JOEL 2:32 - OTSAO BAIBEL (BSI)

³² IKoxle opange Jowanpa ang asunhüile thüiüihex, hwom khosünkya tüiüi. ‘Züizüi Jerusalem to paole azangüi; kue zünle kopdaokyabu azangüi’ le Jowanpae akax daokya ningle.”

JOEL 2:32 ပူးပေါင်းရင်းမြစ်များ

ROM NOK HATO ZAKYA POL LAIZA 11:26

Ile Israel khünak pangnu khosün angkya a ija changle. Otsao Lai ma akax ngokya ningle: “Khosünpa Zaion tokhange nguiüi, ilaxle Jakop sixli angkya, chichang-chizang mwot awütüi.

JEREMIA 31:7

Jowanpae thüi: “Israel nok mongmüi tungle ngaokox, jat-libu khama achongkya changle. Hünzome münchuak tsai ngaokox, ‘Jowanpae chix khünaknu khosünle kople. Atale toxkyabu chixe sünle.’

ISAIA 46:13

Lüt angkya din kue chwonle ahüiüi — ija a tsailo towüi lejao münchang. Kue anao angkya shenle ngoüi münchang. Kue Jerusalem sünle kopüi ilaxle ikhama Israel nok hato achuak-achenkya apüiüi.”

ROM NOK HATO ZAKYA POL LAIZA 9:27

Ilaxle Israel khünaknu hanpakma khuapu: “Israel khünaknu fa angkya saktsang büta tüibachu, hwom kha angkya hidaole wüi azangüi;

JEREMIA 33:3

“Ku nyaklax, kue nang kax to lanüi; nange tsingle chingokya ohünotün hia khomtsikya jali nang hama wünüi.

OBADIA 1:17

“Ikoxlechu Zaion Haxnu ma züizüi paole azang thoüi, ilaxle ija a otsao nui ang changüi. Amipong tokhange wüi hwom kux hex-ole panle thomkya haxtok Jakop khünaknue kopüi.

ISAIA 11:11

Chemtue ija nyix nguile hüiüihex, Jowanpa-e chix tsak-zong tamchatle twonüi ilaxle chix khünaknu opang Asiria nok hia Ijip nok, Pathros, Etheopia Elam, Babilon, tamchu Hamath ibu haxtok to tüikyabu, ilaxle tinu kax achole tüikya hia shuazo to ngole tüikyabu, ibu pangwüi ma chaxwan lomle chat ang tomüi.

MÜNCHUAK-TSAI 50:15

Thangnak apong pongma ku selax; kue nang khosünüi, ilaxle nange ku achuaküi.”

1 KORIN 1:2

Korin ma tüikya Zang müimüithom, opang Zang otsao khünak ang achang ang nyakle koplaxpuix ibu pangnu, Khrista Jisu ma notom tokhange opang chix kux changpuix, Jisu Khrista owa kem Jowanpa chuwüi changpuix, chix shwomkyabu pangnu hato:

WANGSHEMBU MWOT 2:39

Chemthüikoxle hünzom üntoxle hünzom susabu, üntoxle tsailo to ngokyabu pangnu, üntoxle Jowanpa kem Zange chix hato otukux sele tüilaxpuix, ibu noknusa hanpakmale Zange tsaokya changle.”

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

JUHAN 10:16

Ikoxle ija othom kha angkya chichangle, ku ang chun mamabuchu wüi tüihule; kue hwomchu wüi apüi angkya changle; hwome ku kax ma laxle tüiüi, ile nyetmix tuita fangma othom tuita ang achang angkya changle.

JUHAN 4:22

Hünzom Samariabue mae ngaxchu chitsingkya to shwompu; ikoxle kwom Jehudi khünakbue, kwome oja awanpuix chix to shwompu; chemthüikoxle khosün a Jehudi nok makhange tix hüipu.

MIKA 5:3

Ikhoma ija naosa ngün angkya mixcha tuitae nao ngünle changkya kople Jowanpae chix khünaknu a zan-nokbu chak to koxle thomüi. Ifüima zanda ang ngokya Israel khünak ibu ma khünakbu füi tamchatle motomle changüi.

ISAIA 11:16

Ikhato chizi-chimaxle tüikya chix khünaknu hanpakma Asiria akaile tit-thui lomnu tuita zingüi; ija a, hwom pupa hwom Ijip nok tokya laile pao tanto tüile ngokya ningle changüi.

ISAIA 10:22

Athaxpongma Israel khünaknu a tinu khatokya fix büta tüile ngokoxchu, hwomkha angkya hidaole wüi chatüi. Khünakbu hanpakma thama a athünle thomle, ilaxle ija kop angkya asupu.

ISAIA 4:2

Jowanpae ija haxtok angkya pünzuabu tüle chongle tamchu osün müile tsong ang tom angkya hanpak hüile ngole. Chimaxle azangkya Israel nok pangwüi mongmüiüi ilaxle hwom haxtok ma saxkop-linglole changkya to hwom ang mong ngamüi.

IBRI 12:22

Itülüi, hünzom Zaion haxnu üntoxle ozün ma tüikya Zang tingsho, hajat-hajat kaxtaimixbu füi tüikya zangkangting Jerusalem to ngui.

ROM NOK HATO ZAKYA POL LAIZA 11:7

Jangchangba chem? Israel noke hwom lomle ngokya chiatak. Zange zünle kopkya khünak huak hidaole tüikyabue tix ija atak; mamabu ang a Zange nyakkya atat ang naba.

ROM NOK HATO ZAKYA POL LAIZA 9:24

Chemthüikoxle Jehudi khünakbu kha angkya tata chichangle mixnokbu kha angkyachu wüi chixe nyakle kopkya kem changle.

WANGSHEMBU MWOT 15:17

Mama khünak noke Jowanpa lomüi, ku hanpak ang nyakkya, mixnokbu pange wüi.

OBADIA 1:21

Zan to lütlaxle tüikya Jerusalem angkya khünakbue Edom nok to singüi ilaxle hwom to apünüi. Ilaxle Jowanpa chix jaojao wanghom ang changüi.”

ROM NOK HATO ZAKYA POL LAIZA 11:5

Athaxchu ija lailaile, chix chingcha khoma, Zange zünle kopkya khünak huak hidaole tüile.

PONGWANG LAIPEX 4:26

Seth ang lüka naosa tüi. Chixe ija nao ang Enosh le amün. Ipongma khünaknue zangshwom pongma Jowanpa münlün angkya owang wang.

AMOS 9:8

Jowanpa Khüthak Zang, kue ija ningkya Israel nok ochax wangting tuita to hule ngopu, ilaxle kue ija a chaxwan thün angkya amüt angkya changpu. Ikoxlechu kue Jakop sixli hwom komkaile münamüt.