JOEL 2:12 - OTSAO BAIBEL (BSI)

¹² “Ikoxle athax ngaxchu”, le Jowanpae thüile, “chisax-chilingle atsaokya zangjop füi sople tamchu mongmaxle künlop-monglüilax ilaxle ku hato chatlax.

JOEL 2:12 ပူးပေါင်းရင်းမြစ်များ

HOSIA 12:6

Idaile athax, Jakop su-sa hwom, Zang to mongong tüilax ilaxle chix hato chatlax. Mongkoxle chix thothalax ilaxle sukya kaxfün ma ngolax, ilaxle hünzom Zang-e mok angkya to adule tanlax.

JEREMIA 4:1

Jowanpae thüi: “Israel khünaknu, hünzom mong chat-se jangtsu, ku hato chat-hüi. Hünzome ku to mongong thom ilaxle kue tsakkya chapabu awütle jangchang,

HOSIA 6:1

Khünaknue thüi: “Athaxpi Jowanpa hato chat-hax! Chixe kem to mak-koxdaoa, ikoxlechu chixe tütakoxlechu kem kak amüile fa angkya changle; chixe kem to mak-khapu, chixe wüi kem mak to lople fa angkya changpu!

1 SAMUEL 7:6

Ikhoma hwom pangwüi Mizpah ma asox. Hwom hidaole tikholaxle Jowanpa to tökya tuita ang thokle koxle awüt ilaxle nyixtungtale chisax-chilingle atsaole zangjop. Hwome thüi: “Kwome Jowanpa zongto ochax lyenle changdaoa.” (Mizpah ma Samuel-e Israel nok füi zangwün tsaifün-kaxwünle tsuak.)

1 SAMUEL 7:3

Israel khünaknu füi Samuel akax: “Hünzom a Jowanpa hato mongchatle jangchang, hünzom mixnok baozangbu hia baozangchabu Astarte chapabu pangwüi füi atsai angkya changle. Hünzome ma alüile Jowanpa chak to ma alüile atsaole bakle koxlax ilaxle chix tata to shwomlax, ile jangchangba chixe hünzom a Filistia nok chak tokya khosünle kopüi.”

WANGSHEMBU MWOT 26:20

Hwom ochaxbu tokya mong chatle Zang hato hüi angkya wüi changle üntoxle mong chatüna le ahokya mwotli mok angkya changle.

HOSIA 14:1

Hünzom Israel khünaknu, Jowanpa hünzom Zang hato chat-hüi. Hünzome ochaxe hünzom asua ang tamchu ati ang tomle.

KAXFÜNPA-HWOM 20:26

Ifüima Israel khünaknu pangwüi Bethel to ka ilaxle ikhato mangsop. Hwom ikhato Jowanpa tunthoma ngo ilaxle hansong alople hwome sax-lingle chichang. Hwome Jowanpa ngwotnui ma notom-tusüi tö hia otom ma lanle zokle ashunkya töbu kox.

ZEKARIA 7:3

Ilaxle nguapang hwom hia ajebu ma ija kax atüi ang tom: “Kwome zanglao obibi hex mokle hüidaokya ningle, Zangshwom-Hom atsunle amakya bama atsaole zangjop sopkya hanpak laxle hüikya kwome thuithuile mokle le angkya hia chemle changüi?”

ISAIA 22:12

Ifüima Jowanpa Khüthak Zang-e hünzom a mangsop ang tamchu khang ong ilaxle nyikhwon awunle chang ang se.

ZEKARIA 7:5

Chixe thüi: “Haxtok angkya khünaknu üntoxle nguapabu hama, zanglao 70 bama chemtue hwome atsaole zangjop tamchu sople changpuix, ija a ku achuak-achenle mokkya chichang khato le thüikox.

ESTAR 4:16

“Paokox, ilaxle Susa angkya Judah khünaknu pangwüi sele asox kox; ilaxle ku hanpakma chisax-chilingle atsaole zangjop kox. Nyixzom wünzom hanpakma chemchu taxsax taxling. Ku dacha kwome chuwüi ile changüi. Ile chang füima, wanlom ma chitüi koxlechu ku wanghom hato nguiüi. Ile changkya khoma mik max angkya laikoxchu ku mik naxmax kox.”

ISAIA 58:4

Hünzom chisax-chilingle atsaokyae zan alaile, ilaxle hünzom ahe-atsile tamchu achax-azanle. Iningkya chisax-chilingle atsaokya zangjop to kue lanüile hünzome texdaicha?

JEREMIA 4:2

ku mün lünlaxle kaxlan fa angkya hünzom hanpakma sukya ang changüi. Ifüima pangnu jat-lie ku ang hwom to mohiman angkya akaxüi, ilaxle hwome ku achuakle changüi.”

EZEKEL 33:11

Hwom hama, ku a mongao chitüikya ozün ma ngokya Jowanpa Khüthak Zang changpu, ochax khünakbu max-samkya to ku mong münmüi. Itülüi kue hwom a, ochax mwotbu dantoxlaxle ozün ma ngokya ngünse tsule. Israel nok, hünzome mokle hüikya ma ochax mwot zakün. Hünzom zise büthüikoxle tsupu?

DANEL 9:3

Ilaxle kue mongkoxle Jowan Zang to zangjople, ku a süt chisax, ti chiling, nyikhwon awun ilaxle labu khato thungle ngole tüikya.

MALAKI 1:9

Athax, zompu-zangpabu, Zang ang kem füi müile tüihüi-ole thüiwanhu. Chixe nang zangjop to otuechu münlax, ilaxle ija a nang thaikya changüi.

LAIPAO 33:5

Jowanpae Mosa ang khünaknu füi akax angkya kaxtom ile kox: “Hünzom a kax ma chilaxle tüikya khünakbu changle. Ku hünzom füi onox ma thüingaxchu azuile jangchang, kue hünzom komkaile amütle changüi. Athaxpi hünzome ma likwünbu koplaxle achexlax. Hünzom to chemle hwonüihex ija kue wüntsuaklax angpuix.”

KAXFÜNPA-HWOM 2:4

Chemtue kaxtaimixe ija kax akaxle koxpuix, Israel khünaknu pangwüi sop.

2 SAMUEL 24:10

Ikoxle ile Dawid-e khünak huak akiakle changkya füima, chix tutex mongto po ang süt, ilaxle chixe Jowanpa ang thüi: “Ija mwot mokkya bama kue khompua-zadün ochax lyenle changdaoa! Chingchalaxle ku ang thailak tüihüi. Kue ija ongat ningle mokdaoa.”

2 PUKAX-PANGAO 6:27

Jowanpa nange, zangkangting tokhange hwom zangjop to lankox. Israel nok wanghom hia khünaknu thaikya ochaxbu alakkox. Chem supuix ija mok angkya hwom hama anwot-anole changkox. Ifüima, nange nang khünaknu ang othuithuima hwom kux ang fakya nang haxtok hato zangwat ajole changkox.

2 PUKAX-PANGAO 30:6

Ahyenkya kax ija füi, wanghompa hia chix nguakax-wangkhobu kaxtom ma, kaxhomixbu a Judah hia Israel haxtok pangkha towüi aham: “Israel khünaknu, hünzom, Siria noke kem chaxwan tingtakle changpongma azangkyabu, athaxpi hünzom pangwüi Jowanpa, Abraham, Isak hia Jakop hwom Zang hato mongchatle changhüi, ile jangchangba chixchu hünzom hato chatüi.

JEREMIA 3:22

Jowanpa hato tok ahole paokyabu hünzom pangwüi chat-hüi; chixe hünzom kak amüiüi ilaxle mongong tüikyabu ang achangüi. Hünzome thüi: “Changle, kwom a Jowanpa hato chatpu chemthüikoxle chix a kwom Zang changle.

JEREMIA 36:7

Owatsing hwome Jowanpa to zangjopüi ilaxle chichang-chizangkya khatokya hwom mongchatle chang ang tsuak, chemthüikoxle zongbakbak ma chix mongtsik mongma ashukle Jowanpae khünaknu aza-anale changdaoa.”

HOSIA 12:7

Jowanpae thüi: “Israel khünaknu a Kanan nok füi tomwüi chisu-chitangle tüile; hwome hwom kux shak-sünkya mix to tuak-thüt ma dyenkya mongzom müile.

JOEL 1:13

Nyikhwon awunlax ilaxle soplax, hünzom tö-tsap ma thothale ngokya nguapabu! Zangshwom-Hom to nguilax ilaxle zang angaile soplax! Hünzom Zang ang tö kox angkya saxziak hia grepti-ju chemchu müntüi.