JUHAN 16:3 - OTSAO BAIBEL (BSI)

³ Hwome ku wüi changkoxlax chichangba Apa wüi changkoxlax chiawankya khoma hünzom to ile hwonüi.

JUHAN 16:3 ပူးပေါင်းရင်းမြစ်များ

JUHAN 15:21

Ikoxlechu hünzom a ku kux changkya khoma, hwome hünzom to ibu pangwüi mokpu. Chemthüikoxle hwome ku tsanle ajokya mix chitsing.

JUHAN 17:25

Otsao Apa! Chaxwannue nang chitsing, ikoxlechu kue nang awanpu; ilaxle ku a nange tsanle ajokya changpu le hwome awanle;

2 THESALONIKA 1:8

tamchu chuale ngokya wün füi, Zang pongle chikopkyabu ilaxle Jowanpa Jisu bama wünkya Kaxho Müikya to chiongkyabu to sik angün ang nguikya zuma chixe ija moküi.

JUHAN 8:55

Ikoxle hünzome chix otuechu chiawan, kue a chix awan ngopu; kue chix münawan le jangthüi: ku chuwüi hünzom ningle thaikya ang achangpu; ikoxlechu kue chix awanpu ilaxle chix kax ma laxle tüipu.

JUHAN 8:19

Hwome chix ma atüi: “Hünpa ojong khato tüipu?” Jisu-e lan: “Hünzome kuchi münawan, Apa chuwüi münawan; hünzome ku awan koxle Apa chuwüi awan ang kopse.”

1 JUHAN 4:8

Opang ma mongkün chitüipuix, hwome Zang müntsing, chemthüikoxle Zang a mongkün changle.

1 JUHAN 3:1

Hopae kem to otukux mongkün puix hulax! Kem ang Zangsu Zangsabu le nyakkya kople chix mongkün chongkya tüile; üntoxle otsing tomtata ma kem a chixsu chixsabu changle. Ikhoma chaxwannue kem owahex münawan; chemthüikoxle chaxwannue Zang owahex chitsing.

JUHAN 17:3

Oshuk chitüikya tsün khüzün le thüikoxle, tuita otsingtsing Zang, nang awankya tamchu nange tsanle ajokya Jisu Khrista tsingkya ang thüipu.

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

1 KORIN 2:8

Ija chaxwannu ma apün-awangkya opupuechu ija je-hwon chitsing. Hwome ija tsingkoxba fuazangkya Jowanpa takle chilangse.

JUHAN 15:23

Owae ku thua anupuix, chixe Apa thuachu wüi anukya changpu.

KAXHO MÜIKYA LUK 10:22

“Apae ku ang pangnu li koxdaoa. Hopa boma Hosa owaechu münawan; üntoxle Hosa hia Hosae opang hato Hopa ngaile aho ang zünle koplaxpuix, hwom boma Hopa owaechu münawan.”

1 TIMOTHI 1:13

chix thotha angkya ku asukya ang lax ilaxle kamle kopkya khoma kue chix ang münchong fapu. Ikoxlechu Zange ku to chingcha chemthüikoxle ipongma ku ma mongong matüi üntoxle ikhoma kue chemmok laxpuix kue chitsing.

WANGSHEMBU MWOT 3:17

“Üntoxle athax a, tüinaohom, hünzome tamchu hünzom lompabue Jisu to chempangle hwondao laxpuix, hünzome chitsingkya tokhange changdaoa le kue awanle.

1 JUHAN 2:23

Chemthüikoxle Hosa pongle chikopkyabue Hopachu wüi pongle münkop; Hosa pongle kopkyabue Hopachu wüi pongle koppu.