JUHAN 16:2 - OTSAO BAIBEL (BSI)

² Hwome hünzom sinagok tokya alaiüi, changpu; opange hünzom langüi hex, hwome Zang mwot mokpu le tex angkya tunu nguile hüiüi.

JUHAN 16:2 ပူးပေါင်းရင်းမြစ်များ

JUHAN 9:22

Honu hia hopa nyie ile thüikya a Jehudi nok pünpa-chongwangbu thua zakya kake thüipu; chemthüikoxle owawae “Chix Khrista changpu”, le tsaokya mix jangtüiba, ija khünak a sinagok angkya mün züt angkya zangwün tsuakle thomdaokya tüikya khoma;

MATHI 10:28

Tsangtsa amüt ang tho koxchu chasa lang ang chitsuak angkyabu thua taxza; itülüi, Zang owae tsangtsa hia chasa pangnyi haolum to amüt ang thopuix, chix thua zalax.

MIKNGÜN-OHÜN 6:9

Ifüima Chun Hosae aga lükya shintop dap. Tötsap fangwok kaoma Zang kax apukkya hia kaxkhi fakya ma mongong shingmong tüikya khoma langkya khünakbu chasa kue ngün.

JUHAN 12:42

Ile changkoxchu Jehudi nok pünpa-chongwangbue chix to ongkyabu lai; ikoxlechu sinagok angkya hwom mün züt angkya thua zalaxle farisibu tüikya khoma hwome ija chingai.

KAXHO MÜIKYA LUK 6:22

“Otue Khünak Hosa khoma khünake hünzom thua anuüihex, chilaxle awütüihex, adaüihex, kaxma lili akaxüihex! izuma hünzom mohiman.

ISAIA 66:5

Jowanpae chem akaxpuix ija to apalax, hünzom chix chathua zakyabu tamchu chix kax ma laxle ngokyabu: “Chemthüikoxle hünzom ma ku to mongongkya tüile, hünzom khünak züizüie hünzom to miktsakle ilaxle hünzom füi tomle mok angkya mwot hwom ma chemchu müntüi. Hwome hünzom chanyi ilaxle thüi: ‘Jowanpae chix chuak-chongkya naxahokox ilaxle hünzom khosünle naxchang kox, ikoxtix kwome hünzom mongmüikya ngünüi.’ Ikoxlechu hwom a hwom alüile thajaokya tüiüi!

1 KORIN 4:13

otue kwom to adix-adapuix, kwome kaxmüi makhange lanle. Athax kwom a ija chaxwannu thuakthuak nui tamchu awüt daokya jali oma-oshix boma mama chem angchu münchang!

WANGSHEMBU MWOT 7:56

Chixe thüi: “Hulax, kue zangkangting ka daple ngünle ilaxle Khünak Hosa a Zang tsaxchi ma ajongle ngünle!”

MATHI 24:9

“Ifüima khünaknue hünzom kopüi, ilaxle sikangün ang hia lang ang tomüi. Ku mün khoma hexle khünaknue hünzom thua anuüi.

JUHAN 9:34

Hwome lanle chix ang thüi: “Nang a abakle ochax ma puxpaile tsonglaxle kwom hama apua ano le hi?” Ile hwome chix sinagok angkya alai.

ISAIA 65:5

Ifüima hwome mix ang thüi: ‘Kwom füi atsaile ngolax; hünzome lyet angkya kwom a hünzom zongto huanu otsao changle’ Kue khünaknu ile ajongle ngo ang münkoxtho — hwom füikya ku mongtsik a amüt ang chithokya wün ningle changdaoa.

WANGSHEMBU MWOT 5:33

Ija kax atatlaxle nguakhobu ang wün ma lai khi le mongtsik dong üntoxle wangshembu mik amütse tsu.

JUHAN 4:21

Jisu-e she ang thüi: “Mixcha, ku to onglax! Ija haxhua ma tamchu Jerusalem machu wüi khünaknue Zang chishwom angkya tunu nguile hüile.

FILIPI 3:6

üntoxle kue zongbak jaojaole müimüithom zothup. Wanlom tokya tokhange khünak otsao ang achang angkya le jangchang thüikoxlechu, ku thaikya ojao chitüikya mix changle.

DANEL 11:33

Jetüi-hwonzaikya lompabue hwom je-hwon khünakbu füi tomhanle changüi. Ikoxlechu onox ma hwom züizüi a zanhok ma langüi, ilaxle züizüi angkya tuina tsui paoüi ilaxle zandabu ang achangüi.

JUHAN 4:23

Ikoxle shwom mixbue Hopa Chasa hia otsingtsing ma shwom angkya tunu nguile hüiüna, ija athax changle; chemthüikoxle Hopae chix shwom ang ija ningkya khünakbu lomle;

JUHAN 16:25

“Kue kaxpan füi ibu hünzom hama akaxpu; ikoxle kaxpan chilax homtoxle kue Apa bama hünzom hama ngaitho le akax angkya tunu nguile hüiüi.

JUHAN 16:32

Hulax, hünzom a mahomhom to afa le paoüi ikoxle ku tata danle toxüi; iningkya hanpak nguile hüile. Ija hanpak a athax changle. Ikoxlechu ku a kutata le chichang; chemthüikoxle Apa a ku füi tüile.

KAXFÜNPA-HWOM 6:30

Hwome Joash ang thüi: “Hünsa ikhato alaihüi; kwome chix a lang angkya wüi changle! Chixe Bal hanpak ang zingkya tö-tsap tamchu ija zui angkya Asherah chapa dakle atsun amadaoa.”