JOEL 2:31 - OTSAO BAIBEL (BSI)

³¹ Zanghan a nakle paoüi, ilaxle lyetnu a aji lailaile khile paoüi, ija za-adünkya Jowanpa Nyix nguiüi thoma a.

JOEL 2:31 ပူးပေါင်းရင်းမြစ်များ

MATHI 24:29

“Ija pongma sikngün füima thuile, zanghan nyankya zaküi; lyetnuechu münnyanüi; lyettsibu punle dütüi; ilaxle ding tokya tsakzongbu, aloxle achikachexüi.

MALAKI 4:5

“Ikoxlechu ipong chongkya hia za-adünkya Jowanpa hanpak nguile hüiüi thoto, kue hünzom hato ajepa Elija ahüiüi.

MALAKI 4:1

Jowanpae akax: “Ongam hia ochax khünakbu tsaxsa zokle ashun pupu le zokle ashun angkya hanpak nguile hüingole. Ija nyix hwom a zokle ashunüi, ilaxle hwom owachu atale chitoxüi.

JOEL 3:15

Lyetnu hia zanghan nakle paoüi, lyettsibue nyankya chitüiüi.

JOEL 2:10

Hwom süsox-süsoxle soxpongma chaxwannu jao sile alox; zangdingkho sile abün. Lyetnu hia zanghan khisumle khi, ilaxle lyettsibue chu athaxpi chinyan.

KAXHO MÜIKYA LUK 21:25

“Üntoxle Zanghan hia Lyetnu üntoxle Lyettsibu to mowan tüiüi; chaxwannu pangnu haxtok towüi tichap hia tinu jazinge khünaknu ang pipale khosamkya tüiüi.

JOEL 3:1

Jowanpae thüile: “Ija tuk ma kue Judah hia Jerusalem tamchatle ahak-alua ang tomüi.

MATHI 27:45

Tungto shene khonta azom zangfang pangnu khato haxshix zangnak.

WANGSHEMBU MWOT 2:20

ija chongkya hia fuazangkya Jowanpa hanpak nguiüi thoma; zanghan a naktukle changüi, lyetnu a aji ningle khiüi.

MIKNGÜN-OHÜN 8:12

Ifüima ali lükya kaxtaimixe chix nyazong müt. Zangngai othom azom ma ahankya thom tuita zangngai chitüi le changkya; üntoxle zangnak hia zangngai othom azom ma ahankya thom tuita ma zangngaikya chitüi angkya hanpakmale zangnaktukle chang angkya hanpakma, zanghan othom azom ma ahankya thom tuita to, lyetnu othom azom ma ahankya thom tuita to le fitdaoa.

JEREMIA 4:28

Chaxwannu ang nuzaokya tüiüi; zangkho to zangnake awangüi. Jowanpae ija akaxdaoa ilaxle chixe ija chix mong münalüix. Chixe chix mongzangwünle tsuakdaoa ilaxle tam aküile huüi münchang.

EZEKEL 32:7

Chemtue kue nang thomjole changüihex, kue zangding to chwopüi ilaxle lyettsibu fwotle awütüi. Zanghan a zangfwom khung to ngoüi, ilaxle lyetnue wünnyan chifaüi.

JOEL 2:1

Nyazong mütkox; khünak mong asa ang Zang otsao haxnu, Zaion haxkho to. Abünlax, Judah angkya khünaknu! Jowanpa Hanpak-zanghan chwonle nguingole.

JOEL 2:2

Ija a zangnak tamchu kochidongkya nyix ang changüi, naktukle zangfwom atyenkya nyix a. Zazwop-kuknu süpahibu chongkya süsox-süsoxle soxle hüi haxnubu to alumle zangnaknu hüikya ningle. Ija ningle chemchu machangtox, ilaxle füichimachu ile münchangtoxüi.

JOEL 2:11

Jowanpa zangtsak-zangdunge chix süpahibu ang kaxtom kox. Chix kax ma laxle tüikya zankat naomüibu huanuma tamchu tsak-zongle tüikya. Jowanpa Hanpak-zanghan a chemtukux zadünkya hex! Ija thoto owa paole azan thoüi?

ZEKARIA 14:6

Chemtue ija hanpak nguile hüiüihex, ikhato zangkong hia jun ang achangle adwonkya müntüiüi,