JONA 2:6 - OTSAO BAIBEL (BSI)

⁶ Ku a haxnubu tsingjukya khato jao jupu, otuechu pan ka chidaple hakle thomkya chaxwan to a. Ikoxlechu, O Jowanpa ku Zang, jithong tokya ku ozün ma achatfa.

JONA 2:6 ပူးပေါင်းရင်းမြစ်များ

MÜNCHUAK-TSAI 30:3

nange ku zuk-kha chak tokya kople thompu. Ku a amakao süzukya khato leüi khakha changkya, ikoxle nange ku khüzün tamchatle achat.

MÜNCHUAK-TSAI 16:10

chemthüikoxle zikmüt-mangkho pangnu tsak-zong chak tokya nange ku sünle thompu. Mongong tüikya füi kue nang thothapu, ilaxle nange ku amalum fangto awütle chichangüi.

ISAIA 38:17

Ku mongmüt a mongsom ang achangüi. Nange ku tsün thama pangnu chak tokya khosünle kop nange ku ochax pangwüi thailakkya tüi.

HABAKUK 3:10

Chemtue haxhuabue nang ngünpuix, hwom abünle za; zangding tokhange ti thokle ajen. Chaxwan mong tokya tibu fuakle lai, ilaxle ibu tichap ding to dong.

HABAKUK 3:6

Chemtue chix zakpuix, chaxwannu aloxle; chix sün-ngün to jat-libu abünle. Oshuk chitüikya haxnubu sumle paole; otsün lole ngokya haxhuabu thomle dütle, kaitanto chix ahamkya haxhuabu a.

ISAIA 40:12

Chak ma puix laxle owawae molo tinu thüt ang tho ang cha chichangba fak tin laxle owawae zangding thüt ang tho ang cha? Wansa tuita ma owawae chaxwan tok angkya hax kople thom tho ang cha chichangba tuak ma haxnu hia haxhuabu thüt ang tho ang cha?

MÜNCHUAK-TSAI 143:7

Jowanpa, athax ku to lanhüi! Kue ku monghom pangwüi asamdaoa. Nang ku thoto khünle taxngo, chichangba ku a amalum to ledaokyabu khato ngo angkya changüi.

MÜNCHUAK-TSAI 104:8

Ibu a haxnu tok to jenle paokya haxchithongbu to jenle ju, ilaxle nange hwom hanpak ang achwonle zingle thomkya onui to ngui.

MÜNCHUAK-TSAI 104:6

Nange ija otok ma molo tinu füi tuita nyiwun lailaile chwople thom ang tom.

MÜNCHUAK-TSAI 65:6

Nang janzüi makhange nange haxnubu onui ma dan, ile ataxkya nang tsak-zong aho.

MÜNCHUAK-TSAI 55:23

Ikoxlechu, O Zang, nange ibu mix mik amüt ngokya khünakbu hia khualop mixbu a zuk-kha to apüiüi, hwome tsünto ngaxchu ma-alopba wüi a. Ku hanpakma a, kue nang towüi mongong thomüi.

MÜNCHUAK-TSAI 30:9

“Ku mik maxkya ma nang ang olüi chemtüi? Ku zuk-kha to lekya ma nang ang olüi chemtüi? Zidaokya khünakbue nang ang münchong fa tsuak ang chami? Tamchu chithwon nang müikya bama hwome apuk tho ang chami?

JOB LAIPEX 33:28

Amalum to ledaose ku chixe kople thomwüi, ilaxle athax kople ku ozün ma ngopu.”

JOB LAIPEX 33:24

Chingcha füi kaxtaimixe thüiüi: “Chix dankox! Chix a amalum fangto ju angkya münchang. Chix dan angkya bama tsang ikhama tüile.”

TSAITONG-KAXTONG 32:22

Ku mongtsik a wünle laile jao chuale dongüi ilaxle chaxwantok angkya pangwüi zokle ashunüi. Ijae ama-lum jao alople changüi ilaxle haxnubu otsing komkaile zokle ashunüi.

MATHI 16:18

Ija khoma kue nang ang thüipu: Pitar, nang a long changle ilaxle ija long tok ma kue ku müimüithom zing angkya changle. Zike ngaxchu ija to lüt ang müntho.

MÜNCHUAK-TSAI 18:5

Zikmüt-mangkho thama ku akhople tüi, üntoxle zuk-khae ija kam thale ku tsüntüi.

MÜNCHUAK-TSAI 116:3

Zikmüt-mangkho thama ku akhoplaxle tüikya; aman laxle zuk-khato amüt angkya ziama ku hato soxle tüikya; Ku a zakya hia monghike awang laxle tüikya.

ISAIA 38:10

Kue thüt ku tsünto to wüi sheol to ka ang laikya chang, chatle ku ozün ma münngotoxüi ngün.

EZEKEL 26:20

Kue nang a kaipongkya khünakbu füi tomle ngo angkya hanpakma nang a amalum pan akaile joüi. Tamchu chimüitox angkya hanpakma amale thomdaokya fangchi lwompu ting to ziünkya nok füi kue nang ngo ang tomüi. Ikhoma nang a ozün ma ngokya nok to tamchatle ating-anokle nang ngwotnui ang müntom.

EZEKEL 31:14

Ikhoma athax makhange, tüta ningle ti müile kople ngokya pün changkoxchu ija lailaile zangfwom akaile okho adünle pün tuita chu müntsongüi. Ziün angkyabu ningle hwom pangwüi maxdaoüi, ilaxle amalumchi to ngole tüikyabu füi tomle ngoüi.”

MÜNCHUAK-TSAI 69:2

Ku a tüle zukya thom ma manle tüile, hax tsakle mongkya kha müntüi; ku a zukya tinu tanti to tüile, ija tichapbue ku a khang ang tomüikhakha.