JONA 1:3 - OTSAO BAIBEL (BSI)

³ Ikoxle Jona a Jowanpa thoto azwon ang opüi chito mix paole azang ang azong. Chix a Joppa to ngui, ikhato chixe Spain nok to ka angkya khua tuita atak. Chixe otha kox ilaxle ikha angkya khünakbu füi tomle Spain to ka ang achex. Ikhato chix a Jowanpa tuntho angkya paole azangle ngotsuaküile thüt.

JONA 1:3 ပူးပေါင်းရင်းမြစ်များ

JIHUSUA 19:46

Mejarkon, üntoxle Rakkon, tamchu Joppa akhople tüikya haxtokbu womle tüikya.

PONGWANG LAIPEX 4:16

Ifüima Kain Jowanpa tuntho angkya achexle pao ilaxle “Nod”, le nyakkya haxtok, Eden zongma handün chikao haxtok to ngo.

WANGSHEMBU MWOT 9:36

Chopa ma Tabitha le amünkya mixcha tuita tüikya, she a mongong mixcha tuita changkya. (Grik kax ma she ang Dorka le amün, thüikoxle müikhi le amün). She e ma hanpak pangnu müikya mwot mok ang tamchu chitüi chinang mix to fong ang ashix.

WANGSHEMBU MWOT 9:43

Pitar Chopa ma müikhwon mwot mokkya mixsün Simon le amünkya füi tomle obibi nyix hex nui.

JONA 4:2

Ikhoma chixe zangjop: “Jowanpa, kue hom makhange achexüima wüi, nange ilüwüi mok angkya changpule münthüidai hia? Ikhoma kue tsuakkya tukuxle Spain nok to paole azang ang azongpu! Nang a jento adukya, chingchakya, ilaxle sikngün ang chitomle mong alopkya tamchu mongkün chingchae awangle tüikya mix changpule kue awan ngopu.

ISAIA 23:6

Mongmaxle wotlax, hünzom Foinesia khünakbu! Spain to paole azang ang azonglax!

ISAIA 23:1

Ija a Tair nok hanpakma kaxho tuita changle. Mongmaxle wotlax, nang khuachei mix tinu khato! Tair angkya hünzom khuazaknui a amadaoa; ikha ma tüikya hom-hax hia ija khuazaknuibu a amadaoa. Hünzom khua Saipras tokya nguikya zuma hünzome ija kaxho kopüi.

1 WANGHOMBU 19:3

Elija tüle za, ilaxle chix khangkhom ang pao. Chixe chix dapa laxlaxle Judah ang Bersheba to pao.

2 THESALONIKA 1:9

Jowanpa womle tüikya üntoxle fuazangkya chix zong füi atsailaxle, tamchu chiashuk toxkya thama ma hwome sikngün apongüi,

1 KORIN 9:16

Kaxho Müikya apuk-apuakya bama hexle ku bong-chong angkya müntüi. Chemthüikoxle ku a ile moklaxo lekya kaxtom fangma ngopu. Ilaxle Kaxho Müikya apuk-apuakya chitüi thüikoxle wüi ku a maxsaxpu!

WANGSHEMBU MWOT 26:19

“Idaile, O Wanghompa Agripa! Zang tingsho tokya mikngün ohün kaxma kue laxjao laxpu.

EZEKEL 27:12

“Nange Spain nok to thalex ilaxle tuinabu okhonguile koxlaxle khop, jan, tam, ilaxle hotu ibu apüi.

ISAIA 23:10

Hünzom Spain nok angkya khünakbu, paokox üntoxle haxwan mo-zang kox! Athaxpi nang to awa angkya mix owachu müntüi.

JOB LAIPEX 1:12

Jowanpa-e Bao ang thüi: “Ikoxle müiüi. Athax chix ma atüitüi komkaile nang tsak-zong fang ma tüile, ikoxlechu nange Job tompopo to münpo angkya changle.” Ikhoma ikha angkya Bao achexle pao.

2 PUKAX-PANGAO 2:16

Nange laxsese sedar pün kwome Lebanon haxnu ma daküi. Ibu akungle khalaxle ti ma achwotüi, ilaxle Joppa alople tinu tok to afwotle apüiüi. Imakhange nange ibu a Jerusalem to apüi ang thoüi.”

WANGSHEMBU MWOT 15:38

Ikoxle ami hwom füi tomle mok ang oshuk kople chiazui homle Pamfilia makhange hwom dantoxlaxle chatkya mix hwom füi chikop koxwüi müisele Pol-e thüt.

KAXHO MÜIKYA LUK 9:62

Jisu-e chix ang thüi: “Khünake hanbai ang sütfüima füichi to aküile hukya mix Zang Wangting hanpakma mwot münthap”.

EZEKEL 3:14

Ku hato Jowanpa tsak-zong tüle zongle hüi, ilaxle chix chasae ku tswonle paopongma ku hato mongtsik mongma hüi.

ISAIA 60:9

Ibu a tsailo nok tokya nguile ngokya khuabu changle, Zang khünakbu ibu ma nguile ngole. Hwom füi tomle ibue hun hia khopbu laxlaxle nguile Jowanpa mün achuak-achen angkya hanpakma, Israel nok otsao Zang a, Owae chaxwannu noke chix achuak angkya zingle tsuaklaxpuix.

ISAIA 2:16

Chixe akhole chongkya hia osün müikya khuabu ti to sing ang tomüi.

JOB LAIPEX 2:7

Ifüima Jowanpa ngwotnui angkya laile paolaxle Bao-e Job tsangtsa awangle mak-chak alaile kox.

1 WANGHOMBU 19:9

Ikhato chix zangnak akai ang longlua tuita to nop. AlleleJowanpae chix füi akax: “Elija, nange ito chem mokpu?”

PONGWANG LAIPEX 3:8

Hansong zangwin wuwule tüipongma tsawat khato Jowanpa ahamkya hokhie atatle lax. Okhi a chix thoto khünle ngo.

WANGSHEMBU MWOT 9:38

Chopa a Lidia makhange chemnu le chiatsai le tüikya, ilaxle otue Chopa tokya mongong mixbue Lidia to Pitar nguile tüikya kax koppuix; hwom hato chingchalaxle momle nguihüi ta le Pitar se ang mixsün anyi tsanle akat.

WANGSHEMBU MWOT 9:42

Ija zangwün Chopa nok pangnue atat üntoxle khünakbue Jowanpa to ong.

IZRA 3:7

Khünaknue long zingpa hia pün zingpa, ibu ang kox ang ngun-syenbu apüile kox, ilaxle Lebanon haxtok tokya sedar pünbu füi alüix ang, süt, grepti-ju, olip münga, ibu Tair hia Sidon tingnubu to apao. Ibu a Joppa to tilom makhange apüi angkya changkya. Ibu pangwüi Parsia nok wanghompa Sairas ma tiksho laxle mok.

MÜNCHUAK-TSAI 107:23

Züizüi a tinu mongto khua ma ahamle ngokya, Molo Tinu mongto hwom woktux ang achakle a.

JEREMIA 10:9

Hwom chapabu to a Spain tokya khop füi chwoplaxle tüile tamchu Ufaz tokya hun füi chwople tüile, chakzing mwotbu pangwüi; hwom a nyinan hia nyikhike awunlaxle tüile nyitak mankyabue takkya nyibu füi a.

JONA 1:10

Jona-e chizakle chix a Jowanpa thoto paole ngokya mix changpule wün. Ija kax atatlaxle ikha angkya khünaknu nok za, ilaxle hwome chix ang thüi: “Ipongpongkya khomtsikya mwot ija nange chimok fang jao mokpu!”

2 PUKAX-PANGAO 2:15

Idaile athaxpi hwom hato wonglai tsax hia tsaxsa tula, grepti-ju, olip münga, chempang nange akat ang atha-achwonle tüipuix, ibu pangwüi akatkox.

2 PUKAX-PANGAO 9:21

Chix ang Hiram khua füi tomle aham ang tinu mongto aham angkya khua tüikya. Chix khua a zanglao azom obaba ma hun, khop, luakzong, müinak hia müisabu koplaxle chatle aham.

EZEKEL 2:8

“Ziün angkya khünak, kue nang füi chem akaxpuix ija to apalax. Ibu khünakbu lailaile alün-aloxle taxtüi. Kue nang ang chem kox angkya tüipuix ija nange nang wikha akalaxle saxlax.”