JUHAN 10:12 - OTSAO BAIBEL (BSI)

¹² Ikoxlechu owa hingchak achakkya mix hex, tamchu chun nyet mix tsingtsing chichang puix, owa chunbu hopunuchu chichang puix; hulax shwonbu hüikya ma. Chixe chunbu dantoxlaxle pao ma sütüi, ilaxle shwonbue ibu chun shingle kopüi, ile hwom a anyaple asamüi.

JUHAN 10:12 ပူးပေါင်းရင်းမြစ်များ

2 PITAR 2:3

Ibu othai nwotmixbue, hwom nüfux tokhange, zingle alaikya pukaxbu zexkya füi achakle hünzom angkya ngun alapüi; kaipong tokhange wüi hwom kaxfün mix achwonle ngole, tamchu hwom mik amüt angkya mix ang mik azangle ngole!

TITA 1:7

Ile müimüithom lompa tuita a Zang mwot mok angkya ajepa tuita changkya daile, chix a ofwot chizaile changkoxle müiüi. Chix a makax kax ma wüi laxhüi le chichangba amuaküsa to mongtsik dongkya mix chichangüi, chichangba jutok saxngakya mix, hyetlom mix, ngun to asingkya mix, iningkyabu chichangüi.

2 TIMOTHI 4:10

Dema a anyix ngainyixkya chaxwannu füi mongkün fün mongüna lüta ilaxle chixe ku awüt toxlaxle Thesalonika to paoüna. Kresen a Galatia to, Tita a Dalmatia to le paoüna.

1 TIMOTHI 3:8

Müimüithom ma fongmixbu machu müikya zanglom saikha tamchu mongkoxle saxmokkya tüi angkya oli changle; hwome ju aluile chilingüi tamchu ngun-syen to osingkya chitüi angkya changle;

1 TIMOTHI 3:3

chix a tuita jutok saxngakya mix chichangba hyet lom mix ang chichangüi, jonai ma hia mongsom füikya mix ang achang angkya oli changle; chixe ngun syen to mongkünkya chitüi angkya oli changle;

WANGSHEMBU MWOT 20:29

Ku cha achex füima, chisumüikya shwonbu hünzom hato hüiüi, ilaxle hwome othom angkya chunbu komle thomjoüi.

1 PITAR 5:2

Atsangle chichang homtoxle mongtsutsu le, Zange hünzom ang koxle tüikya chun zyem nyelax. Omün kop ang chichangle otsing tomtata ma thotha ang mongtsukya füi ma mwot mokkox.

JUHAN 10:3

Fülom nyetmixe chix ang ka daple fale, ilaxle chunbue chix kax atatle; tamchu chixe chunbu ang mün makhange nyakle ilaxle chun ibu chixe jenlo le zunle paole.

MATHI 10:16

“Apalax, shwon tham khato chun hosabu ningle kue hünzom tsanle apaopu. Pu ningle atsinglax, osu ningle nonai le tüilax.

MATHI 7:15

“Othai ajebu, opange hünzom hato chun khwone khwop laxle hüipuix, ibu hanpakma khünzai lax; chemthüikoxle hwom kün-mong a tuita shixkya shwon ningle tüile.

JUHAN 10:2

Ikoxle owa fülom makhange dongpuix, chix a chun-nyetmix changle.

JUHAN 10:13

Chix a paole maxünüi, chemthüikoxle chix a hingchak lanlan achakkya mix changpu, idaile chunbu hanpakma chix ma hünlix müntüi.