JUHAN 10:6 - OTSAO BAIBEL (BSI)

⁶ Jisu-e ija kaxpan hwom füi akax, ikoxlechu chixe ija chem hanpak ang akaxpuix, ija hwome awanle lax ang chitho.

JUHAN 10:6 ပူးပေါင်းရင်းမြစ်များ

ISAIA 56:11

Hwom a tamchu wok afwotle sax ang chikopkya nüfux füikya hi tuita ningle. Lompa ibu ma tsing-wankya chemchu müntüi. Hwome pange wüi ma mongtsutsu ma mokle ilaxle ma fünmüimüi lomle.

WANWÜNKAX 28:5

Ochax khünake sukya chem hex ija müntik, ikoxle opange Jowanpa to shwompuix hwome tix müile tsingle laxle.

MÜNCHUAK-TSAI 82:5

“Hünzom a chemtukuxkya ongatbu hex! Chem ngat ma ngapuix! Hünzom a komkaile chichangchizangle tüidaoa, ilaxle chaxwan angkya sukya olom a samdaoa.

JUHAN 16:25

“Kue kaxpan füi ibu hünzom hama akaxpu; ikoxle kaxpan chilax homtoxle kue Apa bama hünzom hama ngaitho le akax angkya tunu nguile hüiüi.

MATHI 13:51

Jisu-e hwom ma atüi: “Ibu hünzome awan chami?” Hwome lan: “Awanle.”

DANEL 12:10

Khünaknu a huanuma otsao ang achangüi. Opang chichangchizangle tüipuix hwome ija müntsingüi ikoxle sisi-mix chichangchizangle ngole hüiüi; opang jetüi-hwonzaile tüilaxpuix hwome tix tsingle laxüi.

MÜNCHUAK-TSAI 106:7

Ijip nok to kwom pupa hwome Zang ohünotün mwotbu chitsingtsuak; chixe hwom hama obithomthom ma hexle ahokya hwom tokya chix mongkün hwome alakle asam, ilaxle Khikya Tinu Shinthuk ma hwome Khüthak Zang füi alünle chang.

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

1 KORIN 2:14

Chasa chitüikya khünake Zang Chasa hingho münkop, ibu chix zongma ongat changle, ilaxle chixe ibu tsingle lax ang müntho, chemthüikoxle ibu a Zang Chasa otsao chikao makhange tix azut ajangle lax angkya changle.

JUHAN 8:43

Hünzome ku kax büthüikoxle chitsing? Ija a hünzome ku kax apa ang mong chiadu thokya khoma changle.

JUHAN 8:27

Hwome Jisu-e hwom füi Hopa bama akax ngokya changpu le texle chiatak.

JUHAN 7:36

‘Hünzome ku lomüi ikoxlechu hünzome ku münataküi, tamchu ku ngokya khato hünzom hüi ang münthoüi’, le chix akaxkya a chem kax?”

JUHAN 6:60

Ija atatkya ma wangshembue thüi: “Ija hwon-nwot a tüle tsakle. Ija owae tsingle thoüi?”

JUHAN 6:52

Ija khoma Jehudi khünakbue ija bama tata füi zangwünle thüi: “Ija khünake kem ang chix müi sax ang chemle kox angkya changkoxpuix?”

MATHI 13:34

Ibu pangnu apua ang Jisu-e khünaknu füi kaxpanbu makhange akax; kaxpan chilax homtoxle chixe hwom füi chemchu chiakax.

MARK 4:34

Kaxpan chilax homtoxle chixe hwom füi chiakax; ikoxle wangshembu füi chix tata süile changpongma chixe hwom hama pangnusa akhixle wün.

JUHAN 16:29

Chix wangshembue akax: “Hulax, athax nange kaxpan füi chichang homtoxle ngaitho le akaxle.

2 PITAR 2:22

“Hi ma fat hato anongle chatle, üntoxle ti ajodaokya wak haxthom to wot ang chatle” le tüikya jekax otsingtsing ang hwom ma ngai.