JOEL 3:1 - OTSAO BAIBEL (BSI)

¹ Jowanpae thüile: “Ija tuk ma kue Judah hia Jerusalem tamchatle ahak-alua ang tomüi.

JOEL 3:1 ပူးပေါင်းရင်းမြစ်များ

JEREMIA 30:3

chemthüikoxle kue ku khünaknu, Judah hia Israel, chatle shomüi-wanmale ngo ang tom angkya hanpak nguile hüile. Kue hwom a hwom pupa hwom ang koxle tüikya haxtok to chatle apüiüi, ilaxle hwome tamchatle ija ma nokpu ang achangle ngo ang kopüi. Ija kax, Jowanpa, kue akaxdaoa.”

EZEKEL 39:25

Jowanpa Khüthak Zang-e thüile: “Ikoxlechu athax kue Jakop susa hwom, Israel nok hato chingcha ahoüi, ilaxle hwom a tamchatle ahak-aluale chang ang tomüi. Kue ku otsao mün kho awa angkya changle.

AMOS 9:14

Kue ku khünaknu a hwom haxtok to tamchatle apüiüi. Hwome pünle ama thomdaokya hwom tingnubu zingle amüi laxle ibu ma ngoüi; hwome grep manzaile changüi ilaxle ibu angkya grepti-ju lingüi; hwome pünziak laimo ali laxle ibu saxlaxle ngoüi.

JEREMIA 29:14

Changle, kue thüipu, hünzome ku ataküi, ilaxle kue hünzom a hünzom chaxwan ma tamchatle ngo ang tomüi. Kue hünzom ojong chaxwan hia tingnok to chiakle asam thomtüipuix ibu haxtok hia onok pangkha tokya wüi kue hünzom asox-atomle changüi, ilaxle kue hünzom a ojongkha tokhange zanda ang paokya hex ija onui to chatle apüiüi. Ija kax, Jowanpa, kue akaxdaoa.’

MÜNCHUAK-TSAI 85:1

Jowanpa, nange nang chaxwan to chingchale tüikya; nange Israel nok tamchatle ahak-aluale chang ang tom.

TSAITONG-KAXTONG 30:3

Jowanpa hünzom Zang-e hünzom to chingchakya tüiüi. Hünzom chiakle asam thomkya haxtok tokya chixe hünzom tamchatle apüiüi, ilaxle tamchatle chixe hünzom ahak-aluale chang ang tomüi.

JEREMIA 30:18

Jowanpae thüi: “Kue ku khünaknu hwom chaxwan to chat ang tomüi ilaxle hwom homkha pangwüi to kue chingchaüi; Jerusalem a azünle zingüi, ilaxle ija chongwang homlobu chatle kopüi.

JEREMIA 16:15

Itülüi, ku a, shuakuxchi nok tokya tamchu kue hwom chiakle asam thomkya nok tokya Israel khünaknu khosünle apüikya khüzün Zang changpule ku mün ma tsaosaxle changüi. Kue hwom pupa hwom ang koxkya hwom haxtok towüi chatle apüiüi. Ija kax Jowanpa, kue akaxdaoa.”

MÜNCHUAK-TSAI 14:7

Zaion makhange Israel noke lüt angkya bama kue chemle zangjoppuix. Jowanpae hwom tamchatle ahak-alua ang tomkya zuma Israel khünakbu ang chemtukuxle mongmüikya tüiüihex!

EZEKEL 16:53

Jowanpae Jerusalem ang thüi: “Kue hwom tamchatle ahak-alua ang tomüi: Sodom hia she tingkhuabu tamchu Samaria hia she tingkhuabu. Changle, kue nang chuwüi ahak-alua ang tomüi.

JOEL 2:29

Ipongma kue ku Chasa, dabu, sheko hia lüka pangnusa ang wüi thokle koxüi.

DANEL 12:1

Jaknyidax awunlaxle tüikya kaxtaimixe thüi: “Ipongma achongkya kaxtaimix Maikel, owae hünzom khünaknu nyele ngopuix, chix ngaiüi. Ifüima sikngün zolit angkya hanpak tüiüi, ija sikngün a ojat-oli le changle hüikya füima sümapupa ang changüi. Chemtue ija hanpak nguile hüiüihex, hünzom jat-li khama Zang laipex ma münzale tüikya khünaknak khosünkya tüiüi.

HUAKE LAIPEX 11:29

Mosa-e lan: “Kue luakya to nang mix aban pia? Jowanpae chix chasa khünaknu mok ang koxle chang koxle pangnusa wüi ajebu lailaile akhong ang tomle müihuse thüikoxchu!”

HUAKE LAIPEX 12:6

ija ma Jowanpa akax: “Athax kue chem akaxüihex, ija to na thale apalax! Chemtue hünzom khama ajebu tüipuix kue ku sün hwom hato mikngün-ohün ma aho ilaxle wünmang ma zangwünle changpu.

WANWÜNKAX 1:23

Kue hünzom to sale changpongma apakoplax; kue hünzom ang müikya olom adangle fafang ilaxle ku je-hwon hünzom füi tom-hanle changfang.

ISAIA 44:3

“Tilan zingokya haxtok ang kue ti koxüi ilaxle haxkozan to shuasa tibu jen ang tomüi. Kue ku chasa hünzom su-sa hwom ang thokle koxüi ilaxle ku mohiman hünzom sixlibu ang koxüi.