JONA 4:8 - OTSAO BAIBEL (BSI)

⁸ Zanghan dongle changkya füi Zang-e handünchi zangwin okham ahüi, ilaxle ija zanghane chix khang ma chietkya ningle huakkya khoma Jona a zaktho-lehale max. Ikhoma chixe chix zikoxwüi müisele sung. Chixe thüi: “Ku ozün ma ngokya füi zikya wüi sümüi.”

JONA 4:8 ပူးပေါင်းရင်းမြစ်များ

JONA 4:3

Athaxpi, O Jowanpa, ku zi ang tomfa. Ku zongto ozün ma ngokya füi zikya wüi sümüi.”

EZEKEL 19:12

Ikoxle mongtsik chak füi ija otsing makhange file lax ilaxle ija a haxkha to tswonle awüt. Handünchi zangwine ija oziak to jeple azan. Ija pünkangbu apakle akhai; hwome ija azan ilaxle zokle ashun.

MÜNCHUAK-TSAI 121:6

Anyixningle zanghane nang to sik-mün-angün, zangnak ma lyetnue nang to chem münthüi.

MIKNGÜN-OHÜN 7:16

Hwom ang tamchatle wok münano, chichangba ti münalan; zanghanechu chichangba okham chemechu, hwom to münhuaküi,

MIKNGÜN-OHÜN 3:19

Kue akünkün pangto wüi kue sapu üntoxle sikangünpu. Idaile nang mongtsulax üntoxle ochaxbu tokya mong chatlax.

ISAIA 49:10

Hwom a wokno-tilanle müntüiüi. Zanghan hia sak-haxe huakkyae hwom to mak münkoxüi, chemthüikoxle hwom a hwom to mongkünkyabue azuiüi. Chixe hwom a ti fuakle jen ngokya shuasa hato paoüi.

JONA 1:17

Jowanpa kaxtom ma Jona a nyax chongkya tuitae jok, ilaxle chix a nyax wok khato nyix azom ja azom ngole hüi.

JONA 1:4

Ikoxlechu tinu khato Jowanpae chongkya zangchei ahüi. Ija zangcheie thukya khoma khua a akhixle pao angkya thama ma tüingo.

TSAITAX-NGAONÜI 1:6

Ku tsawan nakündaile wünhaile taxhu, ija a zanghan-huak to tsangtsa khwon nakwüi. Kutüi kunao hwom a ku füi mongtsik ilaxle ku ang grep haxtok ma manzai ang tom. Ku a ma tsawan mo wün ang chakba tamchitüi.

MÜNCHUAK-TSAI 39:9

Ku dangle ngoüi, kue kaxfa tuita münzex, chemthüikoxle iningle ku sikngün ang tomkya a nang changle.

JOB LAIPEX 2:10

Job-e lan: “Nange ongat kax akax ngole! Chemtue Zang-e müikya oli kem ang koxpuix, keme pongle koptüi; Jangchangthüiba chixe kem hato sikngün ahüikya zuma a keme chix ang omale büthüikoxle thüiüi?” Chixe ibibile sikngün apongle hüikoxngaxchu Job-e Zang zongto oma chemchu chiakax.

1 SAMUEL 3:18

Ikhoma Samuel-e chix hama pangwüi wünle kox; chiwün homle chemchu chitox. Eli-e thüi: “Chix a Jowanpa changpu; chix zongto chem müipuix ija chixe chimok homle chitoxüi.”

LIWI 10:3

Ifüima Mosa-e Arun ang thüi: “Jowanpae akaxkya kax a ija changle: Ku thothale changkya pangnusae wüi ku otsao chathua zale tüi angkya oli; kue ku khünaknu hato ku fuazangkya ngaile ahoüi.” Ikoxle Arun a kaxsix chidünle ngo.

MATHI 20:12

Hwome thüi: ‘Ija akiale kakyabue khonta tuita wüi mokpu; ikoxle kwom zanghan huak khato nyixtungtale mokpu, ikoxle nange kwom angchu hwom ang koxkya pong wüi koxle hi?’

1 WANGHOMBU 19:4

Chix dapa ima toxlaxle Elija a nyixta tungle faonu mongto ahamle pao. Chix a pünnu tuita zangkhung ma nazakle thung ilaxle chix a namzibaele thüt. Chixe zangjople thüi: “Ija sikngün mongthang a huanu changle. Ku tsün paofa. Ku a zikox wüi müiüi.”

HOSIA 13:15

Israel khünakbu a hingzangbu lailaile tüle zaxzangle tüikoxchu, Kue sak-hax tokhange zangwin okham ahüiüi, ilaxle ibue hwom tümik hia tüküibu azopüi. Thanu-juapa pangwüi ijae tsui paoüi.

JONA 4:9

Ikoxlechu Zang-e chix ang thüi: “Ija pün bama nang ang mongtsik angkya nange sukya mwot chem mokdaopu?” Jona-e lan: “Ku ang mongtsik angkya olom tüile: zikya kople mongtsik angkya a!”

PONGWANG LAIPEX 41:6

Ifüima mama shushuta le tsaxto anüt dong üntoxle ija a sak-hax winjepe huisho le zokle ashunle tüikya.

1 WANGHOMBU 21:4

Naboth-e chix kax to lankya kaxlan khoma mongtsik, ikhoma mongmale Ahap a hom to chat. Chixe katuk chito thüne hule ile lyading ma süt chisaxle jiple ngo.

JOB LAIPEX 7:15

miksho ma ale ang tamchu wünmang ma ku hato hüi ang tomle.

HWON-NWOT-JAONO 7:9

Nang mongtsik akumathum thomlax; mongtsik ang nui-ting koxkya a ongat.