JOEL 3:17 - OTSAO BAIBEL (BSI)

¹⁷ Jowanpae thüi: “Izuma, Israel, ku a hünzom Zang changle le hünzome awanle laxüi. Ku a, ku otsao haxnu Zaion ma ngole. Jerusalem a otsao tingnu tuita ang changüi; mixnokbue tamchatle ija tingtakle lax ang münthoüi.

JOEL 3:17 ပူးပေါင်းရင်းမြစ်များ

JOEL 2:27

Ifüima, Israel, hünzome ku hünzom khama tüikya awanle laxüi; ku a Jowanpa hünzom Zang changpu, ku boma Zang mama tam-müntüi, le hünzome tsingle laxüi. Ku khünakbu chatle thajao wünhaile chang ang müntom.

NAHUM 1:15

Hulax, kaxho mix tuita, müikya kaxho füi haxnukhobu to nguile ngole! Chix a chixe lütkya bama sungdünüi khakha! Judah khünaknu, hünzome pangpwonle nüilax ilaxle hünzome otsingtsing ma chem tsaosaxle changdaopuix, ija Zang ang laxkox. Chichangchizangkya khünakbue hünzom chaxwan tamchatle tingtakle münchangtoxüi. Hwom a komkaile amüt tsuakdaoa!

ISAIA 52:1

Jerusalem, tamchatle tsak-zonglax ilaxle chonglax! Zang otsao tingnu, tüle müile aza-apuale changlax! Songsaribu a hünzom zünkai to tam münnopüi.

MIKNGÜN-OHÜN 21:27

Ikoxlechu chitsaokya oli chemchu ija tingnu ma nop ang müntomüi, iningle zakkop mwot mokkyabu hia atsekyabu owachu ikhato dong ang müntom. Ikoxle Chun Hosa khüzün Laipex ma opang mün zale tüilaxpuix, ibu tix dong ang tomüi.

ISAIA 4:3

Jerusalem ma danle toxkya pangwüi, opang Zang-e ozün ma ngo ang kamle koppuix, ibu a otsaole nyaküi.

JEREMIA 31:23

Jowanpa, Israel nok Khüthak Zang-e thüile: “Chemtue kue khünaknu ang hwom haxtok tamchatle koxüihex, hwome anaole chuwüi Judah hia ija angkya tinglongbu ma thüiüi: ‘Jowanpae Jerusalem angkya otsao haxhua to mohimanle naxchang. Chix ngole tüikya otsao nui a.’

ZEKARIA 8:3

Ku a Jerusalem, ku otsao tingnu to chatüi, ilaxle ikhama ngoüi. Ija tingnu a tuita mongong tüikya tingnu changpule fuale wünüi, ilaxle Jowanpa Khüthak Zang haxnuang otsao haxnu le nyaküi.

MIKA 4:7

Hwom a cha-chak faile tamchu hom füi atsaile ngole, ikoxlechu atale toxkyabu füi kue jali ozün ang achangle zingüi, ilaxle hwom a chongkya jat-li tuita ang achangüi. Hetuk makhange Zaion Haxnu ma kue hwom to apün-adale changüi.”

DANEL 11:45

Chixe chongkya chix wanghom Nyihom tinu hia haxhua nyi zo ma, Zangshwom-Hom ajongle tüikya khama zingüi. Ikoxle chix to asunle fa angkya mix tuita chitüile chix a zile paoüi.”

EZEKEL 48:35

Katuk pangwüi athüt koxle fak 10, 080 pongle changle. Athax makhange ija tingnu mün a “Jowanpa a Ikhama Tüile!”, le changüi.

EZEKEL 43:12

Ija a Zangshwom-Hom wanlom changpu: Ija akhople tüikya haxhua onui a pangwüi otsao changle.”

ISAIA 35:8

Ikhato afithole lomnutang tüiüi, ija ang “Otsao Lomnu”, le nyaküi. Ochax khünak owachu ija lom ma münahamüi; ikhama ahamkyabu owa ongatechu ochei to münpaoüi.

ISAIA 12:6

Zaion ma ngole tüikya pangnusa akhong kox üntoxle tsai ngaokox! Israel nok otsao Zang a chongkya changle, ilaxle chix a chix khünaknu füi ngole.”

MÜNCHUAK-TSAI 76:2

Chix a Jerusalem ma chix hom tüile; chix a Zaion haxnu ma ngole.

MÜNCHUAK-TSAI 9:11

Zaion apünle ngokya Jowanpa achuakle tsai ngaokox! Chixe chempang mokdaopuix ibu pangnok-jating to wünkox!

LAIPAO 16:12

“Kue Israel khünaknu kaxthup-ngaotün atatle laxdaoa. Lyetfa to hwome sax angkya müi ataküita le thüikox: ilaxle anopningle, woktex ma sax ang, hwome an ataküi. Ifüima hwome ku Jowanpa, hwom Zang changpule awan ang kopüi.”

ISAIA 11:9

Zaion, Zang otsao Haxnukho ma, thama adün angkya oli hia ochax chemchu müntüiüi. Jowanpa tsing-wankya füi chaxwan awangle changüi tinu shinthuk ti füi awangle tüikya ningle.

ISAIA 46:13

Lüt angkya din kue chwonle ahüiüi — ija a tsailo towüi lejao münchang. Kue anao angkya shenle ngoüi münchang. Kue Jerusalem sünle kopüi ilaxle ikhama Israel nok hato achuak-achenkya apüiüi.”

ISAIA 56:7

“Kue hünzom a ku otsao haxnu, Zaion to apüiüi ilaxle ku zangjop hom ma hünzom ang mongsom koxüi, ilaxle ku tötsap ma hünzome koxkya töbu kue pongle kopüi. Ku Zangshwom-Hom a chaxwannu nok hanpakma zangjop homle nyaküi.”

JEREMIA 31:40

Ojongkha ma mangzule tamchu oma-oshixbu awütle changpuix, ilaxle Kidron Shuasa zongma thakchi ma handün chito Man Zünkai alople tüikya manzai haxtok pangwüi, haxshasha bakle, ku zongto otsao nui ang changüi. Tingnu a tamchatle otuechu pünle münama chichangba amüt ang müntom.”

EZEKEL 20:40

Haxtok chukhato, ku otsao haxnukho ma, Israel ma atsuakya haxnukho ma, Israel khünak hünzom pangnusae ku to shwom angkya changle. Ku ang hünzom füi mongmüiüi, ilaxle hünzome ku hato sümüikya töbu, hünzom töbu amüikya hia hünzom otsao hinghobu apüile kox angkya changle le mongongkya tüiüi.

EZEKEL 37:6

Kue hünzom ang zix-hi-zabu athut apongle thom angkya tsak-zong koxüi, ilaxle hünzom to khwon füi chwople koxüi. Kue hünzom ma zaksyet angkya zangwin shole koxüi ilaxle hünzom a tamchatle ozün ang achangüi. Ifüima hünzome ku a Jowanpa changpule awan ang kopüi.”

EZEKEL 44:9

“Jowanpa Khüthak Zang, kue ngaipu, ku Zangshwom-Hom to, Khwonzüt-Zom chizingkya mix, ku kax ma chilaxle tüikya mix, Israel khato tomle ngole tüikya mixnokbu ngaxchu, owachu nop ang müntomüi.”

DANEL 9:16

Ledaokya ma nange kwom kho awale thompu, ikhoma athaxpi Jerusalem füi nang ang mongmakya taxtüiünfa. Ija a nang tingnu changle, nang otsao haxnu changle. Kwome mokkya ochaxbu hia pupa hwom chichangchizangle tüidaokya khoma tomzi nok pangwüie Jerusalem to ilaxle nang khünaknu to ajaole hule.

JOB LAIPEX 15:19

Hwom haxtok ma püntüi owachu chitüile tüikya; Zang füi atsaile hwom abe pao angkya mix owachu chitüikya.