JONA 3:10 - OTSAO BAIBEL (BSI)

¹⁰ Hwome chem mokpuix ija Zang-e ngünle lax; hwome chichangchizangle tüikya hwom zanglombu dantoxkya Zang-e ngün. Zang-e chix mong alüix ilaxle chixe chem moküihex-ole akax daopuix, ija chimok.

JONA 3:10 ပူးပေါင်းရင်းမြစ်များ

JEREMIA 18:8

ikoxle hwom chichangchizang mwot dantoxlaxle ija jat-li mongchatle jangchangba, kue chem moksepa hex ija münmok.

KAXHO MÜIKYA LUK 15:20

Idaile chix ajong ilaxle hopa hato chat ang achex, “Chix ochu to tüiponge wüi hopae chix ngünle lax; chix mong ma chingchae awang, üntoxle ziklaxle chixe chak füi thuile sasün to kün, ilaxle chix füi tun apong.

AMOS 7:6

Jowanpae chix mong alüix ilaxle thüi: “Ija chuwüi changle ngai ang müntom.”

KAXHO MÜIKYA LUK 11:32

Kaxfünkya nyix Ninewi nok ajong laxle athaxpongkya tsünthom ajaoüi; chemthüikoxle Juna-e hwon anokya khoma hwom mong alex; ikoxle hulax, Juna füi ngaxchu süchongkya ikhama tüile!

LAIPAO 32:14

Ikhoma Jowanpae chix mong alüix ilaxle chixe hwom ang koxüihex-ole azakya thama hwom hato hüi ang chitom.

AMOS 7:3

Jowanpachix mong alüix ilaxle thüi: “Nange chem ngünpuix ija a chang ang müntom.”

JOEL 2:13

Nang mongtsik-mongma a nang mong ashixkya ma aholax; nang nyi-za akyetkya ija a chemchu münchang.” Jowanpa, hünzom Zang hato chatlax. Chix a chingcha hia jajae awangle tüikya Zang changle; chixe okuilole adule ilaxle chix tsaotsüt otia ma thomle; sik-chiangün homtoxle thaikya alak angkya hanpakma chix a jento achwon ngole.

JONA 4:2

Ikhoma chixe zangjop: “Jowanpa, kue hom makhange achexüima wüi, nange ilüwüi mok angkya changpule münthüidai hia? Ikhoma kue tsuakkya tukuxle Spain nok to paole azang ang azongpu! Nang a jento adukya, chingchakya, ilaxle sikngün ang chitomle mong alopkya tamchu mongkün chingchae awangle tüikya mix changpule kue awan ngopu.

1 PUKAX-PANGAO 21:15

Ifüima chixe Jerusalem ama angkya hanpakma chix kaxtaimix ajo, ikoxlechu chixe chix mong alüix ilaxle kaxtaimix ang thüi: “Zakün! Ibibi wüi nguidaoa!” Kaxtaimix a, Jebu nok tsaxnak nui hama ajongle tüikya.

ISAIA 30:18

Ikoxlechu Jowanpa a hünzom hato chingcha aho ang tanle ngonuiüi. Chix a hünzom to chingcha ang jento achwon ngole chemthüikoxle chixe othuithuima sukya mokpu. Opange Jowanpa to mongong thomtsuak puix hwom a mongmüi khünakbu changle.

JEREMIA 36:3

Owatsing chemtue Judah khünaknue, kue hwom hato ahüi angkya thama-thomshix bama atat ang kopkya zuma, hwom ang mongchat laxle chichang-chizangkya lomtang pangwüi danle tox lechu changtüilax.”

JEREMIA 42:10

‘Hünzom ang ija haxtok ngole hüi angkya to mongtsukya jangtüi, kue hünzom zingle ajongüi ilaxle pünle münatsunüi; kue hünzom küi-thwomle changüi ilaxle file münawütüi. Kue hünzom hato ahüikya thama khoma ku ang huanuma mongma ang tomle.

JONA 4:11

Jangchang thüiningle, ija chongkya tingnu, Ninewi nok to kue itokaile chingcha angkya olom tüile. Chemthüikoxle ikhama chemmün chitikkya naosom 120, 000 tamchu müibu tüihule!”

WANWÜNKAX 28:13

Nange ma ochaxbu pyenle jangthom, nange tsün ma tho-lünkya münngüntoxüi.

JEREMIA 18:7

Tütatuechu changlax, kue fuaküi, thuple akhixüi, chichangba tüta jat-li chichangba wangting kue amale awütüile kue jangthüiba,