JONA 3:4 - OTSAO BAIBEL (BSI)

⁴ Jona ija tingnu akaile le ang süt, ilaxle nyixta tungta le ahamle chang füima, chixe khuapu: “Nyix punyi mong ma Ninewi a amütüi!”

JONA 3:4 ပူးပေါင်းရင်းမြစ်များ

TSAITONG-KAXTONG 18:22

Ajepae Jowanpa mün ma akax ikoxle ija kax changle ngaikya chitüi thüiningle ija zangwün a Jowanpa tokhange hüikya kaxho münchang. Ija a ajepae chix mong tokya alaile wünkya zangwün changle, iningkya mix thua hünzom zale ngo angkya oli jao münchang.

JONA 3:10

Hwome chem mokpuix ija Zang-e ngünle lax; hwome chichangchizangle tüikya hwom zanglombu dantoxkya Zang-e ngün. Zang-e chix mong alüix ilaxle chixe chem moküihex-ole akax daopuix, ija chimok.

2 WANGHOMBU 20:6

Kue nang chatle zanglao 15 ngo ang tomüi. Asiria nok chongwangpa chak tokya nang tamchu nang tingsho kue sünüi. Kue ija tingnu kho awaüi. Ija a kue ku mün hanpakma tamchu ku dapa Dawid füikya ku kaxtsao thom angkya hanpakma kue ile moküi.”

2 WANGHOMBU 20:1

Ipongma wanghompa Hezekiah tüle kakle ziüi khakha tüikya. Amoz sasün ajepa Isaia chix wai ang nguilaxle thüi: “Nange pangnu jali khuakhomle tsuak angkya bama Jowanpae nang füi akaxle, chemthüikoxle nang a tamchatle kakmüi toxüile münchang, zik hanpakma achwonlax.”

MATHI 12:41

Kaxfünkya nyix Ninewi noke hünzom ma kaxfele ija tsünthom ajaoüi; chemthüikoxle Juna-e hwon-ano koxle hwom ang mong alüix; ikoxle hulax, Juna füi süchongkya tuita ikhama tüile.

KAXHO MÜIKYA LUK 11:30

Ninewi nok hanpakma Juna büle münwan achongkya hex, ija ningle anyix ngainyixkya khünakbu hanpakma Khünak Hosachu münwan chongkya changüi.

KAXHO MÜIKYA LUK 11:32

Kaxfünkya nyix Ninewi nok ajong laxle athaxpongkya tsünthom ajaoüi; chemthüikoxle Juna-e hwon anokya khoma hwom mong alex; ikoxle hulax, Juna füi ngaxchu süchongkya ikhama tüile!

ISAIA 30:18

Ikoxlechu Jowanpa a hünzom hato chingcha aho ang tanle ngonuiüi. Chix a hünzom to chingcha ang jento achwon ngole chemthüikoxle chixe othuithuima sukya mokpu. Opange Jowanpa to mongong thomtsuak puix hwom a mongmüi khünakbu changle.

JEREMIA 42:10

‘Hünzom ang ija haxtok ngole hüi angkya to mongtsukya jangtüi, kue hünzom zingle ajongüi ilaxle pünle münatsunüi; kue hünzom küi-thwomle changüi ilaxle file münawütüi. Kue hünzom hato ahüikya thama khoma ku ang huanuma mongma ang tomle.