JUHAN 3:16 - OTSAO BAIBEL (BSI)

¹⁶ Zange chaxwannu to tüle mongkün laxle chix to ongkya mix chimax le oshuk chitüikya khüzün tsün atak angkya hanpakma chix ang Hosa tuita wüi tüikya chaxwannu ang kox;

JUHAN 3:16 ပူးပေါင်းရင်းမြစ်များ

ROM NOK HATO ZAKYA POL LAIZA 5:8

Ikoxle kem to itukux künle lükya Zang mongkün chixe kem hama ahodao; ija a kem ochax ma wüi ngotanto Khrista kem hanpakma zikya changle.

JUHAN 3:15

Ikoxletix chix to ongkyabu ang khüzün atak angkya hanpakma,

ROM NOK HATO ZAKYA POL LAIZA 8:32

Chixe Hosa tomtata ngaxchu chitui le kem ang kox! Chix Hosa ngaxchu kox: chixe mamabu tomning komkaile münfa pia?

JUHAN 6:40

Chemthüikoxle Hopa mongtex a ija changle: Opange Hosa ngünpuix tamchu chix to ongpuix, hwom ma oshuk chitüikya khüzün tüiüi; Ilaxle oshuk nyix kue hwom ozün ma ngo ang tomüi.”

JUHAN 3:36

Hosa to mongongkya khünak ma oshuk chitüikya khüzün tüile; owae Hosa kax ma chilax puix, chix ma khüzün müntüi; ikoxle Zang mongtsik chix füi ngoüi.”

1 JUHAN 4:19

Pongwang ma Zange mongkün ikhoma keme mongkünpu.

JUHAN 10:28

Kue hwom ang oshuk chitüikya khüzün tsün koxpu, ilaxle hwom a tamchu chiziüi. Ku chak angkya hwom owaechu pale chipaoüi.

ROM NOK HATO ZAKYA POL LAIZA 5:10

Kem a Zang zongto zanbu changkya, ikoxle Hosa zikya makhange kem chix zuikhui ang zingpu. Athax a kem Zang füi zuikhui changle, ilaxle Khrista ozün ma ngokoxle chixe kem khosün angkya atsingsho!

JUHAN 1:29

Ofüi nyix Juhan-e Jisu chix hato hüile ngokya ngün ilaxle thüi: “‘Chaxwannu ochax pao ang nguikya Zang Chun Hosa to hulax!

2 THESALONIKA 2:16

Kem Jowanpa Jisu Khrista chix jaojao tamchu kem Hopa Zang, owae kem to mongkün puix üntoxle chix chingcha makhange chithai jaokya mongchyen hia shingmongkya mongong falaxpuix,

EFISIA 2:4

Ikoxlechu Zang chingcha okhonguikya, üntoxle kem tokya chix mongkün namchongkya changkoxle,

MATHI 9:13

Hünzom paolax ilaxle: ‘Kue tö koxkya chichangle chingcha laxse texpu’, le thüikya Zang Kax awanle koplax. Ku a, otsao khünakbu chichangle ochax khünakbu se-lom ang nguipu.”

MIKNGÜN-OHÜN 1:5

üntoxle owa chithai toxkya kaxkhi, zikyabu khama pongwang ma zokya mix, üntoxle owa chaxwannu wanghombu thakma apünkya mix angchu changpuix, ija Jisu Khrista tokhange hünzom ang mongsom hia chingcha naxchang.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

PONGWANG LAIPEX 22:12

Chixe thüi: “Nao to chak taxmok chichangba tütale chu taxchang. Nange hünsa tuita wüi tüikya chix ang münkoxpu le chiamongkya ngünlaxle athax kue nang ma Zang achuak-achenkya hia chix kax ma laxle tüikya ngünle laxdaoa.”

TITA 3:4

Ikoxlechu otue kem khosünpa Zang chingcha hia mongkün ngaile ahopuix,

JUHAN 1:18

Owaechu Zang ongaichu mangün tox; ikoxle Hopa hama chix füi tomwüi ngokya, tuita wüi tüikya Hosa etix chix apuale fapu.

MARK 12:6

Ilaxle chix ang athaxchu tuita atale tüikya, ija a chix mongkün sasün changkya. Oshuk ma chixe chix sasün hwom hato tsanle akat. Hosa thua hwom zaüi changtüi angpu le chixe thüt.

KAXHO MÜIKYA LUK 2:14

“Zangkho atsua kya khato, Zang fuazang kya naxtüi; zangfang ma chix mongmüikyabu füi, mongsom naxtüi!”

PONGWANG LAIPEX 22:2

Zang-e thüi: “Nang sasün tuita wüi tüikya, owa to nange tüle mongkünpuix, ija Isak koplax ilaxle Moriah chaxwan to paolax. Ikhato haxnukho oja kue ahoüihex, ikhama ku ang chix tö koxhüi.”

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

JUHAN 3:18

“Hosa to ongkya mix ang kaxfün müntüi; ikoxle chix to chiongkya mix bama kaxfün fadaoa; chemthüikoxle chixe Zang Hosa tuita wüi tüikya to chiong.

IBRI 2:9

Ikoxlechu Jisu, owa noxtakya hanpak bama, Zange kaxtaimixbu süfang le zingkya keme ngünpuix, ija a Zang chingcha makhange chix nok hanpakma zi angkya hanpakmale changle. Chixe zikya sikngün apongle hüidaokya khoma athax a keme chix fuazang hia achuak achenkya khohom sün laxle ngün ang kople.

1 JUHAN 3:1

Hopae kem to otukux mongkün puix hulax! Kem ang Zangsu Zangsabu le nyakkya kople chix mongkün chongkya tüile; üntoxle otsing tomtata ma kem a chixsu chixsabu changle. Ikhoma chaxwannue kem owahex münawan; chemthüikoxle chaxwannue Zang owahex chitsing.