JONA 1:14 - OTSAO BAIBEL (BSI)

¹⁴ Ikhoma hwome Jowanpa to nyakle akhong: “O Jowanpa, kwome zangjoppu, ija mixsün mik amütkya khoma kwom to sik taxangününfa! Ija mwot bama hünlit nang changpu chemthüikoxle ija a, O Jowanpa, nang mwot wüi changpu.”

JONA 1:14 ပူးပေါင်းရင်းမြစ်များ

MÜNCHUAK-TSAI 115:3

Kwom Zang a Zangkangting to tüile; chix mong ma chem tsupuix ija chixe mokle.

MÜNCHUAK-TSAI 135:6

Ding hia hax ma, tamchu tinu hia ija othong to, chix zongto amüimüi ma mokle.

TSAITONG-KAXTONG 21:8

Jowanpa, Israel nok nang khünaknu to thailakkya tüihüi. Ijip nok tokya kwom khosünkya a nang changpu. Kwom ang thailak tüihüi ilaxle ija chemngax chichangkya khünak tuita zikmüt khoma hünlit kwom khangkho ma taxadüt.’

EFISIA 1:11

Pangnuli Zang mwottho hia mongzang wünkya ma tix mokle hüipu; üntoxle pongwang tokhange wüi thomkya chix mongzangwün ma athong laxle, chix chaktung khomale Zange kem Khrista füikya notom ma chix khünaknu ang zünle kople.

MÜNCHUAK-TSAI 107:28

Ifüima hwom sikngün tokhange hwome Jowanpa nyak, ilaxle ibu thangnak chak tokya hwom azün.

MATHI 11:26

Changpu, Apa! Chemthüikoxle ile chang angkya a nang mongtex!

JONA 1:16

Ija ngünlaxle khuachei mixbu ang Jowanpa chathua za angkya ahüi ilaxle hwome chix thotha angkya tsaosax.

JONA 1:5

Ikhama tüikya khünaknu tüle abüt-aban ilaxle hwom pangnusae wüi ma zang-zang nyakle hwom khosün hüile akhong. Ifüima khua ti to maxüi ale hün acha angkya hanpakma, hwome khua angkya hün ti to tswonle awüt Ipongma, Jona a khua okha to donglaxle mikngüt müile jiple ngo.

EFISIA 1:9

Chix hwon-je üntoxle tsing-wankya pangnu ma Zange chix chaktung chem hex ija mokle, ilaxle Khrista makhange tsuak angkya chix mong ma zangwün tsuak daokya huxsa mwottho keme awan ang koxle.

WANGSHEMBU MWOT 28:4

Ibu khünake Pol chak ma pu shale ngokya ngün, ilaxle tata füi zangwünle thüi: “Ija mixsün a mix mik amüt daokya mix changüi ilaxle tinu chak tokya chix azang koxlechu chix ozün ma ngo angkya zangpan ma müntüidao changa.”

ISAIA 26:16

Nange nang khünaknu to sikangün, Jowanpa, ilaxle fuxtsüi chifün tokhange hwome nang to jop.

PONGWANG LAIPEX 9:6

Khünaknüsa a Zang lailaile zingkya changpu, idaile hwomkha angkya owawae mixhuak tuita mik amütle jangchangba mama mixe chix lang angkya changpu.

JONA 1:13

Ile chang koxle ikha angkya khuachei mixbue khua a kakax chito ahüi ang azongle hwome janzüi abakle azongle khua chei. Zangchei sisile shixle male hüi, ikhoma hwom tüta chito paole azang ang chimüile chang.

JONA 3:8

Khünak noknusae tamchu müi pangnusae nyikhwon awun angkya changle. Khünak pangnusae wüi mongkoxle zangjop angkya changle ilaxle hwom zanglom chimüikya hia thaikya mwot pangwüi dantox angkya oli changle.