JUHAN 3:2 - OTSAO BAIBEL (BSI)

² Jata chix Jisu hato nguilaxle atüi: “Kwome nang a Nwotmix tuita ningle Zang tokhange hüipu le awanle; Zang womle chingo thüikoxle nange mokkya mwotlom owaechu münmok tho.”

JUHAN 3:2 ပူးပေါင်းရင်းမြစ်များ

JUHAN 5:36

“Ikoxle ku ma tüikya kaxkhi a Juhan-e fakya kaxkhi füi ngaxchu süchongkya changle, chemthüikoxle oja mwot moktsuak angkya zong Apae ku ang koxpuix, ija a, kua a Apae tsanle ajokya changpu lekya kaxkhi changpu.

WANGSHEMBU MWOT 10:38

Hünzome, Nazareth nok Jisu bama, ilaxle Zange chix ang Otsao Chasa tamchu tsakzong koxkya bamachu awanle ngopu. Chix pangnu khato aham, üntoxle Zang chix füi tüikoxle khünaknu zongma müikya mwot chixe mok üntoxle haxshix zonge kople thomkyabu pangwüi chixe amüi.

WANGSHEMBU MWOT 2:22

“Israel khünaknu, kax ibu to apahüi! Zange Nazareth nok Jisu makhange mokle ahokya ohünotün hia khomtsikya mwotbu ilaxle mowanbu tokhange chix a Zange kamle kopkya mix tuita changkya le hünzom hato ahodaoa; hünzom malailaie ija awanle chemthüikoxle ibu a hünzom thüntho ma noke ngünle mokle hüikyabu changle.

JUHAN 9:16

Farisi kha angkya züizüie thüi: “Ija khünak a Zang tokhange nguikya münchang; chemthüikoxle chixe nazak nyix wanlom münto.” Ikoxlechu mamabue thüi: “Ochax khünak tuitae ija ningkya ohünotün mwot chemle mok ang thoüi?” Ile hwom khakha ma wüi kax ma alanle ahan.

JUHAN 12:37

Chixe hwom pomtho ma ohünotün mwotbu mokle ahodaobachu, hwome chix to chiong;

JUHAN 1:38

Jisu-e aküile hu koxle chix füito hokhi hüile ngokya ngünlaxle atüi: “Hünkhie chem lompu?” Okhie chix ang thüi: “Rabai (thüikoxle Nwotmix), nang ojong ma ngopu?”

MATHI 22:16

Ofüima hwome hwom wangshembu tamchu Herod othom kha angkya khünakbu züita Jisu hato tsanle apao. Hwom nguilaxle thüi: “Nwotmix, kwome nang a mixmüi changpule awanle; khünaknue tütale wüi thütkoxlax tamchu owa thuachu chizale, nange khünaknu hama Jowanpa bama otsingtsing anwot-anole le kwome awan ngopu; chemthüikoxle nange khünak chifün to chihu.

JUHAN 7:31

Ikoxlechu othom kha angkya khünak züizüie chix to ong, ilaxle hwome thüi: “Khrista nguikya zumachu ija mixsüne ahokya tukuxle ohünotün mwotbu mokle aho lax angma?”

JUHAN 20:16

Jisu-e she ang thüi: “Meri.” She-e chix kax to lanle thüi: “Rabai!” Ija a Nwotmix le thüikya tha.

JUHAN 15:24

Otuechu tamchu owaechu mamokkya mwot kue hwom khama münmok hex thüikoxle hwom ma ochax chemchu chitüise; ikoxle athax a hwome ngünle kopdaoa tamchu Apa kukhi pangnyi thua anudaoa.

JUHAN 3:26

Hwom Juhan hato ngui ilaxle thüi: “Nang füi tomle Jordan shua tachi to owa ngokya hex, owa bama nange kaxkhi fale hüipuix; hulax, chixe bapti fale ngole, ilaxle pangnusa wüi chix hato nguile!”

MARK 12:14

Hwom hüilaxle chix ma atüi: “Nwotmix, nang a otsingtsing zangwünkya mix changle tamchu nang owa thuachu münza; nange khünak thünza to münhu, ikoxle otsingtsing ma khünak bama Zang mongtex chem hex ija apuale le kwome awanle. Kwome Kaisar ang chaxwan süi fa angkya olom chichang changpuix?

KAXFÜNPA-HWOM 6:27

Idaile Gideon-e chix dabu hwom mixhuak bün zünle koplaxle Jowanpae chemle moklaxle thüipuix ilailaile mokle alyet. Hwom kako-homkha hia tingnok khünakbu thua zalaxle chixe ija zangnak ma mokle alyet.

ISAIA 51:7

“Ku kax to apalax, hünzom otsingtsing awankyabue, owae ku hwon-nwot ma mongtsang ma apütle thomlaxpuix. Chemtue khünakbue hünzom to adale haopuix ipongma taxza;

FILIPI 1:14

Üntoxle ku kun to ngokya makhange Khrista ma tüi-hi-naohom süchong tukux ang Jowanpa hanpakma mongao ojao chitüikya mongong fale, ikhoma kaxho apukkya zuma hwom ang mong süchong süchongle chongle.

1 WANGHOMBU 17:24

She-e lan: “Athax kue awandaoa, nang a Zang khünak jao changle ilaxle Jowanpae nang makhange zangwünle!”

JEREMIA 38:16

Ikhoma wanghompa Zedekiah-e huxsa ma ku füi tsaosax: “Kue ozün ma tüikya Zang mün ma tsaopu, kem ang khüzün koxle thomkya Zang mün ma a, kue nang mik münamüt chichangba nang langsele mongtsu ngokya khünakbu chak to koxle münapao.”

MATHI 23:7

Khünaknue thalex nui to ‘Nwotmix’ le nyakle hwom achuakle shwomkya hwome lomle.

MATHI 23:8

Hünzome tata ang ‘Nwotmix’ le nyak angkya oli münchang chemthüikoxle nwotmix a tuita wüi.

JUHAN 2:11

Ile pongwang lekya chix ohünotün mwot Jisu-e Galili angkya Kana ting ma mok; ile chix fuazangkya kotok to ngai; ilaxle chix wangshembue chix to ong.

JUHAN 4:31

Ija pongkhae wangshembue chix ang thüi: “Rabai, hidaole süt saxle koplax.”

JUHAN 6:2

Khünaknu othome chix man tole tüikya; chemthüikoxle chixe kakmixbu amüikya hia ohünotün mwotbu mokkya hwome ngünle ngo.

JUHAN 10:38

Ikoxle kue ile jangmok thüikoxle, hünzome chiong koxlechu, hünzome ku ma Apa tüile tamchu ku Apa ma tüile le awan ang kop angkya kuxma, kue mokkya mwotbu to thüi ngaxchu onglax.”

JUHAN 14:10

Ku a Apa ma ngopu ilaxle Apa ku ma ngopu; kue chempang kax hünzom füi akax daopuix, ijabu ku mongmong to akaxkya münchang; ikoxle ku ma ngokya Apae chix mwot mokpu, le nange ongchami, Filip?