JUHAN 17:3 - OTSAO BAIBEL (BSI)

³ Oshuk chitüikya tsün khüzün le thüikoxle, tuita otsingtsing Zang, nang awankya tamchu nange tsanle ajokya Jisu Khrista tsingkya ang thüipu.

JUHAN 17:3 ပူးပေါင်းရင်းမြစ်များ

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

JUHAN 17:25

Otsao Apa! Chaxwannue nang chitsing, ikoxlechu kue nang awanpu; ilaxle ku a nange tsanle ajokya changpu le hwome awanle;

JUHAN 3:17

Chemthüikoxle Zange chix Hosa chaxwannu to, kaxfün fa ang chichangle, chix makhange chaxwannu khosün angkya hanpakmale ajo.

HOSIA 6:3

Kemepi Jowanpa tikle lax ang azong hax. Tütakoxchu zangngaile hüikya ningle, ojao chithaile chaxwan tok to tsosa zangwat dütkya ningle, chix a kem hato hüiüi jaojao.”

1 JUHAN 4:6

Ikoxlechu kem pia Zang kux changle. Opange Zang tsingle tüipuix ibue kem kax apale; Zang kux chichangkyabue kem kax to münapa. Ija makhange keme otsingtsing chasa hia othai chasa nyi ba ajatle awan ang thole.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

JUHAN 17:23

Ku hwom ma ilaxle nang ku ma, ikoxle hwom owüiole tuita ang naxachang; ile tix nange ku tsanle ajopu tamchu nange ku to chemle mongkün puix ija lailaile hwom tochu wüi mongkünpu le chaxwannue awan angkya hanpakma.

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

JUHAN 17:21

Apa, chemle nang ku ma ngo, ku nang ma ngopuix, ija ningle hwomchu wüi kem ma naxngo. Nange ku tsanle ajopu le chaxwannue awan ang tom angkya kux male hwom tuita ang naxngo kox.

JUHAN 3:34

Owa Zange tsanle apaopuix, chixe Zang kaxbu akaxle, chemthüikoxle Zange chix ma ma Chasa okho anguile fale.

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

2 THESALONIKA 1:8

tamchu chuale ngokya wün füi, Zang pongle chikopkyabu ilaxle Jowanpa Jisu bama wünkya Kaxho Müikya to chiongkyabu to sik angün ang nguikya zuma chixe ija moküi.

JUHAN 17:8

Nange ku ang akoxkox kaxho kue hwom ang koxdaoa, ilaxle hwome ija pongle kopdaoa; ilaxle ku a nang makhange hüikya changpu le hwome ongle.

JUHAN 14:26

Ikoxle fongmix ija Otsao Chasa, Apae owa ku mün ma ahüi angkya hex, chixe hünzom hama pangnusa apuale fa angkya changle, ile kue hünzom füi akax daokyabu pangnu texle atak ang tomüi.

JUHAN 8:19

Hwome chix ma atüi: “Hünpa ojong khato tüipu?” Jisu-e lan: “Hünzome kuchi münawan, Apa chuwüi münawan; hünzome ku awan koxle Apa chuwüi awan ang kopse.”

1 KORIN 15:34

Nang tutex changkya hato chatlax, ilaxle chatle ochax tam taxmok. Kue hünzom zak akople ngaipu, hünzom khama Zang chitüikya mix züizüi tüile.

ISAIA 53:11

Khüzün sikngünle chang füima, chix ma chatle mongsom tüiüi; chixe chix a thabi-juaba to sikngünkya münchangle awanüi. Ku to mongkoxkya da, owa füi ku mongzom müipuix, chixe noknu sikngün hünlit hünüi ilaxle chix khokho ma kue hwom ang thailak tüiüi.

1 THESALONIKA 1:9

Kwome hünzom wai pongma hünzome kwom wün chemle pwonle pongkop, chapa shwomle ngokya zangshwom ha tokya ozün ma ngokya Zang thotha ang hünzom chemle chat, ibu pangnu bama khünak noke wüi wünle.

JEREMIA 10:10

Ikoxle Jowanpa, nang a Zang tsingtsing changle, nang a khüzün Zang changle ilaxle oshuk chitüikya wanghom changle. Chemtue nang mongtsikle changpuix, chaxwannu aloxle; chaxwannu angkya jatlibue nang mongtsik adu ang müntho. (

ISAIA 48:16

“Athax ku hato soxlax ilaxle ku kax apalax. Pongwang tokhange wüi kue ngaithole akaxdaoa, ilaxle jento ku kax changle ngai ang tomdaoa.” (Athax Jowanpa Khüthak Zang-e chix tsak-zong koxle ilaxle ku tsanle apaole.)

MÜNCHUAK-TSAI 9:10

Jowanpa, opange nang awanle tüipuix, hwome nang to mongong tüiüi; nang hato nguikya khünak owachu nange chilaxle taxüi.

JUHAN 10:36

Ku bama, ku a chaxwannu to Apae tsanle ngui ang tompu. Jangchang thüikoxle, kue ‘Ku a Zang Hosa changpu’ le thüikya khoma, ija a Zang ajaokya kax changpu le ku ang chemle thüipu?

JUHAN 7:29

Kue chix awanle; chemthüikoxle ku a chix angkya tamchu chixe tsanle ajokya changpu.”

JUHAN 6:57

Chemle ozün ma tüikya Apae ku tsanle ajo puix, ija lailaile chix kuxma tix ku ozün ma ngopu. Ija ningle owae ku müi saxlaxpuix, chixchu ku khoma tix ozün ma ngo angkya changle.

2 PUKAX-PANGAO 15:3

Israel nok a okuilole otsingtsing Zang chilax homtoxle ngole hüipu, hwom hama anwot-anole kox angkya nguapabu hia wanlom chilax homtoxle a.

JUHAN 5:44

Hünzome tata angkya münchong kopse tsu ikoxlechu tuita wüi tüikya Zang tokhange münchong kop ang hünzom chiazong. Ile jangchangba hünzome ku to cheme ong manüi?

JUHAN 11:42

Ilaxle nange ku kax jento atatle le kue awanpu; ikoxlechu ikhama ajongle ngokyabue, ku a nange tsanle ajokya mix changpu le awan ang kop angkya kuxmale, kue ija kax akaxpu.”

KAXHO MÜIKYA LUK 9:48

ilaxle hwom ang thüi: “Ku mün ma ija nao owae pongle kopüihex, ku pongle kopkya changpu; üntoxle owae ku pongle koppuix chixe ku tsanle apaokya mixchu pongle koppu; chemthüikoxle hünzom khama ahixkya opupu hex, pangnu füi achongkya chix changpu.”

MARK 9:37

“Ku mün ma owae ija ningle naosa tuita pongle koplaxpuix, chixe ku pongle kopkya changpu; ilaxle owae ku pongle koplaxpuix, chixe ku tata pongle kopkya münchang ku tsanle ajokya mix pongle kopkyachu changpu.”

1 KORIN 8:4

Idaile chapa ang koxkya süt saxkya bama; keme awanpu chapa ma ozün müntüi; ikoxle keme awankya a, Zang a tuita wüi.

WANWÜNKAX 8:35

Opange ku atak tsuak puix hwome khüzün koppu, ilaxle ibu füi Jowanpa ang mongmüikya tüiüi.

JUHAN 17:18

Nange ku chemle chaxwannu to tsanle ajopuix ija lailaile kuechu hwom chaxwannu to tsanle apaopu.

FILIPI 3:8

Ibu tata le münchang, ikoxle ija thakma akhokya thanu, oja Jowanpa Jisu Khrista bama tsingwankya hex, ija kuxmale kue pangnu wüi omüt ang laxpu. Chix kuxma kue pangwüi dantox daoa; ikoxle kue Khrista koptsuak angkya ilaxle chix füi komkaile motom angkya hanpakma, ibu awüt toxkya ku zongto chemchu münchangle texpu.

FILIPI 3:10

Ku mongtsukya abakle a Khrista tsingse ilaxle chix chatle azangle zokya thwon lopse le tsukya ibibi changle, ija a chix sikngün tom-han angkya hia chix zik ma chix ningle achang angkya hanpakma,

IBRI 3:1

Kutüi kunao khristanbu, opangchu wüi Zange nyakkya changlaxpuix! Kem manzai ang laxkya mongong bama Nguakho ang Zange owa tomle ajopuix, ija Jisu bama ajanglax.

2 PITAR 1:2

Zang hia kem Jowanpa Jisu Khrista tsingwankya tokhange chingcha hia mongsom thakho nguile hünzom hanpak ang naxchang.

2 PITAR 1:3

Owae ma fuazang hia ataxle müikya süntswon ang kem sele laxpuix, keme chix awanle laxkya makhange, kem ozün ma tüipongma tamchu otsingtsing zanglom tsün ngopongma laxli komle Zang otsao tsakzong makhange kem ang fadaoa.

2 PITAR 1:8

Chemthüikoxle ibu hünzom kux ang achang üntoxle sisile zaxle jangtüiba, ibue hünzom ang Jowanpa Jisu Khrista tsingwankyae ma chiziak chipua le tüi ang müntom.

1 JUHAN 1:2

Otue ija khüzün ngün ang tsuak le chang, kwome ija ngünpu; idaile kwome ija bama akaxpu üntoxle Hopa füi tomle tüikya oshuk chitüikya khüzün oja kwom ang awan ang tompuix ija mo kwome hünzom hama wünpu.

1 JUHAN 1:3

Hopa hia Hosa Jisu Khrista nyi füikya kwom motom ma hünzomchu naxwom le kwome ngünkya hia atatkya hünzom angchu tsing ang tompu.

1 JUHAN 2:23

Chemthüikoxle Hosa pongle chikopkyabue Hopachu wüi pongle münkop; Hosa pongle kopkyabue Hopachu wüi pongle koppu.