JOEL 2:17 - OTSAO BAIBEL (BSI)

¹⁷ Tötsap hia Zangshwom-Hom nyi bama Jowanpa thothale ngokya nguapabue, “Jowanpa, nang khünaknu to chingchahüi. ‘Hünzom Zang oja?’ le adix-adakya kax füi mixnokbue kwom thajao ang taxtom” le hwome sople zangjop angkya wüi changpu.

JOEL 2:17 ပူးပေါင်းရင်းမြစ်များ

EZEKEL 8:16

Ikhoma chixe ku Zangshwom-Hom angkya nuithong to dün. Ekhato otsao nui to dongüi fülom ma, tö-tsap hia nya-o nyi bama, khünak tsaba-aga tukux tüikya. Hwome hwom tok a otsao nui chito aho ilaxle handün chito hule, zanghan chidün to shwomle chikux thongle akhux ngokya.

MÜNCHUAK-TSAI 115:2

“Hünzom Zang ojongkha?”, le onokbue kwom ma büthüikoxle atüi angkya?

MÜNCHUAK-TSAI 79:10

“Hünzom Zang a ojongto tüi?”, le, mixnokbue kwom ma büthüikoxle atüi? Nang ibu nok to sikangünkya kwome ngün ang tomhüi, chemthüikoxle hwome nang dapabu aji huanuma ajenle changdaoa.

MATHI 23:35

Ija khoma chem ngax chitsingkya Abel makhange Zakaria kople chem pak chitikkya khünakbu chemtukux lang daopuix, pangnu wüi hünzom khangkho ma düt angkya changle. Berekiah sasün, owa hünzome Zangshwom-Hom hia tö koxkya zomtong nyi bama langpuix, chixchu wüi womle.

AMOS 7:2

Ku mikngünohün ma kue, chaxwantok ma hingle tüikya oli pangwüi kuknubue saxle awütkya ngün, ifüima kue akax: “Jowanpa Khüthak Zang, nang khünaknu thaikya alak-hüi! Chichang thüikoxle hwom ozün ma chemle ngothoüi? Hwom a hidaole wüi tamchu shonaile tüile!”

JOEL 1:9

Athax Zangshwom-Hom ma kox angkya saxziak chichangba grep ziak chemchu chitüi; Jowanpa ang tö kox angkya chemchu chitüikya khoma nguapabu mongma.

HOSIA 14:2

Jowanpa hato chat-hüi, ilaxle ija zangjop a chix hato apüile koxkya tö ang achang kox: “Kwom ochaxbu thailak tüihüi ilaxle kwom zangjop pongle kop-hüi, ilaxle kwome tsaosax daokya ningle kwome nang achuaküi.

1 WANGHOMBU 6:3

Namnopkya nui a sok 7 zule ilaxle sok 14 khaole tüikya, ija a otsao nui khaokya tukuxle changkya.

LAIPAO 34:9

Chixe thüi: “Nang otsingtomtata ma ku füi mongzom müikya jangchang, kue nang kwom füi tomle azuihüi le tsaiju-kaxjupu. Ibu khünakbu a kax ma chilaxkyabu changle, ikoxlechu kwome mokdaokya bao mwot hia ochax thailakkya tüifa. Kwom a nang khünaknu lüwüi pongle laxhüi.”

MIKA 7:10

Ikoxle kem zanpabu opange kem chanyi laxle “Jowanpa hünzom Zang a omaxün?”, le akaxpuix, keme ibu to lomtang angkya haxthom to tingpupu le nakle tingle lütkya ngün ang kopüi.

AMOS 7:5

Ipongma kue thüi: “Jowanpa Khüthak Zang, zakkox! Chichang thüiningle nang khünaknu chemle azangüi? Hwom a hidaole wüi tamchu shonaile tüile!”

EZEKEL 20:9

Ile chang koxle ku münma angwüi changüile thütlaxle kue ile chimok, chemthüikoxle hwom tomwüi ngole tüikya mixnokbu tunthoma Israel nok hato kue hwom Ijip chaxwan tokya alaile pao angkya kax ngaile kop.

ISAIA 37:20

Athax, Jowanpa kwom Zang, Asiria nok chak tokya kwom azünhüi, ikoxle tix zangfang angkya onok pangnusae Zang ang nangtix changpule awan ang kopüi.”

MÜNCHUAK-TSAI 89:51

O Jowanpa, nang zanpabue nange zünle kopkya wanghompa tha-ajaole! Chix apaopao khato hwome chix tha-ajaole.

MÜNCHUAK-TSAI 89:41

Le-zyenüi khünak pangnusae chix bwot-babu ahuxle pao; chix tomzibu pangnusae chix chanyi.

MÜNCHUAK-TSAI 79:4

Tomzi chaxwanbue kwom cha nyile; hwome kwom chanyi üntoxle haole ada.

MÜNCHUAK-TSAI 74:10

O Zang, kwom zanpabue nang cha chemtukux nyile ngo angkya? Hwome nang othuithuima adix-adale ngo angkya hia?

MÜNCHUAK-TSAI 42:10

Hwome adix-adakyae ku zutle akhix ngole, chemthüikoxle chizakle hwome ku ma atüi ngole, “Nang Zang ojong to tüi?”

2 PUKAX-PANGAO 8:12

Chixe zaikya Zangshwom-Hom tuntho angkya tö-tsap ma Solomon-e tö kox.

TSAITONG-KAXTONG 32:27

Ikoxlechu ku khünaknu to anaole tsuakdaoale kue hwom zanpabu ang mongngam ang tomse chitsu, chemthüikoxle hwom a ku jaojaoe thuple akhixkya changpu.’

MATHI 27:43

Chixe Zang to ongle; chix ma Zang jangtüi thüiningle chixe naxazün koxa; chemthüikoxle chixe ma Zang Hosa changpule akaxle.”

MALAKI 1:9

Athax, zompu-zangpabu, Zang ang kem füi müile tüihüi-ole thüiwanhu. Chixe nang zangjop to otuechu münlax, ilaxle ija a nang thaikya changüi.

NEHEMIA 9:36

Ikoxle nange kwom ang koxkya haxtok ma athax kwom da ang ngole hüipu, nange kwom ang süt fakya ija haxzao füikya haxtok ma.

JOEL 1:13

Nyikhwon awunlax ilaxle soplax, hünzom tö-tsap ma thothale ngokya nguapabu! Zangshwom-Hom to nguilax ilaxle zang angaile soplax! Hünzom Zang ang tö kox angkya saxziak hia grepti-ju chemchu müntüi.

MÜNCHUAK-TSAI 42:3

Zangnak zangngai ku soppu, mikfi ti tix ku süt changpu; ku zanpabue jento ku ma atüile, “Nang Zang a ojongto tüi?”

2 PUKAX-PANGAO 7:20

izuma kue nang ang koxle tüikya haxtok ija angkya kue nang apaoüi, ilaxle ku to shwom angkya kha hex-ole atsaole dankya Zangshwom-Hom kue dantoxüi. Zangfang angkya khünaknue ija wanjaile tamchu ajao-adale changüi.

1 WANGHOMBU 9:7

izuma kue hwom ang fale thomkya ija haxtok angkya Israel khünakbu achaüi. Ku to shwom angkya onui hex-ole zünle kopkya ija haxtok tamchu Zangshwom-Hom chuwüi kue danle toxüi. Khünaknue pangkha towüi Israel nok to anu-ahaile changüi ilaxle she to adix-adale changüi.

TSAITONG-KAXTONG 28:37

Jowanpae hünzom chiakle asam angkya haxtokbu to, hünzom to chemle changpuix, ija bama khünakbu ang khosamüi; hwome hünzom cha nyiüi ilaxle wanjaile changüi.

HUAKE LAIPEX 25:6

Jowanpa Nyihom tunthoma hwom mang sople ngopongma, Israel nok mixsün tuitae Midi nok sheko tuita, Mosa hia Israel khünaknu noke ngünle chix pom khato anop.

ISAIA 22:12

Ifüima Jowanpa Khüthak Zang-e hünzom a mangsop ang tamchu khang ong ilaxle nyikhwon awunle chang ang se.

JIHUSUA 7:9

Kanan nok hia ija haxtok ma tüipupu pangnusae ija zing atatüi. Hwome kwom akhople koplaxle kwom pangwüi langle awüt angkya changle! Ifüima nange ma münchong-ngampai khosün ang chem moklaxüi?”

MÜNCHUAK-TSAI 42:4

Mongmüi atungkya othom tuita, tsai ngaole tamchu Zang achuakle üntoxle tomtomle ahamle hwom lom azuile tüipongma, chemtue ku othom khato Zang hom to paopuix, ledaokyadu texle atak laxle ku mong ashix.

MÜNCHUAK-TSAI 42:11

Ku ang büthüikoxle ipongpongle mongma? Büthüikoxle ku ang ipongpongle mongthangpu? Kue ku mongong Zang ma thomüi, üntoxle anaolechu kue chix achuaküi, ku khosünpa üntoxle ku Zang.