JOEL 3:2 - OTSAO BAIBEL (BSI)

² Ku jat-libu pangwüi asox ang tomüi ilaxle hwom a kaxfün lax angkya haxsha to apüiüi. Ikhama kue hwom bama kax fünüi hwome ku khünakbu to hwondaokya pangnu bama kaxfün faüi.

JOEL 3:2 ပူးပေါင်းရင်းမြစ်များ

ZEFANIA 3:8

“Jowanpae thüi: ‘Nuibang!’ Kue jat-libu pangwüi ma tsaitox-kaxfele changkya nyix tanle nuilax. Kue ku mongtsik mongma tsak-zong atsangle hüikya hwome awanle laxle chang angkya hanpakma jat-li hia wangtingbu asox ang tom angkya ku mong ma zangwünle tsuakdaoa. Ku küntsik-mongmakya chaxwannu pangwüi max ang tomüi.

ISAIA 66:16

Chaxwannu angkya khünaknu opang thaile changpuix ibu to wün hia changlo füi chixe sikngün faüi — ilaxle mik max ang tomüi.

EZEKEL 38:22

Okak-olak hia aji ajenkya füi kue chix to sikangünüi. Thuple thuple watkya zangwat hia jundütkya, ifüi tomle wün hia khat, ibu a chix tamchu chix süpahibu ding to anaolechu chix chikao ma sele tüikya mixnokbu ding to düt ang tomüi.

MIKNGÜN-OHÜN 16:16

Ifüima chasabue Ibri kax ma Armagedon le nyakkya nui to wanghombu sele tomle asox ang tom.

JOEL 3:12

“Kaxfün haxsha to ngui angkya hanpakma, pangnu nok wüi achwon angkya oli changpu. Tomzi nokbu pangnu to kaxfün fa ang Jowanpa, ku, ikhama thung angkya changle.

EZEKEL 39:11

Jowanpae akax: “Chemtue ibu pangwüi changle hüipuix, kue Gog ang Israel haxtok ikhato, Omang Molo Tinu zongma handünchi kao. Wünhammix Haxsha ma akhün angkya zukting koxüi. Gog hia chix füikya khünakbu pangwüi ima akhünüi, ilaxle ija haxsha ang ‘Gog Süpahibu Haxsha’ le nyaküi.

EZEKEL 35:10

“Jowanpa, ku a hwom Zang ang ngole tüingale ngaxchu, Judah hia Israel onok anyi, hwom haxtokbu füi afomle hünzome kopdaokya hünzom kux changpule hünzome thüitüi.

JEREMIA 25:31

ilaxle ija ozing a haxtua-zangnam alople kaüi. Jowanpa ang jat-libu füikya tsetwon-zangwün tüile. Chixe khünaknu pangwüi kaxtik ang sele apüiüi ilaxle chichang-chizangkya khünakbu mik amütüi. Jowanpae ija kax akaxdaoa.’”

MIKNGÜN-OHÜN 20:8

ilaxle chix a chaxwannu handün hia hannop, shuakux hia shuathong pangnu khato chiakle tüikya jat-li, ija Gog hia Megog, dyen ang laile paoüi. Haxshixe shuakax angkya fix ningle tüikya khünaknu azan ang nyakle asoxüi.

MIKNGÜN-OHÜN 16:14

Hwom a ohünotünbu mokle ahokya haxshix chasabu changle. Khüthak Zang Hanpak Nyix azan angkya hanpakma chaxwannu angkya wanghombu komle sele afox ang, ibu chasa azom hwom hato pao.

MIKNGÜN-OHÜN 16:6

Hwome Zang khünaknu hia ajebu, aji thokdao koxle nange hwom ang, aji ling ang koxpu. Hwome chem kopse hex, hwome ija koppu!”

AMOS 1:11

Jowanpae thüile: “Edom noke chatchatnaole ochax lyenle hüidaoa, ikhokho ma kue hwom to sikangün angkya changle. Hwome ma haxnu homsabu Israel nok to müihap nyaxlom pupu le to-zile changdaoa, ilaxle hwom hato oja chingcha ahokya chitüi. Hwom mongtsik ma chem thathüt chitüi, ilaxle hwome ija dangle pao ang chitom.

EZEKEL 36:5

“Ku, Jowanpa Khüthak Zang-e, ku mongtsik zangkham abakle tomzi nokbu füi akaxdaoa, tamnüile chu Edom nok füi akaxpu. Hünzome ajao-adakya füi tamchu zong ma laxle ku haxtok hia müi tsomnuibu laxle changpu.

EZEKEL 25:8

Jowanpa Khüthak Zang-e thüile: “Moab-e Judah noke chuwüi mama mixnokbu lailaikya onok wüi changpu, le thüikya khoma,

JEREMIA 49:1

Ija a Amon nok bama akaxkya Jowanpa kax changle: “Israel khünakbu omaxün? Hwom haxtok khose ang owachu müntüi hia? Hwome büthüikoxle Molek baozang to shwomkyabu ang Gad hwom haxsüt koplaxle ikhato ngo ang tompu?

JEREMIA 12:14

Jowanpae thüi: “Kue ku khünaknu Israel ang koxkya haxtok amakya hwom tomzi nokbu bama kue zangwün angkya hidaole tüile. Fum file awütpupule kue ibu chichang-chizangkya khünakbu hwom chaxwan angkya file awütüi, ilaxle hwom chak tokya Judah nok kue sünüi.

2 PUKAX-PANGAO 20:26

Nyix ali lükya to hwom Berakah Haxsha ma asox ilaxle Jowanpae chempang mokdaopuix, ibu hanpakma chix achuak-afuale chang. Ikhoma ija haxsha ang “Berakah.”

MIKNGÜN-OHÜN 11:18

Chaxwannu khünak ang, tüle mongtsike awang; nang mongtsik hanpak tamchu, omangbu kaxfün hanpak, nguile hüiünkoxle; nang thothakya ajebu, nang khünaknu pangnu; nang chathua zale tüikyabu, hixkya, chongkya pangwüi to, nang mohiman hanpak nguile hüile. Chaxwannu amütkyabu amüt angkya, hanpak nguile hüile.

ISAIA 66:18

Kue hwom mongtex hia hwom mwotbu tsingle Ku nguile ngole chaxwannu nok pangwüi tomle. Chemtue hwom tomle nguiüihex, hwome ku tsak-zonge chem mokle tsuak puix ija ngünle laxüi

JEREMIA 50:17

Jowanpae thüi: “Israel khünaknu a, mailangbue achuale asamkya chunbu ningle changpu. Pongwang ma hwom to Asiria chongwangpae singpu, ilaxle Babilon nok wanghompa Nebukadnezar-e hwom za jao shaole akhixpu.

EZEKEL 34:6

Ikhoma ku chunbu a haxnukhobu to samle aham. Hwom a chaxwan thünthün awangle chiakle pao, ikoxle hwom lomle atakkya mix owachu chitüi.

EZEKEL 36:1

Jowanpae thüi: “Ziün angkya khünak, Israel nok haxnubu füi zangwünle, hwom hanpak ang

JOEL 3:14

Hajat hajat makhange kaxfün fakya haxsha ma tüile. Jowanpa hanpak chwonle ngui angkya a ikhama changle.

MIKA 4:12

Ikoxlechu jat-li ibue Jowanpa mongto chemle thütünpuix chitik. Tsax nak angkya hanpakma sax zütle afoxkya ningle sikngün apong ang tom angkya hanpakma hwome sele asoxkya hwome chitik.