JUHAN 1:4 - OTSAO BAIBEL (BSI)

⁴ Ija Kax a khüzün otong changkya üntoxle ija khüzüne khünaknünsa hato zangngai apüi.

JUHAN 1:4 ပူးပေါင်းရင်းမြစ်များ

JUHAN 8:12

Anaolechu Jisu-e farisibu ang thüi: “Ku a chaxwannu zangngai; ku füito azuikya khünakbu zangnak ma münaham, ikoxle hwom ma khüzün zangngai tüiüi.”

JUHAN 12:46

Ku to ongkyabu owachu zangnak to chingo angkya kuxma ku a chaxwannu zangngai ang nguipu.

JUHAN 5:26

Hopa chemle khüzün otong hex ija lailaile Hosachu wüi khüzün otong ang achangdaoa.

JUHAN 9:5

Ku chaxwannu ma ngo tanto, ku a chaxwannu zangngai changle.”

JUHAN 11:25

Jisu-e she ang thüi: “Chatle zokya tamchu khüzün ku changle; ku to ongkyabu zi koxlechu ozün ma ngoüi.

1 JUHAN 5:11

Hakhi a ija: Zange kem ang oshuk chitüikya khüzün fadaoa, üntoxle ija khüzün lainui otong a Hosa changle.

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

JUHAN 12:35

Ikoxle Jisu-e hwom ang thüi: “Zangngai a noxta bama hünzom füi ngoüi. Zangnaknue chilop angkya kuxma, hünzom füi zangngai tüi pongma ahamlax; zangnak to ahamkya mixe, chix le ngokya lom müntsing.

EFISIA 5:14

chemthüikoxle oja tsaotha le angaipuix, ija zangngai ang achangle. Idaile ile akaxkya tüile, “Jiple ngokya mix, zolax; üntoxle zi ngoünkya zolax, üntoxle Khrista-e nang to nyanüi.”

MATHI 4:16

omang zangkhunge khungle thomkya, chaxwan to ngokyabu hato, zangngaie nyan angkya changle!”

KOLOSI 3:4

Hünzom khüzün tsün otsingtsing a Khrista changle ilaxle otue chix ngaiüihex, izuma hünzom chuwüi chix füi tomle ngaiüi ilaxle chix fuazangkya süntswon ma womüi.

ISAIA 42:16

“Kue ku khünak miksutbu lom azuiüi hwom a lomnu makhange otuechu ma-aham. Kue hwom zangnak ang zangngai ang achangüi ilaxle hwom tunthoma tsoxtsütkya lomnu ajitjuile zingüi. Ibu a ku kaxtsaobu changpu, ilaxle ibu otuechu chichang homle le ang müntom.

WANGSHEMBU MWOT 26:23

Ija a: Jehudi nok hia mixnok pangnu hato khosünkya zangngai apuk ang Messaiah e sikngün apong angkya wüi ilaxle azangle zokya khama chix owangpa ang achang angkya changle.”

KAXHO MÜIKYA LUK 2:32

Mixnokbu hato nang mongtex ngai angkya, zang-ngai üntoxle nang khünaknu, Israel hato fuazang apüi angkya bama.”

1 JUHAN 1:2

Otue ija khüzün ngün ang tsuak le chang, kwome ija ngünpu; idaile kwome ija bama akaxpu üntoxle Hopa füi tomle tüikya oshuk chitüikya khüzün oja kwom ang awan ang tompuix ija mo kwome hünzom hama wünpu.

JUHAN 5:21

Chemthüikoxle chemle Hopae zidaokyabu chatle zo ang tom le hwom ang khüzün hoxpuix, ija ningle chix mongtsukyabu ang Hosaechu khüzün koxtsuak angkya changle.

MIKNGÜN-OHÜN 22:16

“Jisu, kue hünzom ang ibu tsingang tom angkya hanpakma kaxtaimix apaodaoa. Ku a Dawid sixli tokhange hüikya changle; ku a tüle nyankya swomsa lyettsi changle.”

MÜNCHUAK-TSAI 84:11

Chingchajaja hia achuak-achenkya füi kem to mohimankya Jowanpa a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

MALAKI 4:2

Ikoxlechu ku kax ma laxle tüikyabu hanpakma, zanghan dongkya ningle hünzom hato ku khosün dongüi ilaxle zanghan chasa lailaile kakmüi-lakcha ang tomüi. Hünzom a maihu kun kha angkya alaile dankya maihusa lailaile changüi.

1 KORIN 15:45

Chemthüikoxle Otsao Lai-e thüile: “Pongwang angkya Adam a ozün ma ngokya tuita ang zingle alai; ikoxle oshuk angkya Adam a khüzün koxkya chasa tsün tuita ang changle”.

MIKNGÜN-OHÜN 22:1

Zang hia Chun Hosa chongwang tüntong makhange lailaxle tingnu angkya tingjang lomnu osungwa ma jenle jukya, kristel lailaile tüle ajik-ajep le tüikya,

MÜNCHUAK-TSAI 49:6

ochax khünakbue hwom ma tüinangkya to mongongle ilaxle hwom tuina bama tsaichong-kaxbongle.

JUHAN 3:19

Ilaxle kaxfün a ija changle: Zangngai chaxwannu to hüidaoa, ikoxle khünake zangngai füi zangnak towüi sükün, chemthüikoxle hwom mwotbu a ochax chang.

1 JUHAN 1:1

Owang tokhange wüi tüikya khüzün kax bama kwome hünzom hato zale ngo. Kwome ija atatpu, üntoxle kwome ija kwom mik füi ngünpu; changle, kwome ija ngündaoa, üntoxle kwom chak füi Ija to twondaoa.