JOEL 2:27 - OTSAO BAIBEL (BSI)

²⁷ Ifüima, Israel, hünzome ku hünzom khama tüikya awanle laxüi; ku a Jowanpa hünzom Zang changpu, ku boma Zang mama tam-müntüi, le hünzome tsingle laxüi. Ku khünakbu chatle thajao wünhaile chang ang müntom.

JOEL 2:27 ပူးပေါင်းရင်းမြစ်များ

ZEFANIA 3:17

Jowanpa nang Zang nang füi tüile; chixtsak chix ong makhange nange lüt ang tomüi. Jowanpae nang füi mongzom müikya tüiüi, ilaxle chix mongkün makhange chixe nang ang tsün hozün koxüi. Chix ang nang füi mongmüile tsaingaoüi,

ISAIA 45:5

“Ku a Jowanpa changpu; mama baozang owachu müntüi. Kue nang ang nange laxse tsak-zong koxüi, nange ku owahex chitsing koxlechu.

JOEL 3:17

Jowanpae thüi: “Izuma, Israel, ku a hünzom Zang changle le hünzome awanle laxüi. Ku a, ku otsao haxnu Zaion ma ngole. Jerusalem a otsao tingnu tuita ang changüi; mixnokbue tamchatle ija tingtakle lax ang münthoüi.

EZEKEL 39:28

Ipongma ku khünakbue ku a Jowanpa, hwom Zang changpule awan ang kopüi. Ija hwome awanüi, chemthüikoxle hwom a kue zanda ang koxle apaopu, ilaxle athax a tokfüi to tuita danle chitoxle asox-asüilaxle pangnusa wüi hwom haxtok to tamchatle apüile danpu.

JOEL 2:26

Athax a hünzom huanuma tüinangle ngoüi, ilaxle okhonguile changüi. Hünzome Jowanpa hünzom Zang achuak-achenle changüi. Chix a hünzom hanpakma ohünotün mwot mokle fakya Zang changpu. Ku khünakbu tamchatle thajao-wünhai ang müntom.

MÜNCHUAK-TSAI 46:5

Zang a ija tingnu ma tüile, ilaxle ija a otuechu münmaüi; huazungle zangngai sheme wüi ija to asun ang chix nguiüi.

TSAITONG-KAXTONG 23:14

Hünzom pom a zanglom ma tsaothale thomlax, chemthüikoxle Jowanpa hünzom Zang a hünzom füi tomle pom ma, hünzom kho awa ang tamchu zan-nok to hünzome wüi anao ang tom angkya hanpakma hünzom füi womle tüile. Jowanpae hünzom hato tok ahole anong paokya li chisax-chisukya mwot chemchu taxmok.

ISAIA 12:6

Zaion ma ngole tüikya pangnusa akhong kox üntoxle tsai ngaokox! Israel nok otsao Zang a chongkya changle, ilaxle chix a chix khünaknu füi ngole.”

MIKNGÜN-OHÜN 21:3

Chongwang tüntong makhange akhongle akaxkya kaxzing tuita kue ile atat, “Zang hom a athaxpi, khünaknüsa füi tüiüna! Chix hwom füi tomle ngoüi; hwom chix khünaknu ang achangüi. Zang jaojao hwom füi tüiüi; chix a hwom Zang ang changüi.

1 PITAR 2:6

Chemthüikoxle Otsao Lai-e akaxle, “Kue thalix long tuita zünle koppu; ija kue Zaion ma homkom-longnu ang dan; opange chix to onglaxüi hex, mong athokya müntüiüi.”

MÜNCHUAK-TSAI 68:18

Atsuakya khato chix dong, chix füi tomle zandabu koplaxle; alün-aloxle tüikya khünakbu chak tokya chixe hinghobu pongle lax. Jowanpa Zang a ikhato othuithuima ngoüi.

2 KORIN 6:16

Zang shwomkya hom hia chapabu tuita ang chemle achang thoüi? Kem a ozün ma ngokya Zang Zangshwom-Hom changle! Zang chixe alüile akaxle, “Ku khünaknu füi kue ku hom zingüi, üntoxle ku hwom khato ngoüi; Ku a hwom Zang ang achangüi, hwom a ku khünaknu ang achangüi.”

EZEKEL 39:22

Ija makhange Israel noke ku a Jowanpa, hwom Zang changle le awan ang kopüi.

ISAIA 53:6

Kem pangwüi lom asamdaokya chunbu ningle changkya, kem pangwüi malomlom to pao. Ikoxle Jowanpae sikngün chix khangkho ma adüt, ija sikngün a kem pangwüie kopsepa.

ISAIA 45:18

Jowanpae zangdingkhobu zing — Zang a chix tix changpu! Chaxwannu a chixe zing ilaxle alai — chixe ija othuithui hanpak ang zing. Chixe ija khünak chingole awüt tox ang zingkya chichang, ikoxle khünaknu ngo angkya kha ang zing. “Ku a Jowanpa changpule chixe thüipu, ilaxle zang mama owa müntüi.

ISAIA 44:8

Taxza, ku khünakbu! Kaipong tokhange anyix kople ichu ile chang angkya kue tix aje thompule hünzome awan ngopu, ilaxle hünzom a ku kaxkhibu changpu. Tamchatle mama baozangbu tütüichami? Kue ma-atatkya tsak-zong füikya mama baozang züita tüichami?”

ISAIA 45:6

Chaxwannu tüchikao makhange atakao alople nang a Jowanpa changle ilaxle mama baozang owachu müntüile pangnusae tsingle naxkoplax ang kue ija mokpu.

ISAIA 49:23

Wanghombu a nang zongto mapabu ningle changüi; wangchanubu a nang zongto honu hwom ningle changüi. Hwom nang chitong to puiüi ilaxle nang achuaküi; hwome puinaikya füi hünzom chathua zakya ahoüi. Izuma hünzome ku a Jowanpa changpule awanüi; kue fong angkya tanle hungokya ku khünak owa angchu mong münatho.”

EZEKEL 37:6

Kue hünzom ang zix-hi-zabu athut apongle thom angkya tsak-zong koxüi, ilaxle hünzom to khwon füi chwople koxüi. Kue hünzom ma zaksyet angkya zangwin shole koxüi ilaxle hünzom a tamchatle ozün ang achangüi. Ifüima hünzome ku a Jowanpa changpule awan ang kopüi.”

ZEFANIA 3:11

Ipongma hünzom, ku khünakbu, hünzome ku zan to kale changdaokya bama azak angkya mwot müntüi. Ngamkya hia mix to asongle hukya khünakbu kue apaoüi, ifüima hünzome tamchatle ku otsao haxnu ma ku zan to kale münchangüi.

HUAKE LAIPEX 11:29

Mosa-e lan: “Kue luakya to nang mix aban pia? Jowanpae chix chasa khünaknu mok ang koxle chang koxle pangnusa wüi ajebu lailaile akhong ang tomle müihuse thüikoxchu!”

HUAKE LAIPEX 23:21

Israel khünaknue füichima Shoma hia sikngün münapongüile kue ngünle tsuakle. Jowanpa hwom Zang a hwom füi tüile; Hwome chix a hwom chongwangpa changpule khuapule.

WANWÜNKAX 1:23

Kue hünzom to sale changpongma apakoplax; kue hünzom ang müikya olom adangle fafang ilaxle ku je-hwon hünzom füi tom-hanle changfang.

ISAIA 44:3

“Tilan zingokya haxtok ang kue ti koxüi ilaxle haxkozan to shuasa tibu jen ang tomüi. Kue ku chasa hünzom su-sa hwom ang thokle koxüi ilaxle ku mohiman hünzom sixlibu ang koxüi.

ISAIA 46:9

Kaipongma chempangle changdaopuix texle ataklax; Zang a ku tata wüile ongkya tüilax chemthüikoxle ku lailaikya tamchatle owachu chitüi.

EZEKEL 39:29

Kue kue khünaknu Israel nok khangkho ma ku chasa thokle koxüi ilaxle hwom hato otuechu kue tok münaho. Jowanpa Khüthak Zang, kue ija akaxpu.”

ZEKARIA 2:9

“Jowanpa chix jao hünzom füi alünle azanüi, ilaxle hanpak tuita ma hünzom zanda ang ngokyabue hünzom maxsam ang tomüi.” Chemtue ibu pangwüi changle hüiüihex, ku a Jowanpa Khüthak Zang-e ahüikya changpule noknusa awan ang kopüi.