JONA 1:5 - OTSAO BAIBEL (BSI)

⁵ Ikhama tüikya khünaknu tüle abüt-aban ilaxle hwom pangnusae wüi ma zang-zang nyakle hwom khosün hüile akhong. Ifüima khua ti to maxüi ale hün acha angkya hanpakma, hwome khua angkya hün ti to tswonle awüt Ipongma, Jona a khua okha to donglaxle mikngüt müile jiple ngo.

JONA 1:5 ပူးပေါင်းရင်းမြစ်များ

1 WANGHOMBU 18:26

Hwom hato apüikya maihupong tuita hwome lax, ija tsople achwon, ilaxle tungto kople Bal to jop. Hwom tüle akhongle thüi: “Bal, kwom zangjop to lanhüi!” ilaxle hwome zingkya tö-tsap akhople azüizüithale ngo. Ikoxlechu kaxlan chemchu chitüi.

JEREMIA 2:28

“Hünzom hanpak ang zingle alaikya hünzom baozangbu omaün? Hünzom sikngün-tuitaile changpongma ibu ang azünhüile thüilax—hwome tsuak angkya oli jangchangba! Judah, hünzom ang tüile ngokya tingnu büta hünzom ang baozangbu tüihupu.

ISAIA 45:20

Jowanpae thüi: “pangnusa asox hüi, chaxwannu nok angkya khünakbu, wangting max pongma azangle tüikyabu pangwüi; hünzom a thwonle ano ang koxlax! Khünaknu opange hwom kux pün chapabu füi tüipuix opange hwom azün ang chitho angkya baozangbu to shwomle ngopuix — khünaknu opange chemchu chitik-chiwanle tüipuix!

1 SAMUEL 24:3

Chix a lomkax ma tüikya chun pom hama soxle tüikya longkun to ngui ilaxle ija omong to nazaklax angle dong. Ikhama amipongma Dawid hia chix khünakbu azwonle nuikya longkun changkya.

KAXFÜNPA-HWOM 16:19

Delilah-e Samson a she weho ma anale jip ang kox ilaxle khünak tuita se, ija mixsüne Samson khülang anüt sexle awüt. Ifüima she-e chix zothup, büthüikoxle athaxpi chix ma tsak-zong chitüi.

WANGSHEMBU MWOT 27:38

Pangnusae wüi wok afwot le fongsax füima hwome khua angkya wong tinu mongto awüt le khua acha.

MATHI 26:45

Ifüima chix wangshembu hato chat ilaxle thüi: “Athaxchu hünzom jiple wüi ngotan hia? Hulax, ochax khünaknu tsakzong chak to Khünak Hosa dan angkya hanpak nguile hüidaoa.

MATHI 26:43

Chix anaole tamchatkya thomachu hwom jiple wüi nui; hwome hwom mik zamle thom ang chitho.

MATHI 25:5

Tuipa ngui angkya tüle shen; mahüikya bama naochabu ang mikngüt hüile hwom jip.

JONA 1:16

Ija ngünlaxle khuachei mixbu ang Jowanpa chathua za angkya ahüi ilaxle hwome chix thotha angkya tsaosax.

JONA 1:14

Ikhoma hwome Jowanpa to nyakle akhong: “O Jowanpa, kwome zangjoppu, ija mixsün mik amütkya khoma kwom to sik taxangününfa! Ija mwot bama hünlit nang changpu chemthüikoxle ija a, O Jowanpa, nang mwot wüi changpu.”

JONA 1:6

Khua chei lompa-e chix ikhato atak laxle chix ang thüi: “Nang chemmok ang jiple ngopu? Zolax ilaxle nang khosün hanpakma nang Zang to joplax. Owatsing chixe kem to chingchalaxle kem azang ang tomtüilax.”

HOSIA 7:14

Hwome ku to mongkoxle chijop, itülüi hwome ma alüile tswonle adüt ilaxle songsaribu lailaile mangsop. Chemtue hwome saxziak hia grep ziak hanpakma zangjople changpuix, hwome songsaribu lailaile ma to alüile züt. Hwom ma adukya chem tüi?

JOB LAIPEX 2:4

Bao-e lanle thüi: “Ozün ma ngo angkya hanpakma khünake pangwüi dantox angkya changle.

MÜNCHUAK-TSAI 107:25

Chixe kaxtom koxkoxle, tüle zongkya zangwin awin ang süt ilaxle tinu tichap to lüixle achap.

MÜNCHUAK-TSAI 148:8

zangchangjep hia jun-long, haxnukho tokya jun hia zangfwombue, chix kax ma laxle tüikya zangwinbue.

HWON-NWOT-JAONO 3:6

Chixe atak angkya hia amüt angkya hanpak tyale thompu, sünle kop angkya hia chilaxle awüt angkya hanpak tyale thompu,