JUHAN 3:5 - OTSAO BAIBEL (BSI)

⁵ Jisu-e lan: “Otsingtsingma kue nang ang thüipu, khünak tuita ti ma hia Otsao Chasa ma chipux jangthüiba chix zangkang ting to nop ang tsuak angkya fang münchang.

JUHAN 3:5 ပူးပေါင်းရင်းမြစ်များ

WANGSHEMBU MWOT 2:38

Pitar-e hwom kax to lan: “Hünzome ochax thailak atak angkya kuxma, hünzom pangnusa wüi ma ochax tokya atsailax, ilaxle Jisu mün ma bapti lax; ikoxle chix hingho Otsao Chasa Zange hünzom ang koxüi.

EFISIA 5:26

Tima sole atsaokya füima chix kax makhange müimüithom a Zang ang atsaole kox angkya kuxma chixe ija mok.

1 PITAR 3:21

Ija a athax hünzom khosünle tüikya, ti ma baptikya ocha ahokya tuita changpu. Ija a tsangtsa angkya ziak sole awütkya chichang, ikoxle tutex omüi makhange Zang tunthoma tsaosaxkya tuita changpu.

1 KORIN 6:11

Hünzom züizüi ile tüikya. Ikoxle ochax tokya hünzom sodaoa; hünzom a Zang hanpakma atsaodaoa; Jisu Khrista hia kem Zang Chasa makhange hünzom a Zang füi mua amüidaoa.

MATHI 3:11

Mongchatkya ahole kue hünzom ti ma bapti le fapu. Ikoxle ku füima nguile ngokya mix a ku füi ngaxchu süthak; ku a chix chisox kop mix ang achang ang ngaxchu chiasukya mix; chixe hünzom ang Otsao Chasa ma hia wün ma baptile faüi.

JUHAN 3:3

Jisu-e chix kax to lanle thüi: “Otsingtsingma kue nang ang thüipu, tamchatle chipux jangthüiba owaechu Zang Wangting ngün ang münkopüi.”

MARK 16:16

Owae ong laxle bapti laxüi hex, chixe khosünkya ataküi; ikoxle owae chiong laxüi hex, chixe thajao kopüi.

1 KORIN 2:12

Athax Zange kem ang koxle thomkya hinghobu tsingle lax angkya hanpakma keme Chasa Zang tokhange koppu, ija chaxwannu angkya münchang.

JUHAN 1:13

Hwom a zangjang khünak hopa tuita makhange puxkya khoma Zangsu Zangsabu ang achangkya chichang; Zang chix tomtata hwom Hopa ang achang.

1 JUHAN 5:1

Jisu Khrista to Messaiah changpu le ongkya mix a Zang susa changle; üntoxle Hopa to mongkünkya mixe Hosa tochu mongkünle.

1 JUHAN 2:29

Khrista a otsao changpu le hünzome tsingpu; idaile chem supuix Ija mokkyabu a Zang susabu changpu le hünzome awan angkya changle.

GALATIA 6:15

Khünak tuita khwonzüt zom ma chiwompuix wompuix, ija tüichongpa münchang, ikoxle tüichongpa a hozün zingkya ang achangkya ma tüile.

ROM NOK HATO ZAKYA POL LAIZA 14:17

Chemthüikoxle Zang Wangting le osüt oling ang nyakkya münchang, ikoxle Otsao Chasae fakya, otsao, mongsom ilaxle mongmüi pwonla ang nyakpu.

MATHI 28:19

Idaile khünak pangnu hato tamchu nok khato paokox ilaxle hwom ku wangshem ang achangkox; Hopa, Hosa, Otsao Chasa hwom mün ma ibu bapti le laxkox.

MATHI 18:3

ilaxle akax: “Mong ma koplax, hünzom ang mongnai laxle ija naosa ningle machang tanto, hünzome Zang Wangting to nop ang münkopüi.

1 PITAR 1:2

Jisu Khrista kax ma laxle tamchu chix aji makhange atsaole ngo angkya hanpakma Hopa Zang mongtex makhange zünle kopkya tamchu chix Chasa makhange otsao khünakbu ang zingle tüikya a hünzom changle. Chingcha hia mongsom okhongui le hünzom kux ang naxchang.

WANGSHEMBU MWOT 3:19

Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

KAXHO MÜIKYA LUK 13:3

Kue hünzom ang thüipu: Münchang! mong chialex jangthüiba, hünzomchu pangnu wüi hwom lailaile max angkya ataküi.

MATHI 5:20

Idaile kue hünzom ang thüipu, hünzom mongong a farisibu hia Wanlom nwotmixbu füi süchongle chichang thüiningle hünzom otuechu zangkangting to ngui ang müntho angkya changle.

ROM NOK HATO ZAKYA POL LAIZA 8:2

Chemthüikoxle Chasa wanlom ojae Khrista ma kem hato khüzün apüipuix, ijae ochax hia zikmüt-mangkho chak tokya ku dandaoa.

KAXHO MÜIKYA LUK 13:24

Chixe hwom ang thüi: “Hitkya fülom makhange le ang zongbakle azonglax; chemthüikoxle imakhange le ang noknusa wüi azonghuüi ikoxlechu noke münthoüi.

KAXHO MÜIKYA LUK 13:5

Kue hünzom ang thüipu: Münchang! Ikoxle mong chialex jangthüiba hünzom chuwüi ilailaile maxüi.”

MATHI 19:24

Kue thüipu, hakpa luapa zangkangting to nguikya füi mütkui mik makhange Ut litle lekya wüi chwonpai.”

MATHI 21:31

Okhi opupue hopa mongtex ma mokpuix?” “Hotüie wüi a”, le hwome lan. Jisu-e hwom ang thüi: “Kue hünzom ang thüipu: Süisai mixbu hia chinunchakkai khünakbu wüi hünzom thoto Zang Wangting alop angkya changle.

MARK 9:47

Tamchu nang mike nang ochax to düt ang jangtomba, ija lokle awütdaoa. Chemthüikoxle mik pangnyi koplaxle tamchu chimax le chuale ngokya okham-wün khato tsün awütkya füi, mik okao ma Zang Wangting to nopkya wüi nang hanpakma amüikya changüi.

MARK 10:14

Ikoxle Jisu-e ija ngünkya zuma, mongto kaklaxle, hwom ang thüi: “Naosombu ku hato hüi ang laxkox; hwom taxabax; chemthüikoxle Zang Wangting a iningkyabu kux changle.

JUHAN 3:4

Nikudema-e chix ang thüi: “Khünak tuita owüi ole tsong füima, chix tam chatle chemle puxüi? Chix anaole honu wokkha to donglaxle tam chatle pux ang tho angkya fang münchang.”

1 KORIN 15:50

Tüinaohom, ku kax ija a ile changle: Oja müi-hi-aji makhange zingle tüipuix, ijae Zang Wangting ma süntswon angkya müntüi, oja zile maxün angkya hex ija a chizi chimax angkya koplaxle ngo ang müntho.