JONA 1:16 - OTSAO BAIBEL (BSI)

¹⁶ Ija ngünlaxle khuachei mixbu ang Jowanpa chathua za angkya ahüi ilaxle hwome chix thotha angkya tsaosax.

JONA 1:16 ပူးပေါင်းရင်းမြစ်များ

MÜNCHUAK-TSAI 107:22

Töbu koxkya füi hwome chix ang münchong fa angkya wüi, ilaxle mongmüi tsaibu füi chixe hwom hanpakma mokdaokyabu mo wün angkya wüi changle.

MÜNCHUAK-TSAI 50:14

Nang ang münchong fakya a Zang tökya ang naxchang kox, üntoxle nange tsaosaxdaokya oli pangwüi Khüthak Zang ang laxkox.

PONGWANG LAIPEX 8:20

Ifüima Noa-e Jowanpa ang tötsap tuita tan ilaxle zanglom zom ma tsaokya müi hia o-juxbu kha angkya kop ilaxle ibu tötsap ding ma zokle ashunle tö kox.

WANGSHEMBU MWOT 5:11

Müimüithom pangnu ilaxle mamabuechu wüi, opange ija zing atat laxpuix huanuma zale khomtsi.

MARK 4:31

Ija a ile changle, khünak tuitae chaxwan ma ahixkya pünziak tuita suili tsang kop ilaxle chixe ija haxtok ma küi.

JONA 1:10

Jona-e chizakle chix a Jowanpa thoto paole ngokya mix changpule wün. Ija kax atatlaxle ikha angkya khünaknu nok za, ilaxle hwome chix ang thüi: “Ipongpongkya khomtsikya mwot ija nange chimok fang jao mokpu!”

DANEL 6:26

Ku wangting angkya khünak noknusae Danel-e shwomkya Zang chathua zale chang angkya kaxtom koxpu. “Chix a ozün ma tüikya Zang changle, ilaxle chixe jento apün-awangle ngo angkya changle. Chix wangting a chemtuechu münamütüi, ilaxle chix tsak-zong ma oshuk müntüitoxüi.

ISAIA 26:9

Mong makhange zongbakle zangnak ma kue nang sung; chemtue nang ija chaxwannu hia ija khünaknu kaxfünle changpuix, hwom pange wüi sukya chem hex ija awanle laxüi.

HWON-NWOT-JAONO 5:4

Ikhoma chemtue nange Zang pomtho ma tsaosaxle changüihex, ija a tsuakkya tukuxle chwonle thom ang azongkox. Chix füi ongatbu ang chem mwot müntüi. Nange chem tsaosaxle changdaopuix ija mokle alyet kox.

MÜNCHUAK-TSAI 116:14

Chix khünaknu pangnu tusox ma kue chem tsaosax daopuix ija kue chix ang koxüi.

2 WANGHOMBU 5:17

Ikhoma Naman-e thüi: “Nange ku hingho chilax thüiningle kue laxlaxtox angkya hanpakma man hün anyi hax man hün anyi hax ku ang fahüi, chemthüikoxle athax makhange Jowanpa ang koxkya boma mama baozang owa angchu kue zokle ashunle tö kox angkya oli münchang.

PONGWANG LAIPEX 28:20

Ifüima Jakop-e Jowanpa füi Tsaotsüt lax: “Ku ojongto paopuix ikhato nange ku kho-awa tamchu sütling hia nyi-za koxle jangchang,

JONA 1:14

Ikhoma hwome Jowanpa to nyakle akhong: “O Jowanpa, kwome zangjoppu, ija mixsün mik amütkya khoma kwom to sik taxangününfa! Ija mwot bama hünlit nang changpu chemthüikoxle ija a, O Jowanpa, nang mwot wüi changpu.”

JOB LAIPEX 37:24

Ikhoma chix bama noknusa ang khosamkya to abüt angkya müntüi, ilaxle jetüi-hwonlangpu le ngokyabu chixe ahaile.

JEREMIA 5:22

Ku a Jowanpa changle; hünzom a ku thua büthüikoxle chiza? Ku tunthoma hünzom büthüikoxle zale abünkya chitüipu? Kue otuechu chikai angkya jento ngo angkya tinu füikya longzi tuita a sak danpu. Tinu tüle-tüle achap lechu chang koxlax; ikoxlechu ija a tanle thomdaokya longzi akaile ija münchong; tichap huanuma azaxle chu chang koxlax, ikoxlechu ibue ija longzi mün ama.