JUHAN 1:16 - OTSAO BAIBEL (BSI)

¹⁶ Chemthüikoxle okhonguile tüikya chix chingcha kha angkya, tuita füima tuita le chixe kem to mohimanle.

JUHAN 1:16 ပူးပေါင်းရင်းမြစ်များ

KOLOSI 1:19

Chemthüikoxle Hosa ma Zang jaopo komkaile tüi angkya a Zange chix mongto wünle tsuak daokya tuita changle.

ROM NOK HATO ZAKYA POL LAIZA 5:2

Keme Jisu Khrista to mongonkya tokhange, oja Zang chingcha athax keme koplaxle ngopuix, ija hato chixe kem ahüile. Idaile Zang fuazangkya süntswon angkya to monghom laxle kem ang mong huanuma müipu!

EFISIA 3:19

Changle, ija a otuechu bakle tsing ang tho angkya oli münchang ilaxle Zang ma atüitüi komle awangle tüi ang kopüi le münchang; ikoxlechu hünzome chix mongkün tsingle naxlax kox ang.

EFISIA 1:23

Müimüithom a Khrista tompo, thüikoxle chix matix tsuakkya changle, owae pangnu li nok khato wüi tsuak laxpuix.

ROM NOK HATO ZAKYA POL LAIZA 5:17

Khünak tuita ochax makhange, chix khokho ma hexle zikyae apün ang sütkya otsingtsing changle. Ikoxle mixhuak tuita, Khrista-e mokkya otok to otukux chongkya laipuix! Okhonguikya Zang chingcha ilaxle amuale fakya chix otsao hingho opange kop laxpuix, hwome Khrista ma tsakzong le ozün ma ngo ang kopüi.

JUHAN 3:34

Owa Zange tsanle apaopuix, chixe Zang kaxbu akaxle, chemthüikoxle Zange chix ma ma Chasa okho anguile fale.

1 PITAR 1:2

Jisu Khrista kax ma laxle tamchu chix aji makhange atsaole ngo angkya hanpakma Hopa Zang mongtex makhange zünle kopkya tamchu chix Chasa makhange otsao khünakbu ang zingle tüikya a hünzom changle. Chingcha hia mongsom okhongui le hünzom kux ang naxchang.

MATHI 13:12

Chemthüikoxle aluile tüikya mix ang koxüi ikoxle chix ang huanuma tüiüi; ikoxle chemchu chitüikya mix angkya a atüitüisa ngaxchu komle pao angkya changle.

KOLOSI 2:3

Khomle thomkya tuina oja Zang hwon-je üntoxle tsingwankya hex, ibu pangnu ka dap angkya kapatja a chix changle.

ROM NOK HATO ZAKYA POL LAIZA 8:9

Ikoxle otsing tomtata ma Zang Chasa nang ma jangngo thüiba, nang ma müi-hi-aji kax ma laxle münngoüi; ikoxle chasae chemle akaxpuix ija kax ma laxle nang ngoüi.

KAXHO MÜIKYA LUK 21:15

Chemthüikoxle hünzom zanbu owaechu hünzom füi apan ang chitho angkya hia lan ang chitsuak angkya kax üntoxle je-hwon kue hünzom ang koxüi.

MATHI 3:14

Ikoxle Juhan-e abaxle chix ang thüi: “Ku ang mix nang chak makhange bapti koxse tsyento, ku ha mix to nang bapti lax ang nguile hi?”

MATHI 3:11

Mongchatkya ahole kue hünzom ti ma bapti le fapu. Ikoxle ku füima nguile ngokya mix a ku füi ngaxchu süthak; ku a chix chisox kop mix ang achang ang ngaxchu chiasukya mix; chixe hünzom ang Otsao Chasa ma hia wün ma baptile faüi.

ZEKARIA 4:7

Ipong chongkya haxnu ningkya lombax-saibangkyabu nang tuntho angkya paole samüi. Nange Zangshwom-Hom azünle zaiüi. Nange akiakya long onui ma danle tsuakkya füi tomle khünaknue, ‘Müihule, müihule, le akhongüi!’”

1 PITAR 1:11

Ija otue tamchu chemle nguiüi hex le hanpak zanghan awan ang hwom tüle azong. Hwom ma tüikya Khrista chasae hwom hato küithole hile apua ngokya a: Khrista-e tületüle sikngün apong angkya ikoxchu ifüima tületüle fuazangle lai angkya hanpak changkya.

ROM NOK HATO ZAKYA POL LAIZA 5:20

Thaikya mwot atsat ang wanlom zingpu; ikoxlechu ojongto ochax lwonle hüi, ifüi sütsexle Zang chingcha tsa le hüi.

MÜNCHUAK-TSAI 84:7

Hwom paole ngopongma sisile tsak-zong tüile chang; hwome Zaion ma baozangbu thak angkya Zang ngün ang kopüi.