JUHAN 1:12 - OTSAO BAIBEL (BSI)

¹² Bachutix züizüie chix pongle koplaxle chix to ong; ija khoma chixe hwom ang Zangsu Zangsabu ang achang angkya tsakzong kox.

JUHAN 1:12 ပူးပေါင်းရင်းမြစ်များ

GALATIA 3:26

Khrista füikya notom ma hünzom Zang susabu ang achangkya a mongong makhange changle.

ROM NOK HATO ZAKYA POL LAIZA 8:14

Opang Zang Chasae zunle tüilaxpuix hwom a Zang susabu changle.

1 JUHAN 3:1

Hopae kem to otukux mongkün puix hulax! Kem ang Zangsu Zangsabu le nyakkya kople chix mongkün chongkya tüile; üntoxle otsing tomtata ma kem a chixsu chixsabu changle. Ikhoma chaxwannue kem owahex münawan; chemthüikoxle chaxwannue Zang owahex chitsing.

GALATIA 4:6

Nang a sasün changle le aho ang, Chasa owae “Apa, Ku Apa”, le akhongpuix, ija chix Hosa chasa Zange kem mongto ngui ang kox.

JUHAN 3:18

“Hosa to ongkya mix ang kaxfün müntüi; ikoxle chix to chiongkya mix bama kaxfün fadaoa; chemthüikoxle chixe Zang Hosa tuita wüi tüikya to chiong.

KOLOSI 2:6

Hünzome Khrista Jisu pongle kopdaokya daile, chix füi notomle ngolax.

MATHI 10:40

“Owae hünzom pongle koppuix, chixe ku pongle koppu; üntoxle owae ku pongle koppuix, chixe ku tsanle ajokya mix pongle koppu.

ISAIA 56:5

hünzom ang su-sa chitüile changkoxchu hünzom münbu a ku Zangshwom-Hom ma münalak. Hünzom a otuechu alakle münasam.”

JUHAN 20:31

Ikoxchu Jisu a Khrista, Zang Hosa changpu le hünzome ong angkya hanpakma, tamchu ong laxle chix mün ma hünzome tsün khüzün atak angkya kuxma, ija kax zapu.

HOSIA 1:10

Israel khünaknu a tinu angkya fix büta tsaüi; ibu a e ang tamchu thüt ang chithole changüi. Athax Zang-e hwom füi akax: “Hünzom a ku khünakbu münchang”, Ikoxlechu chixe hwom füi: “Hünzom a ozün ma tüikya Zang su-sabu changpu!”, le akax angkya hanpak hüile ngole.

2 PITAR 1:4

Ibu tokhange kem Zang jaopo ma wom angkya üntoxlechu ochax tutex khoma laikya chaxwannu tuma wanshix tokya azangle tsuak angkya bama, chixe kem ang tsaodaokya achongkya tamchu thalix hinghobu kem ang fadaoa.

MATHI 12:21

ilaxle khünaknu noke wüi, chix ma hwom mongong thomüi.”

1 JUHAN 3:23

Kem ang fakya Khrista kaxtom ningle, chix Hosa Jisu Khrista to mongong tüi angkya tamchu tata to mong akün angkya a chixe kem ang fakya kaxtombu changle.

JEREMIA 3:19

Jowanpae thüi: “Israel, kue nang kusa ang pongle kopse tsupu ilaxle nang a mongtex ma nguikya haxtok koxse tsupu, chaxwan tok ma osün sümüikya haxtok a. Hünzome ku ang apale namnyakbae texpu ilaxle ku hato tamchatle tok chiahole changbae le thütpu.

WANGSHEMBU MWOT 3:16

Ija mixsün ang aham angkya zong a chix mün ma koxkya changle. Hünzome chem ngün üntoxle chem awanlaxpuix, ija a chix mün to ongkya makhange tsuakkya changle; hünzom pangnu thüntho ma chix ile amüi ang tomkya Jisu to mongongkya makhange changle.

JUHAN 11:52

Tamchu hwom tata bama le chichangle, chiakle tüikya Zangsu Zangsabu afox-azoxle tuita ang achang angkya kuxmale, Zange chix ile fyetle angao.

JUHAN 1:7

khünaknu hato zangngai bama apua ang tsanle apao. Pangnusae atat tamchu ong angkya kuxma chix hwom hato ngui.

MATHI 18:5

Ilaxle ku mün ma iningkya naosa tuita owae pongle kopüi hex, ija a ku pongle kopkya changpu.

JUHAN 2:23

Kaitox Pangpwon tuke Jisu Jerusalem to ngui pongma chixe mokkya ohünotün mwotbu ngünlaxle khünaknue chix to mongong.

JUHAN 1:11

Chix a ma khünaknu hato hüi, ikoxlechu ma khünaknue chix pongle chikop.

ROM NOK HATO ZAKYA POL LAIZA 8:16

Kem Zangsu Zangsabu le aho ang kem chasa füi Zang Chasa, chix jao athutle.

ROM NOK HATO ZAKYA POL LAIZA 8:19

Zang chakzing pangnue wüi Zange Hosa angaile ahokya ngün ang mong ma sungle tanle ngole.

1 JUHAN 3:2

Ku mongkün tüinaohom, athax kem a Zangsu Zangsabu changle, ikoxlechu kem chem ang achangüihex ija pak müntik. Ikoxlechu Khrista nguikya zuma, kem chix lailaile achangüi, chemthüikoxle chix chemle tüipuix ija tsaotha le keme ngün ang kopüi, ija keme awanpu.

1 JUHAN 3:10

Zangsu Zangsabu hia baosu baosabu malili changle le tsaotha le ahokya a ija changle: Owae sukya mwot chimok tamchu ma tüi-hi-nao to mongkünle chitüi laxpuix chix a Zang susa münchang.

2 SAMUEL 7:24

Nange Israel nok a othuithuima nang khünaknu ang zing, ilaxle Jowanpa, nang a hwom Zang ang achang.