tsuakdaoale awanlaxle, Otsao Lai kax angai angkya kuxma, chixe “Ku ang ti alanle”, le thüi.

MATHI 9:19

Ijama Jisu ajong üntoxle chix wangshembu kop laxle ija mixsün füito pao.