JOEL 2:10 - OTSAO BAIBEL (BSI)

¹⁰ Hwom süsox-süsoxle soxpongma chaxwannu jao sile alox; zangdingkho sile abün. Lyetnu hia zanghan khisumle khi, ilaxle lyettsibue chu athaxpi chinyan.

JOEL 2:10 ပူးပေါင်းရင်းမြစ်များ

MATHI 24:29

“Ija pongma sikngün füima thuile, zanghan nyankya zaküi; lyetnuechu münnyanüi; lyettsibu punle dütüi; ilaxle ding tokya tsakzongbu, aloxle achikachexüi.

ISAIA 13:10

Ding angkya lyettsi-lyetsabue nyankya pangwüi zakle paoüi, zanghannu thün naktukle dongüi, ilaxle lyetnue zangngai chifale changüi.

MÜNCHUAK-TSAI 18:7

Ifüima haxwan sile achen üntoxle alox; haxnu chifünbu kang üntoxle atsun, chemthüikoxle Zang ang mongtsik dong.

WANGSHEMBU MWOT 2:20

ija chongkya hia fuazangkya Jowanpa hanpak nguiüi thoma; zanghan a naktukle changüi, lyetnu a aji ningle khiüi.

MIKNGÜN-OHÜN 6:12

Ifüima Chun Hosae azok lükya shintop dapkya kue ngün. Tüle tüle zongle bütix si, nakkya müimun nyi ningle zanghan nakle pao, lyetnu komkaile aji ningle achang

JEREMIA 4:23

Kue chaxwannu to hu—ija a puamün chitüikya haxtok tuita changle; zangkho to hu—ikhato zangngaikya chitüi.

MIKNGÜN-OHÜN 8:12

Ifüima ali lükya kaxtaimixe chix nyazong müt. Zangngai othom azom ma ahankya thom tuita zangngai chitüi le changkya; üntoxle zangnak hia zangngai othom azom ma ahankya thom tuita ma zangngaikya chitüi angkya hanpakmale zangnaktukle chang angkya hanpakma, zanghan othom azom ma ahankya thom tuita to, lyetnu othom azom ma ahankya thom tuita to le fitdaoa.

NAHUM 1:5

Jowanpa miksho ma haxnubu file pao; chix pomtho ma haxhuabu chule pao. Jowanpa ngaipongma chaxwannu alox sile alox; chaxwannu hia ima tüikya khünaknu abün.

JOEL 2:31

Zanghan a nakle paoüi, ilaxle lyetnu a aji lailaile khile paoüi, ija za-adünkya Jowanpa Nyix nguiüi thoma a.

ISAIA 34:4

Lyetnu, zanghan, ilaxle lyettsibu a haxbu ang achangle akhixüi. Zangding a dom atünkya ningle atünle awütüi, ilaxle lyettsibu a grep chak hia fupsa chakbu dütkya ningle dütmaxüi.

MÜNCHUAK-TSAI 114:7

Jowanpa nguikya to chaxwannu alox, Jakop Zang nguile tüikya thoto.

MATHI 27:51

Ipongkhae Zangshwom-Hom atsyen le thomkya nyikhik okho tokhange chitong kople tanti makhange anyi ang achangle kyetle pao. Chaxwannu tüle sile alox ilaxle longbu file pao.

AMOS 5:8

Lyettsibu a Jowanpae zing, Pleiad hia afoxle tüikya lyettsi chepnu ningkyabu a. Chixe zangnaknu a anyixningkya zangngai ang achang ilaxle anyixning a awünning ang achang. Chixe Molo Tinu tokya tibu nyak ilaxle ibu chaxwannu ding to thok. Chix mün a Jowanpa changle.

JOEL 2:2

Ija a zangnak tamchu kochidongkya nyix ang changüi, naktukle zangfwom atyenkya nyix a. Zazwop-kuknu süpahibu chongkya süsox-süsoxle soxle hüi haxnubu to alumle zangnaknu hüikya ningle. Ija ningle chemchu machangtox, ilaxle füichimachu ile münchangtoxüi.

MIKNGÜN-OHÜN 20:11

Ifüima kue chongwang tüntong tsekya hia ikha ma thungkya mix ngün. Chix thüntho angkya ding hia hax paole sam üntoxle ibu chatle tamchingün.

MIKNGÜN-OHÜN 9:2

Ija lyettsie tswom ka dap, ilaxle ija tswomkha tokya wünkhut lai. Ija wünkhut a tüpong tüpongkya wünchua tokya wünkhut ningle lai. Ija wünkhute zanghan hia zangwin to tuk.

ISAIA 5:30

Chemtue ija nyix nguile hüiüihex, hwome Israel nok zongto tinu-tichap to kaile azaxle akhongüi. Ija chaxwan to hulax! Zangnak hia künmax-mongshan tata! Zangngai a zangnaknue lingdaoa.

JOEL 3:4

“Tair, Sidon, ilaxle Filistia nokbu, hünzome ku to chempang mok ang azong ngopu? Tütali bama hünzome ku to olüix achatle kox ang azong ngopia? Hünzome ile azong ngokya jangchang, kue lebama müi achatle koxüi!