JUHAN 17:2 - OTSAO BAIBEL (BSI)

² Nange chix ang afafa pangnusa ang, oshuk chitüikya tsün khüzün koxtsuak angkya hanpakma, nange chix ang khünaknüsa thakma tsakzong koxpu.

JUHAN 17:2 ပူးပေါင်းရင်းမြစ်များ

JUHAN 6:39

Chixe ku ang fadaokya tuitachu chiamütüi, ikoxle oshuk ma ibu pangwüi ozün ma zo ang tom angkya ku tsanle ajokya mix mongtex changpu.

JUHAN 6:37

Apae ku ang koxkyabu pangwüi ku hato hüiüi ilaxle kue hwom otuechu münachatüi;

DANEL 7:14

Apün-awang angkya tsak-zong, münchong, hia wangtsak-wangzong chix ang kox, ilaxle zangfang angkya khünaknüsa pangnu jat-lie chix thothale chang ang tom. Chixe apün-awangkya ma oshuk müntüiüi, ilaxle chix wangting münashuk toxüi.

JUHAN 17:24

“Apa, nange ibu ku ang koxdaoa, idaile ku ojong to ngoüi hex, hwomchu wüi ija khato ngo angkya a ku mongtex changle. Ile oja fuazang nange ku ang koxdaopuix, ija hwome naxngün; chemthüikoxle chaxwannu mazing tanto wüi nange ku to mongkünpu.

MATHI 28:18

Hwom hato hüilaxle Jisu-e thüi: “Zangkangting hia chaxwannu pangnu thakma tsakzong komle ku ang koxdaoa.

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

JUHAN 17:9

“Kue hwom hanpakma joppu; kue chaxwannu bama jopkya münchang ikoxle nange ku ang fadaokyabu hanpak ang joppu; chemthüikoxle hwom a nang kux changle.

JUHAN 17:6

“Chaxwannu angkya khünak nange ku ang opang koxdao laxpuix, hwom hama kue nang tsing ang koxdaoa. Hwom a nang kux changkya, ikoxle nange ku ang koxpu; hwome nang Kax pongle kopdaoa.

JUHAN 4:14

Ikoxle opange kue fakya ti linglaxüi hex, ibu ang ti tamchatle münlanüi; ikoxle kue chix ang fakya ti a, chix ma otuechu chizople fuakle lai ngokya timik ang achangüi.”

JUHAN 3:35

Hopae Hosa to mongkün ilaxle pangnu li wüi chix chak to dandaoa.

1 JUHAN 2:25

Üntoxle Khrista chixjaoe kem ang koxüi hexo le tsaokya oshuk chitüikya tsün khüzün a ija changle.

1 PITAR 3:22

Zangkangting to donglaxle Zang tsaxchi kao ma thung üntoxle owae kaxtaimixbu tamchu zangkangting tsakzong thakma apün-adale ngopuix, Khrista chix chatle azangle zokya tokhange ijae tsuakle.

IBRI 1:2

ikoxle Ija hanpak oshuk ma chixe kem füi Hosa makhange zangwünkya changle, owa makhange Zange ding hia hax zingpuix, üntoxle oshukma pangnu li mantswon ang Zange owa kamle koplaxpuix, ija mixsün a chix changle.

MATHI 11:27

“Apae ku ang pangnu li wüi fadaoa. Hopa boma Hosa owaechu müntsing tamchu Hosa hia chixe angaile ahose le mongtsukyabu boma Hopa owaechu müntsing.

JUD LAIZA 1:21

ilaxle chix chingcha ma hünzom ang kox angkya oshuk chitüikya khüzün bama hünzome kem Jowanpa Jisu Khrista tanle nui pongma, hünzome ma alüile Zang mongkün ma thomhüi.

1 JUHAN 1:2

Otue ija khüzün ngün ang tsuak le chang, kwome ija ngünpu; idaile kwome ija bama akaxpu üntoxle Hopa füi tomle tüikya oshuk chitüikya khüzün oja kwom ang awan ang tompuix ija mo kwome hünzom hama wünpu.

1 TIMOTHI 1:16

mama khünakbue hwomechu oshuk chitüikya khüzün tsün atak ang thoüi changa le awanle lax ang kox angkya kuxma sümakya ochax khünak tuita füi ngaxchu chix ipongpong adupu le pangnusa hato afua angkya hanpakma Jisu Khrista-e ku apyen ang twon angkya bama Zange ku to chingcha, ija kax a otsing tomta changle.

FILIPI 2:10

Idaile Jisu mün achuak achenle, ding to tüikya pangnusa, chaxwannu angkya hia amachi tokyabu; pangnue wüi chix chitong ma, akhuxle shwomüi.

EFISIA 1:20

Kem ma mwot mokle ngokya ija akhokya tsakzong a, chixe Jisu Khrista azangle azwot ilaxle zangkangting to chix tsaxchi ma athung ang twonkya zong tuitata wüi changpu.

1 KORIN 15:25

Chemthüikoxle Zange zan pangnu to anaolaxle chix chifa fangma mathom tanto Khrista-e apün angkya changle.

ROM NOK HATO ZAKYA POL LAIZA 6:23

Chemthüikoxle ochax omün a zikya changle; ikoxle Zange amuale fakya hingho a Jowanpa Jisu Khrista füikya notom ma oshuk chitüikya tsün khüzün changle.

MÜNCHUAK-TSAI 110:1

Jowanpa ku hopupa ang thüi: “Kue nang zanpabu nang chifa fang ma mathom tanto nang ikhama ku tsaxchi ma thunglax.”

JUHAN 6:27

Male paoün angkya süt hanpakma mwot taxmok, ikoxle oshuk chitüikya tsün füi tomwüi ngo angkya süt hanpakma moklax. Ija süt a Khünak Hosae tix hünzom ang koxüi; chemthüikoxle Hopa Zange chix ma münwan shin tople fadaoa.”

MATHI 25:46

Ifüima hwom a oshuk chitüikya zothup nui to apaoüi; ikoxle otsaobu a oshuk chitüikya khüzün khato paoüi.”