JOEL 2:28 - OTSAO BAIBEL (BSI)

²⁸ “Ifüima kue ku Chasa pangnusa ang thokle koxüi; hünzom sasün hia sacha hwome ku kaxho apuküi; hünzom zunu-zupabue wünmangbu ngünüi, ilaxle hünzom tsünzünbue mikza wünmangbu ngünüi.

JOEL 2:28 ပူးပေါင်းရင်းမြစ်များ

EZEKEL 39:29

Kue kue khünaknu Israel nok khangkho ma ku chasa thokle koxüi ilaxle hwom hato otuechu kue tok münaho. Jowanpa Khüthak Zang, kue ija akaxpu.”

WANGSHEMBU MWOT 2:39

Chemthüikoxle hünzom üntoxle hünzom susabu, üntoxle tsailo to ngokyabu pangnu, üntoxle Jowanpa kem Zange chix hato otukux sele tüilaxpuix, ibu noknusa hanpakmale Zange tsaokya changle.”

ISAIA 32:15

Ikoxle Zang-e tamchatle kem hato chix chasa ajoüi. Awütle thomkya haxtok haxzao füikya haxtok ang changüi, ilaxle haxtok ma tüle-tüle puamünüi.

ISAIA 44:3

“Tilan zingokya haxtok ang kue ti koxüi ilaxle haxkozan to shuasa tibu jen ang tomüi. Kue ku chasa hünzom su-sa hwom ang thokle koxüi ilaxle ku mohiman hünzom sixlibu ang koxüi.

ZEKARIA 12:10

“Dawid sixli hia Jerusalem ma ngokya khünaknu kue chingcha hia zangjop chasae awangle chang ang tomüi. Owa hwome tople langdaopuix, hwome chix to hu, ilaxle sasün tuita wüi zikya nao mangtsakya lailaile hwome chix mangtsale changüi. Somwang nao zile paokya kako to mangtsapupu le hwome mongmaxle mangtsaüi.

WANWÜNKAX 1:23

Kue hünzom to sale changpongma apakoplax; kue hünzom ang müikya olom adangle fafang ilaxle ku je-hwon hünzom füi tom-hanle changfang.

JUHAN 7:39

Ikoxle chixe ija Otsao Chasa, chix to ongkyabue pongle kop ang kox angkya bama akaxkya changle; chemthüikoxle ipong wane Otsao Chasa mafa chemthüikoxle Jisu a fuazangle nwonle madün.

WANGSHEMBU MWOT 2:33

Chix a zang tsaxchi ma nwondaoa, ilaxle Hopae tsaodaokya ningle, Chix angkya Otsao Chasa kop; ilaxle hünzome athax atatkya hia ngünkya a kem ang ahanle koxkya chix hingho changle.

KAXHO MÜIKYA LUK 3:6

Khünak noke Zang khosün ngünüi!’”

GALATIA 3:28

Idaile Jehudi hia mixnokbu bama da hia panle thomkyabu bama, lüka hia sheko bama le süichapkya chemchu müntüi, Khrista füikya notom ma hünzom pangnu tuita.

ISAIA 40:5

Ifüima Jowanpa fuazang ngaile ahoüi, ilaxle ija khünaknüsa noke wüi ngünüi. Ija a Jowanpa chix jaoe tsaokya kax changle.”

HUAKE LAIPEX 12:6

ija ma Jowanpa akax: “Athax kue chem akaxüihex, ija to na thale apalax! Chemtue hünzom khama ajebu tüipuix kue ku sün hwom hato mikngün-ohün ma aho ilaxle wünmang ma zangwünle changpu.

ISAIA 49:6

Jowanpae ku ang thüi: “Ku dapa, nang hanpakma ku ang chongkya mwot tuita tüile. Nang a achongkya ang achang angkya tata le münchang Israel khünaknu opang ozün ma tüipuix, ikoxle kue nang a chaxwannu nok hanpak ang zangngai ang zingüi — ikoxle tix zangfang abakle sün ang tho angkya chang koxle.”

WANGSHEMBU MWOT 21:9

Chix ang sacha hwom naocha ali tüikya; hwome Zang kaxho apuk.

JEREMIA 23:28

Aje owae wünmang ngünlaxpuix, chixe ija a wünmang zazale akax angkya changle, ikoxle aje owae ku kaxho atatpuix, chixe a mongong tüikya füi ija ku kaxho apuk angkya wüi changpu. Saxtsa hia saxziak chem ma apyen angkya tüi?

ISAIA 54:13

“Nang khünaknu to ku jaojaoe anwot-anole changüi ilaxle hwom ang ahak-alua angkya hia mongsom koxüi.

KAXHO MÜIKYA LUK 1:67

Juhan hopa Zakaria a Otsao Chasa e awang le tüikya, ilaxle chixe Zang kaxho akax:

IBRI 1:1

Kaikai le Zange, kem pupa hwom füi obi thomthom ma hexle tamchu malom-malom to ajebu makhange zangwünkya,

HUAKE LAIPEX 11:17

Ku juüi ilaxle ikhama kue nang füi zangwünüi ilaxle kue nang ang koxle tüikya chasa züita lax üntoxle hwom ang koxüi. Ifüima hwome ibu khünaknu hanpakma nang füi tomle hünlit hün ang thoüi, ilaxle nange nang tatae hünle ngo angkya münchang.

1 SAMUEL 19:20

ikhoma chix kople apüi ang chixe khünakbu tomle apao. Akhongle azüizüithale lengokya ajebu othom hwome ngünle lax. Hwom khama lompa ang Samuel tüikya. Ifüima Zang chasae Sol khünakbu kop ilaxle hwom chuwüi azüizüithale akhong ang süt.

1 SAMUEL 28:6

ikhoma chixe chemle thüiüile Jowanpa ma tsaitik-kaxshole chang. Ikoxlechu chix zangwün to Jowanpae chemle chu chilan, wünmang chitochu chiaho, chichangba o-nan machu chidong chichangba ajebu makhangechu chiaho.

ISAIA 49:26

Kue hünzom to zothuple ngokya lüile tata alangle chang ang tomüi; hwom a mix-lang mix-huakkya hia chichangchizangle tüikyae mwote tokle changüi. Ifüima khünaknüsa noke wüi ku a Jowanpa changpule awanüi, hünzom khosün üntoxle hünzom danle changkya mix lea. Hwome ku a tsak-zongle tüikya Israel nok Zang changpule awan ang kopüi.”

JEREMIA 23:25

Opange ku mün ma kaxthai zangwünle changpuix ilaxle kue hwom ang wünmang chito kaxho fapule ngaipuix, ibu ajebue chem akaxpuix kue tikle ngole.

EZEKEL 36:27

Kue hünzom ma ku chasa shole koxüi ilaxle hünzome kue fakya wanlombu hia kaxtombu pangwüi thomle changlaxma hexle ija to huüi.

EZEKEL 37:14

Kue ku khüzün zakdün hwom ma mütle koxüi ilaxle hwom azang ang tomüi, ilaxle hwom a hwom haxtok ma ngo ang tomüi. Ifüima hwome ku a Jowanpa changpule awan ang kopüi. Jowanpa kue tsaosaxle akaxpu, kue ija ile moküijao.”

DANEL 7:1

Babilon nok ma Belshazzar wanghom ang achangkya pongwang lükya zanglao ma, kue zangnak ma wünmang chito mikngün-ohün tuita ngün. Kue ija wünmang laiza ma kop, ilaxle ija a ija zale kopkya

1 SAMUEL 19:21

Sol-e ija atatlaxle, chixe kaxhomixbu süluile akat, ikoxle hwom chuwüi akhongle shwon ang süt. Chixe othom azom lükya kaxhomixbu akat, ikoxle hwom chuwüi owang pongkyabu ningle chang ang süt.