JUHAN 1:1 - OTSAO BAIBEL (BSI)

¹ Chaxwannu zingüi thoto wüi, Kax tüikya; Chix Zang füi ngokya, ilaxle chix Zang füi tuita changkya.

JUHAN 1:1 ပူးပေါင်းရင်းမြစ်များ

PONGWANG LAIPEX 1:1

Chemtue Zang-e ding-hi-hax zingle alaipuix,

JUHAN 17:5

Ikoxle athax a, O Apa, chaxwannu mazing tanto wüi, nang füi tomle ngo tanto ku ma oja fuazang tüikya hex, ija fuazange, ku nang füi womle tüipongma fuazang ang tomhüi.

MIKNGÜN-OHÜN 19:13

Chixe ajie awang le tüikya nyi awun. Chix mün a “Zang Kax.”

KOLOSI 1:17

Pangnuli thoto wüi Khrista tüikya, üntoxle chix füi notom laxle pangnu li ang ma chifün tüi.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

MIKNGÜN-OHÜN 22:13

Ku a Alfa üntoxle Omega, owang tamchu oshuk changle.”

JUHAN 1:2

Pongwang tokhange wüi kax a zang füi ngokya.

MIKNGÜN-OHÜN 1:8

Owa athax tüipuix, tüikyahex, üntoxle tüi angkya hex, ija Jowanpa Khüthak Zange thüi: “Ku a Alfa tamchu Omega” thüikoxle Owang tamchu oshuk.

FILIPI 2:6

Jento chix ma Zang jaopo tüikya, ikoxlechu Zang füi tomwüi ang, achang angkya changle le, chix mongto zongma laxle, otuechu chithüt.

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

MATHI 1:23

Otsao Lai Kax a: “Hulax, naocha tuita ma nao tüiüi, ilaxle lükasa tuita puxüi; IMANUEL”, le chix ang nyaküi. (Zang kem khama tüile).

MIKNGÜN-OHÜN 21:6

Üntoxle chixe thüi: “Ija tsuakdaoa! Ku a Alfa üntoxle Omega, owang tamchu oshuk changle. Tütapu wüi changlax, ti alankya mix ang omün chifango homle khüzün ti fuaknui angkya ti ling ang kue koxüi.

IBRI 13:8

Jisu Khrista a münyix, anyix üntoxle othuithuima otyatya.

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”

JUHAN 16:28

Ku a Apa tokhange hüipu ilaxle chaxwannu to nguipu; ikoxle athax a kue chaxwannu dantoxüi ilaxle Apa hato paoüi.”

MIKNGÜN-OHÜN 1:17

Otue kue chix ngünpuix, ipongma ku omang ningle chix chitong ma nguak. Chixe ku to chix tsaxchi chak füi twon ilaxle thüi: “Taxza! Ku a Alfa hia Omega changle.

JUHAN 20:28

Thoma-e lanle chix ang thüi: “Ku Jowanpa tamchu Ku Zang.”

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.

IBRI 7:3

Melkizedek ang hopa chichangba honu chichangba chix putong owawa mo wünle bangkya kha müntüi; chix puxkya tamchu zikya mo wünkya khachu müntüi; chix a tuita Zang Hosa lailaile; chix oshuk chitüi le nguakho ang ngo.

MIKNGÜN-OHÜN 3:14

“Laodekia ma tüikya müimüithom angkya kaxtaimix hato zalax: “Ija kaxho a Zange zingkya pangnu li owang wangnui, mongong ma onyem üntoxle otsingtsing kaxkhi oja Amen hex, chix tokhange changle.

EFISIA 3:9

ilaxle Zange chix huxsa mwottho chemle changle mokle ahoüihex, khünaknu pangnu hama ija aho ang tom. Zang, owa pangnu zingkya hopupa hex, chixe ma huxsa mwottho thochi tsüntsün ma pyenle thom;

MIKNGÜN-OHÜN 1:2

ilaxle chixe ngünkya pangwüi Juhan hama wünle kox. Zang tokhange kopkya kaxho hia Khrista-e angaile fakya otsingtsing bama ija a chix kaxkhi changle.

1 JUHAN 5:7

Ikhama kaxkhi azom tüile:

ROM NOK HATO ZAKYA POL LAIZA 9:5

hwom a putong makhange hüikyabu changle, ilaxle khünak tuita ningle Khrista chuwüi hwom züjen angkya changle. Pangnu thakma apün-awangkya Zang jento achuakkox! Amen.

JUHAN 1:18

Owaechu Zang ongaichu mangün tox; ikoxle Hopa hama chix füi tomwüi ngokya, tuita wüi tüikya Hosa etix chix apuale fapu.

MÜNCHUAK-TSAI 45:6

Zang-e nang ang fakya wangting oshuk chitüile ngoüi. Nange nang khünaknu thakma sule apün;

MIKNGÜN-OHÜN 2:8

“Smarna ma tüikya müimüithom kaxtaimix hato zalax: “Ija kaxho a, owa Alfa hia Omega changpuix, owa zi üntoxle ozün ma tüipuix, chix tokhange hüikya changle.

2 PITAR 1:1

Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

MIKNGÜN-OHÜN 1:11

Ijae akax: “Nange chem ngünpuix, ija zalax, ilaxle ija laipex tingsho anüt angkya müimüithombu hato apaokox, ibua: Efisia, Smarna, Pargama, Thaitira, Sardia, Filadelfia, üntoxle Laodekia ibibi.”

KAXHO MÜIKYA LUK 24:53

Ilaxle hwome hanpakbu Zang mün achuakle Zangshwom-Hom ma alyet.

JUHAN 8:58

Jisu-e hwom ang thüi: “Otsingtsingma kue hünzom ang thüipu, Abraham mapuxba wüi ku tüikya.”

KOLOSI 1:15

Khrista a mike ngünkya tuita mike chingünkya Zang ocha changpu. Chix a pongwang ole puxkya nao, chakzing pangnu thakma akhokya changpu.