JOEL 3:12 - OTSAO BAIBEL (BSI)

¹² “Kaxfün haxsha to ngui angkya hanpakma, pangnu nok wüi achwon angkya oli changpu. Tomzi nokbu pangnu to kaxfün fa ang Jowanpa, ku, ikhama thung angkya changle.

JOEL 3:12 ပူးပေါင်းရင်းမြစ်များ

JOEL 3:2

Ku jat-libu pangwüi asox ang tomüi ilaxle hwom a kaxfün lax angkya haxsha to apüiüi. Ikhama kue hwom bama kax fünüi hwome ku khünakbu to hwondaokya pangnu bama kaxfün faüi.

ISAIA 3:13

Jowanpa a chix kaxfün tsetwon ang achwonle ngole; chix a chix khünakbu kaxfün ang achwonle ngole.

ISAIA 2:4

Chixe chongkya jat-libu ba angkya ala-ashakya zangwün tsuakle faüi. Hwome hwom changbu han-kho ang achangle thupüi ilaxle paxbu a fumham changlosabu ang thuple alaiüi. Jat-libu tamchatle tata zan to münkaüi, tamchatle achax-azan ang atha-nyemle münchangüi.

MÜNCHUAK-TSAI 98:9

chemthüikoxle chix a chaxwannu to apün ang nguile. Sukya kaxfün füi tamchu masüi-mix-chilüile chixe chaxwannu angkya khünaknu to apünüi.

MÜNCHUAK-TSAI 96:13

apün-awang angkya hanpakma Jowanpa chaxwannu to nguipongma. Masüi-mixlüi chitüile sukya kaxfün füi chixe chaxwannu angkya khünaknu thakma apünüi.

ZEKARIA 14:4

Ipongma chix, Jerusalem zong ma handünchi, Olip Haxnu ma ajongüi. Ifüima Olip haxnu a chongkya haxbang makhange handün hia hannop le ahanüi. Haxnu süifi a shuakux chito paoüi, ilaxle süifi a hannop chito paoüi.

MIKA 4:3

Chixe jat-libu ba angkya ala-shakya zangwün fünle faüi, chongkya janzüi füikya tsailo tokya hia soxle tüikyabu bama. Hwome ma changlobu haxkhut kho ang thuple zingüi ilaxle hwom paxbu fumham chang ang jaoüi. Jat-libu tamchatle zan to münkaüi, achax-azan ang tamchatle tha-nyemle chichangüi.

JOEL 3:14

Hajat hajat makhange kaxfün fakya haxsha ma tüile. Jowanpa hanpak chwonle ngui angkya a ikhama changle.

MÜNCHUAK-TSAI 7:6

Nang mongtsik füi ajongkox, O Jowanpa! Tüle shixkya ku zanpabu füi alünle ajongkox; nang ajongkox üntoxle ku to asunkox! Nange lomkya a sukya kaxfün changle,

MIKNGÜN-OHÜN 19:11

Ifüima zangkangting ka daple tüikya kue ngün, ija ma mantho tuita tüikya. Ija mankho ma ngakya mix ang mongong shingmong üntoxle otsingtsing le nyak; chixe kaxfünkya hia azankyabu mwot sukya olom ma mok.

EZEKEL 39:11

Jowanpae akax: “Chemtue ibu pangwüi changle hüipuix, kue Gog ang Israel haxtok ikhato, Omang Molo Tinu zongma handünchi kao. Wünhammix Haxsha ma akhün angkya zukting koxüi. Gog hia chix füikya khünakbu pangwüi ima akhünüi, ilaxle ija haxsha ang ‘Gog Süpahibu Haxsha’ le nyaküi.

EZEKEL 30:3

Jowanpae mwot mok angkya ija nyix a soxle hüile, Jatlibue zangfwom hia thamabu apong angkya nyix a.

2 PUKAX-PANGAO 20:26

Nyix ali lükya to hwom Berakah Haxsha ma asox ilaxle Jowanpae chempang mokdaopuix, ibu hanpakma chix achuak-afuale chang. Ikhoma ija haxsha ang “Berakah.”

ISAIA 22:1

Ija a Mikngünohün Haxsha ba angkya kaxho tuita changle. Chempang changle ngopu? Tingnu angkya khünaknue homkho to chem hanpakma pangpwonle ngopu?