JOEL 2:2 - OTSAO BAIBEL (BSI)

² Ija a zangnak tamchu kochidongkya nyix ang changüi, naktukle zangfwom atyenkya nyix a. Zazwop-kuknu süpahibu chongkya süsox-süsoxle soxle hüi haxnubu to alumle zangnaknu hüikya ningle. Ija ningle chemchu machangtox, ilaxle füichimachu ile münchangtoxüi.

JOEL 2:2 ပူးပေါင်းရင်းမြစ်များ

JOEL 1:6

Zazwop kuknu süpahibue kem haxtok to single; hwom tüle tsak-zong füi tamchu e ang chithole tüile; hwom wabu a mailang wabu lailaile jao anaxle.

JOEL 2:5

Hwom haxnukhobu to dongle changpongma, ibu zangzingchu man-kanlinbu azingkya lailaile azing; ibu a, wün to hingzang shunpongma azingkya ningle azing. Ibu a, zan to sing ang chongkya süpahi othom achwonpupu le zyenle pya.

JOEL 2:25

Zazwop kuknue hünzom saxziak komkaile sax pongma hünzome chem amütdaopuix ija kue hünzom ang achatle koxüi. Ija süpahibu hünzom zan to akatkya a ku changkya changpu.

JOEL 2:31

Zanghan a nakle paoüi, ilaxle lyetnu a aji lailaile khile paoüi, ija za-adünkya Jowanpa Nyix nguiüi thoma a.

DANEL 12:1

Jaknyidax awunlaxle tüikya kaxtaimixe thüi: “Ipongma achongkya kaxtaimix Maikel, owae hünzom khünaknu nyele ngopuix, chix ngaiüi. Ifüima sikngün zolit angkya hanpak tüiüi, ija sikngün a ojat-oli le changle hüikya füima sümapupa ang changüi. Chemtue ija hanpak nguile hüiüihex, hünzom jat-li khama Zang laipex ma münzale tüikya khünaknak khosünkya tüiüi.

ISAIA 8:22

chichangba haxchi to hukoxlax, ikoxlechu hwome thangnak hia zangnak boma chemchu münngün, hwom jwonle ahüi ngokya zangnaknu kha a.

ISAIA 5:30

Chemtue ija nyix nguile hüiüihex, hwome Israel nok zongto tinu-tichap to kaile azaxle akhongüi. Ija chaxwan to hulax! Zangnak hia künmax-mongshan tata! Zangngai a zangnaknue lingdaoa.

JUD LAIZA 1:13

Ti mwop ningle hwom thünzak ngaile ahokya, tüle zongkya tinu tichap hwom changle. Zange opang hanpakma zukya zangnaknu khato ngwotnui achwonle thompuix, samle aham ngokya lyettsibu a hwom changle.

IBRI 12:18

Israel khünakbu ningle ma to pole awankya hato wünchua, zangnak üntoxle zangfwom shixkya, zangchei, nyazong ozing üntoxlechu kaxzing, ibu füi tüikya Sinai haxnu to hünzom chingui.

MARK 13:19

Chemthüikoxle ija tuke apongkya thangshix, Zange chaxwannu zingpong tokhange athax kopkya mong ma iningle jao machangle tüiüi tamchu ile otuechu münchang toxüi.

AMOS 4:13

Zang a tuita haxhuabu zingkya mix changpu ilaxle chixe zangwinbu zing. Chixe chix mongtex khünaknu ang awan ang tom; chixe anyixning a awünning ang achang. Chix a chaxwannu pangnu füi sütsua le aham. Jowanpa Khüthak Zang: Ija a chix mün!

DANEL 9:12

Nange kwom ilaxle kwom lompabu to chemle mok angkya hex-ole akax daopuix ityatyale mokpu. Nange Jerusalem to chaxwannu nok angkya mama tingnu to nüile sikangünpu,

JEREMIA 13:16

Jowanpa, hünzom Zang achuak kox, chixe zangnaknu ahüiüi thoma, ilaxle haxnubu ma hünzom asuale changüi thoma; hünzome sungle monghom ngokya zangngai chixe zangnaknu ang achangüi thoto.

MÜNCHUAK-TSAI 97:2

Zangfwom hia zangnake chix akhoplaxle tüile; chixe otsao hia sukya kaxfün füi apün-adaüi.

MÜNCHUAK-TSAI 10:6

“Kem otuechu chitho-chilünle münchangüi, keme otuechu sikngün apongkya müntüi”, le hwome hwom füi akaxle.

TSAITONG-KAXTONG 32:7

“Kaidaokyabu ajangle anolax, kaitokyabu a; chemle changdaopuix ija nang hama apua angkya manu-mapa hwom ma atüilax, kaipongkyabu bama wün ang taiko hwom füi akaxlax.

LAIPAO 20:21

Ikoxlechu khünaknu a ochu towüi ajongle ngo. Nakshixkya zangfwom ma Zang tüikya hato Mosa chix tata pao.

LAIPAO 10:14

Ibu othom-othom ma nguilaxle Ijip haxtok pangnu khato ngo ang süt. Ngündaokya khakha ma zazwop kuknu chaoxkya ija ma akhokya changle ilaxle iningle huanuma chaoxkya chatle tamngün toxüi münchang.

LAIPAO 10:6

Ibue nang homkha awangüi, nang wangshembu hia nang khünakbu homkha bakle awangle changüi. Hünpu hünpa hwome ngünle hüidaokya khama ija amakya changüi lüta.” Ifüima Mosa a tok anongle pao.

MATHI 24:21

Chemthüikoxle chaxwannu zingpong tokhange anyix kopkya bama ituk angkya sikngün ma akhole changüi; ija ningle chatle otuechu münchang toxüi.

MIKNGÜN-OHÜN 9:2

Ija lyettsie tswom ka dap, ilaxle ija tswomkha tokya wünkhut lai. Ija wünkhut a tüpong tüpongkya wünchua tokya wünkhut ningle lai. Ija wünkhute zanghan hia zangwin to tuk.

MANGSOP 1:12

“Ku to hulax!”, le-zyenüi khünakbu pangwüi füi akaxle she akhong: “Ku to kakkya ningle owa tochu makak tox, Chix mongtsik pongma Jowanpae ku hato ahüikya okak a.

EZEKEL 32:7

Chemtue kue nang thomjole changüihex, kue zangding to chwopüi ilaxle lyettsibu fwotle awütüi. Zanghan a zangfwom khung to ngoüi, ilaxle lyetnue wünnyan chifaüi.

EZEKEL 34:12

Chunnyetmixbue samle ngokya hwom chunbu tamchatle lomle apüilaxle apu-achangle humekya ningle hwom to kue huüi. Thama apongkya ja zangnak fangto samle tüikya pangkha tokya wüi kue lomle apüiüi.

EZEKEL 38:9

Chix ilaxle chix süpahibu tamchu chix füi tomle chaxwannu onok obiobi koplaxle, zangchei zangwat bütale single ilaxle haxtok to zangfwom füi chwopkya ningle chwopüi.”

JEREMIA 13:6

Hanpak noxta ngokya füima Eufrat hato paolaxle ibu nyi apüi angkya Jowanpae ku füi akax.

JOEL 3:4

“Tair, Sidon, ilaxle Filistia nokbu, hünzome ku to chempang mok ang azong ngopu? Tütali bama hünzome ku to olüix achatle kox ang azong ngopia? Hünzome ile azong ngokya jangchang, kue lebama müi achatle koxüi!

ZEFANIA 1:7

Kaxfün nui ma Jowanpa thung angkya hanpak chwonüna; ikhoma chix tüipongma taxpu-taxzua. Jowanpae chix khünaknu tö koxle chang angkya hanpak achwon ngole ilaxle Judah nok pünpakle chang angkya hanpakma zanpabu ahyenle changdaoa.

ZEKARIA 14:6

Chemtue ija hanpak nguile hüiüihex, ikhato zangkong hia jun ang achangle adwonkya müntüiüi,