2 Apa hom to ngwotnui tüihu le; ku hünzom hanpakma ngwotnui achwon ang pao angkya changle. Ibu ile chichang thüikoxba kue hünzom hama ija chiakax ngose.
Simon Pitar-e chix ang thüi: “Jowanpa, nang ojong khato pao ang?” Jisu-e lan: “Athax ku pao angkya khato nange ku füito ngui ang münthoüi; ikoxlechu füima tho angkya changle.”
Zan to anaokya mix kue ku zangshwom-hom ma thong tuita ang achangüi, ilaxle chixe ija otuechu danle müntoxüi. Kue chix ma ku Zang mün zaüi, ija a hozün Jerusalem changüi, oja ku Zang tokhange zangkangting tokya jukya changpuix. Chatlechu kue chix ma ku mün zaüi.
Ku naosombu, athaxpi ku hünzom füi aluile ngoüi münchang. Hünzome ku lomüi; kue Jehudi nok pünpa-chongwangbu füi akaxdaokya ningle hünzom angchu thüipu, ku pao angkya khato hünzom ngui ang münthoüi.
“Apa, nange ibu ku ang koxdaoa, idaile ku ojong to ngoüi hex, hwomchu wüi ija khato ngo angkya a ku mongtex changle. Ile oja fuazang nange ku ang koxdaopuix, ija hwome naxngün; chemthüikoxle chaxwannu mazing tanto wüi nange ku to mongkünpu.
‘Ku paoüi ilaxle hünzom hato tamchatle nguiüi’ le akaxkya ku kax hünzome atatle laxdaoa. Hünzome ku to mongkün koxle hünzom ang mongmüi tüise, chemthüikoxle ku a Apa hato pao angkya changle; chemthüikoxle Apa a ku füi ngaxchu akhokya changle.