JOEL 3:19 - OTSAO BAIBEL (BSI)

¹⁹ “Ijip nok a sak haxtok ang achangüi, ilaxle Edom nok a laxli chitüile oma ang changüi, chemthüikoxle hwome Judah nok tingtak ilaxle ikha angkya chemmün-chitsingkya khünakbu langle awüt.

JOEL 3:19 ပူးပေါင်းရင်းမြစ်များ

JEREMIA 51:35

Zaion angkya khünaknue thüikox, “Kwom to chakmok janlangle changkya bama hünlit a Babilon noke naxlaxkox!” Jerusalem angkya khünaknue thüikox, “Kwome apongkya sikngün bama Babilon nok ma wüi tsaitox-kaxfele naxchang kox!”

2 THESALONIKA 1:6

Zange oja supuix ija moküi; hünzom sikngün ang tomkyabu hato Zange sikngün apüi koxüi;

ZEKARIA 10:10

Ijip nok hia Asiria nok tokhange kue hwom ma tingtok to chat ang tomüi ilaxle hwom haxtok ma hwom ngo ang tomüi. Kue hwom Gilid hia Lebanon to chuwüi ngo ang tomüi; haxtok pangkhato wüi khünake awangle changüi.

OBADIA 1:1

Ija a, Jowanpa Khüthak Zang-e Edom nok hanpakma akaxkya kax bama Obadiah-e ajekya changpu. Chaxwannu onokbu hato Jowanpae kaxhomix apaodaoa, ilaxle kwome chix kaxho ile atatle: “Achwonlax! Kempi Edom nok zan to kahax!”

MANGSOP 4:21

Edom hia Uz nok, nyikox ilaxle mongmüi ang tsuakle tüipongma mongmüikox. Hünzom max angkya chuwüi nguingole; hünzom chuwüi tomhua ma zakkop-pale hule ajongüi.

JEREMIA 49:17

Jowanpae thüi: “Edom nok hato hüikya thama a khomtsile jao changüi ilaxle le-zyenüi khünak nok wüi abütüi ilaxle khomtsile changüi.

ISAIA 11:15

Jowanpae Suiz angkya tinu shinthuk angkya ti azopüi, ilaxle chixe Eufrat shuanu azop angkya hanpakma khamtungkya zangwin apüiüi, ikoxle muaküsa shuasa anüt wüi zop ang chitomle dantoxüi, chemthüikoxle ibu a pangnusae wüi ahamle ti ta ang tsuakle tüikoxle.

MÜNCHUAK-TSAI 137:7

Jerusalem kopkya nyix Edom noke chemle mokpuix, ija texle ataklax, O Jowanpa. “Ija pünle atsundao!”, le hwome akax ngokya texle ataklax.

ISAIA 11:14

Okhi athütlaxle hannop chikao ma Filistia nok to singüi ilaxle handün chikao ma ngokya khünakbu tingtakle amütüi. Hwome Edom hia Moab nok hwom chak to hwople kopüi, ilaxle Amon noke hwom kax ma laxle tüiüi.

HABAKUK 2:17

Lebanon faonu hünzome shapu; athax hünzom dakle anguaküi. Ija angkya müi hünzome langpu; athax a müie hünzom chabüt-lasün ang tomüi. Ija a hünzome mik-lang mix-huak tamchu chaxwannu angkya tingnubu hia ibu ma tüikya khünakbu zan to kale changkya khoma ile chang ang tomüi.