JUHAN 2:11 - OTSAO BAIBEL (BSI)

¹¹ Ile pongwang lekya chix ohünotün mwot Jisu-e Galili angkya Kana ting ma mok; ile chix fuazangkya kotok to ngai; ilaxle chix wangshembue chix to ong.

JUHAN 2:11 ပူးပေါင်းရင်းမြစ်များ

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

JUHAN 3:2

Jata chix Jisu hato nguilaxle atüi: “Kwome nang a Nwotmix tuita ningle Zang tokhange hüipu le awanle; Zang womle chingo thüikoxle nange mokkya mwotlom owaechu münmok tho.”

JUHAN 6:2

Khünaknu othome chix man tole tüikya; chemthüikoxle chixe kakmixbu amüikya hia ohünotün mwotbu mokkya hwome ngünle ngo.

JUHAN 6:30

Hwome chix ang thüi: “Kwome ngünlaxle ongkya lima nange münwan ang chem mokle ahoüi?

JUHAN 6:26

Jisu-e hwom kax to lanle thüi: “Otsingtsingma kue hünzom ang thüipu, hünzome kue mokkya ohünotün mwotbu tsingle laxkya tokhange chichangle an füi wok afwotle sax ang atakkya khoma ku lomle ngo wüi.

JUHAN 6:14

Ija chixe mokkya ohünotün mwot ngünlaxle khünaknue thüi: “Chix a chaxwannu hato hüiüi tüikya otsingtsing ajepa changpu.”

ISAIA 40:5

Ifüima Jowanpa fuazang ngaile ahoüi, ilaxle ija khünaknüsa noke wüi ngünüi. Ija a Jowanpa chix jaoe tsaokya kax changle.”

2 KORIN 4:17

Üntoxle ija onox ma kwome apongkya sikngüne, ija sikngün to nüile, kwom hato apyen ang jao chitsuakkya, chibak toxkya fuazang apüi angkya changle.

JUHAN 14:13

Ilaxle hünzome ku mün ma chempang juüi hex, ija kue moküi; ile Hosa ma Hopa fuazangle naxchang ang.

JUHAN 12:41

Isaia-e ija kax Jisu fuazang ngünlaxle chix bama akaxpu.

JUHAN 12:37

Chixe hwom pomtho ma ohünotün mwotbu mokle ahodaobachu, hwome chix to chiong;

JUHAN 2:23

Kaitox Pangpwon tuke Jisu Jerusalem to ngui pongma chixe mokkya ohünotün mwotbu ngünlaxle khünaknue chix to mongong.

JUHAN 1:50

Jisu-e chix kax to lanle thüi: “Nang fupsa pün fangma ngopong ma kue nang ngünpu le thüikya khoma nange ongkya changdaicha? Ifüichu süchongkya nange ngün angkya changle.”

MÜNCHUAK-TSAI 96:3

Chaxwannu hato chix fuazangkya apukkox, üntoxle chu chix ohünotün mwotbu khünaknu pangnu hato.

1 JUHAN 5:13

Hünzom a Hosa to mongongkyabu; hünzom ma oshuk chitüikya khüzün tüile le naxawan lax ang kue ija hünzom hato zapu.

JUHAN 4:46

Ifüima Jisu Galili angkya Kana ting, ojongkha to chixe ti ju ang achang, ija khato tam chatle ngui. Ija ponge alixachong sasün tuita kakle ngo.

JUHAN 5:23

Owae Hosa chathua chizaüi hex, chix tomle ajokya Hopa chathua chuwüi münza.

HWON-NWOT-JAONO 9:7

Thotho thuile le-kox—nange süt saxlax ilaxle mongmüile ngolax; nang ju linglax ilaxle pwonla dongle ngolax. Zang zongto ibu pangwüi changkya olomlom wüi.

MÜNCHUAK-TSAI 72:19

Othuithuima fuazangkya chix mün achuak-achen kox! Chix fuazangkyae chaxwannu awangle naxchang. Amen! Amen!

TSAITONG-KAXTONG 5:24

ilaxle hwome thüipu, ‘Wünkha tokhange chixe akaxkya kaxzing kwome atat pongma Jowanpa kwom Zang-e chix zaxzangkya hia fuazangkya kwom hato ahodaoa! Athaxpi Zang-e chix füi zangwünle changdao koxchu khünak a ozün ma ngo ang thoüile anyix kwome tikle kopdaoa.

LAIPAO 4:9

Ibibile ohünotün mwot oli anyi aho koxle ngaxchu hwome nang to mong chiongle jangchang, ilaxle nang zangwün to na chitha thüiningle, Nail shuanu angkya ti hidaole laxlax üntoxle ija hax to thokkox. Ija ma ija ti a aji ang achangle paoüi.”

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

2 KORIN 3:18

Idaile kem noknusae wüi thünkhung nyi chithom homle, Jowanpa fuazang ocha ngün ang tomhax; üntoxle Chasa owa, Jowanpa tokhange hüipuix, ija fuazang tuitatae wüi, kem chix lailaile otax-onüi fuazangkya ma lüile azün ang koxüi.

JUHAN 11:15

Hünzome mongong angkya kuxma ku ikhato chiasukya khoma mongmüile. Hai, kem pi chix hato paohax.”

JUHAN 1:17

Zange Wanlom a Mosa makhange fa; ikoxlechu chingcha hia otsingtsing a Jisu Khrista makhange hüipu.

MALAKI 2:2

Hünzome chem mokpuix ija makhange hünzome ku achuak-achenle chang angkya changpu. Hünzome kue akaxkya to chiapa jangthüiba, kue hünzom hato othuak-ozom ngui ang tomüi. Hünzom juafong angkya hanpakma kopkya jalibu to kue thuakzomle changüi. Changle, hünzome ku kax ma khünzule chilaxkya khoma kue hwom to thuakzomle changdaoa.

LAIPAO 14:31

Chemtue Jowanpae Ijip nok to lüt ang chix tsak-zong chongkya ahokya Israel noke ngünle laxpuix, hwom a Jowanpa thuaza. Hwome Jowanpa hia chix dapa Mosa hokhi to mongong.

1 WANGHOMBU 17:24

She-e lan: “Athax kue awandaoa, nang a Zang khünak jao changle ilaxle Jowanpae nang makhange zangwünle!”

JUHAN 1:43

Ofüi nyix Galili to paosele tsu. Ikhato chixe Filip atak. Jisu-e chix ang thüi: “Ku füito oman.”

JUHAN 2:1

Ifüima nyix azom lükya nyix, Galili angkya Kana ting ma aju-asomkya tüikya. Jisu honuchu wüi ikhato tüikya;

JUHAN 4:3

Otue Jisu-e ija zangwün atat puix, chixe Jehudi haxtok danle toxlaxle Galili to chat.

JUHAN 4:54

Ija a Jisu Jehudi tokya Galili to nguilaxle mokkya ohünotün mwot anyi lekya changpu.

JUHAN 7:31

Ikoxlechu othom kha angkya khünak züizüie chix to ong, ilaxle hwome thüi: “Khrista nguikya zumachu ija mixsüne ahokya tukuxle ohünotün mwotbu mokle aho lax angma?”

JUHAN 9:16

Farisi kha angkya züizüie thüi: “Ija khünak a Zang tokhange nguikya münchang; chemthüikoxle chixe nazak nyix wanlom münto.” Ikoxlechu mamabue thüi: “Ochax khünak tuitae ija ningkya ohünotün mwot chemle mok ang thoüi?” Ile hwom khakha ma wüi kax ma alanle ahan.

JUHAN 10:41

Chix hato khünaknu huanuma nguilaxle thüi: “Otsingma Juhan-e ohünotün mwot chemchu chimok; ikoxlechu chixe ija mixsün bama akaxkyabu pangnu wüi changle hüile.”

JUHAN 11:47

Ija khoma nguakhobu tamchu farisibue nguawangbu kartzua lax ang nyakle asoxlaxle thüi: “Keme chemle wünüi? Chemthüikoxle ija khünake ohünotün mwotbu huanuma wüi ahole ngole;

JUHAN 12:18

Ija khoma khünaknu chix füi apong, chemthüikoxle ija ohünotün mwot chixe mokpu ta le hwome atat.

JUHAN 16:27

Chemthüikoxle Apa chix jaojaoe hünzom to mongkünle. Hünzome ku to mongkün tamchu ku a Zang tokhange hüikya changpu le mongongkya khoma Apae hünzom to mongkünkya changle.

JUHAN 16:30

Nange pangnu awanle le kwome tsingdaoa; athax owawae nang ma atüi ngo angkya fang jao münchang. Ibu makhange kwom ang, nang a Zang tokhange hüikya changpu le ong ang koxle.”