JUHAN 2:4 - OTSAO BAIBEL (BSI)

⁴ Ikoxle Jisu-e honu ang thüi: “Ija bama künyi khosam angkya chem tüi? Ku ang hanpak mahüi!”

JUHAN 2:4 ပူးပေါင်းရင်းမြစ်များ

JUHAN 7:6

Ikhoma Jisu-e hwom ang thüi: “Ku hanpak a mangui ikoxle hünzom hanpak a tütatue hex asule ngopu;

JUHAN 13:1

Athax, Kaitox Pangpwon manguiba, Jisu-e, chix ija chaxwannu dantoxlaxle Hopa hato pao angkya otu nguile hüiüna le awanlaxle, chaxwannu ma tüikyabu, opang chix kux changkya hex, chixe hwom to tüle mongkün; chixe hwom to oshuk kople akhex.

JUHAN 8:20

Jisu-e ibu zangwün Zangshwom-Hom ma hwon-ano pongma, ngun athünkya nui to akax; ikoxle khünak owaechu chix chikop; chemthüikoxle chix ang tiale toxkya chix hanpak mahüi.

JUHAN 7:30

Hwome chix kop ang azong ikoxlechu chix ang hanpak nguile mahüi koxle owaechu chix to chake twon ang chitho.

JUHAN 12:23

Jisu-e lanle hwom ang thüi: “Athaxpi Khünak Hosa fuazang angkya hanpak chwonle hüiüna.

HWON-NWOT-JAONO 3:1

Ija zangfang ma chempang changle ngopuix ibu pangwüi Zang-e tex-tyale thomkya hanpak-zanghan ma changle ngopu.

MATHI 8:29

Ijama hulax, hokhie akhongle akax: “Nang a Zang Hosa, nang füi kwom ang chem mwot tüipu? Hanpak manguiba wüi kwom ang sikngün fa ang nang ikhato nguipia?”

2 SAMUEL 19:22

Ikoxlechu Dawid-e Abishai hia hotüi Joap hokhi ang thüi: “Nang mongtex owae lomkya? Nange ku mongthang ang tom ang hi? Athax Israel nok wanghompa a ku changpu, ilaxle anyix Israel khünak owachu mik-amüt angkya oli münchang.”

2 SAMUEL 16:10

Wanghompa-e Abishai hia hotüi Joap hokhi ang thüi: “Ija a hünkhi mwot münchang. Jowanpa kax khoma chixe ku to thuakzomle changkya jangchang, ile büthüikoxle thuakzompule owae satsuak angkya?”

JUHAN 20:15

Jisu-e she ang thüi: “Mixcha, nang büthüikoxle soppu?” She-e chix a tsawat nyet mix changüi le thütlaxle thüi: “Alixachong, chix a nange paokya jangchangba, chix thomkya kha ku hama apuahüi.”

JUHAN 20:13

Okhie she ang thüi: “Mixcha, nang büthüikoxle sople ngopu?” she-e hokhi ang hüi: “Hwome ku Jowanpa paodaoa ilaxle hwome chix ojong to thom daopuix kue münawan!”

KAXHO MÜIKYA LUK 2:49

Chixe hokhi ang thüi: “Hünkhie ku chemto lom ngokya? Ku Apa hom ma ngo angkya changle le hünkhie münawan hia?”

MATHI 15:28

Jisu-e she kax to lan: “Nang a mongong tüle chongkya mixcha tuita changle! Nange lomkya nang ang mokle faüi.” Ijama wüi thuile ija mixcha sasün kak müi.

TSAITONG-KAXTONG 33:9

Hwome sisile nang kax ma laxle tüi Nu-pa, tüi-nao chichangba naosom hwom kax ma laxkya thak to. Hwome nang kaxtombu kax ma lax Ilaxle nang Tsaotsüt füi otya ma ngo.

2 KORIN 5:16

Idaile athax kwome otuechu khünak chifün to hulaxle owa angchu tsaifün kaxfün münfa. Hanpak tuita ma kwome Khrista bama khünak chifün tokhange tsaifün kaxfün le changdao bachu, kwome athax ile otuechu münmok.

1 WANGHOMBU 17:18

She-e Elija ang thüi: “Zang khünak, nange ku to ile büthüikoxle hwonpu? Nang ikhato ku ochax ngaile aho laxle kusa azik ang nguipia?”

JUHAN 2:3

Ikoxle ju abakkya zuma, Jisu honue chix ang thüi: “Hwom ang ju müntüi.”

JUHAN 7:8

Pangpuakya khato hünzom a donglax; ku a ikhato mündong ngohom; chemthüikoxle ku hanpak athaxchu sümangui.”